Hwègbèèlì 17:26 - Mokpwe: Bakwery (New Testament)

²⁶ Mɔ̀ à mà lòma lì weka mòtò mɔ̀kɔ rzìi matumbà mà arzɛ ma e rze ya mɔ̀nyɛ̀ ma wurzeya òŋgò mòtò mɔ̀kɔ. Ndeŋgànɛlɛ mɔ̀ à mà hwa gbeyà ò lì lìya ò tenì ya e rze ya mɔ̀nyɛ̀ ya arzɛ. Ndeŋgana mɔ̀ à e hwa weka, à mà màa lì rzekeya e hvònda na hweki ema wɔ hwa ò lìya.

Hwègbèèlì 17:26 ပူးပေါင်းရင်းမြစ်များ

Hwègbèèlì 14:17

Ndi tɔ nanù, mɔ̀ à mà uŋmɛ̀lɛ̀ hwèmɛ̀nɛ̀nì nanù ema à hwèlì, ò hweyà hwe gbamù ema mɔ̀ à gbeyà. À è yɔ̀lìrzɛ̀lɛ̀lɛ̀ è mbuwà ema è uwɛ̀lɛ̀lɛ̀yi ò ŋmanyu yà lohwà, ndèŋgànɛ̀lɛ̀ à mà è ŋgba hvɛ è mbòtà ò hvònda yà jɔ̀kɛ̀. À è ŋgba mòlelì rzìi à è òndìrzɛ̀ mèèmà mè anyu nà mɔ̀nyɛ̀ŋgì.”

Hwègbèèlì 15:18

Imba ndi nà mà gbeyà hwenè hweyà hwe arzɛ hwe ma hwiyahwe natɛ̀ɛ na e hvònda ya kòhwa.’”

1 Kɔ̀rintìyà 15:22

Hwatò hwa arzɛ hwa ŋwa èhwanja hwa hwèlì ndi mòtò mɔ̀kɔ na Adàmu. Ŋgana hvɔ̀kɔ mɛnɛ nanù ndi Lohwɛ̀ a gbeyà hwatò hwa rze hwa hvùmùwà na oma hwa hwèlì mòtò mɔ̀kɔ na Krirztò.

1 Kɔ̀rintìyà 15:47

Adàmu e mòtò wa worzò, à mà wèkahwà ndi na mɔ̀nyɛ̀ mo rze, à mà uwɛ̀lɛ̀lɛ̀yi ndi o mɔ̀nyɛ̀. È Adàmu ema e ma jà hvɛ ema uwɛ̀lɛ̀lɛ̀yi ndi o ŋmanyu a Lohwà.

Hibrù 2:3

Nɛ rzɔ, inyɔ e ɔ̀ŋgɛ̀lɛ̀ nanù ema irzɔ i tànɛyi lì hwaŋga ene e kɔ̀kìrzɛ̀, e hwèlì tɛ nanù ema irzɔ̀ i rza hwɛni tɛ e hvonda na mono ŋmɛ̀ndì mò gbamù e? Mono ŋmɛ̀ndì mò gbamù, mɔ̀ ndi mo jànà ene tumba mòrzùŋgèlì. È Rzàŋgo Yerzù mɔ̀ ŋmitɛ ŋmitɛ ndi à lomi lì ohweyà hwatò lì hvomɛ̀nɛ̀ mono ŋmɛ̀ndì mò gbamù. Ndeŋgànɛ̀lɛ̀ hwatò ema hwà mà hweya hweyà ema mɔ̀ à mà ohwe, hwà mà jo gbeyà irzɔ o lì rzɔ̀ŋgìtɛ̀nɛ̀ nanù ema hweŋge hweyà hwe ma hwɛ ndi e jɔ̀kɛ̀.