Hwègbèèlì 17:24 - Mokpwe: Bakwery (New Testament)

²⁴ Lohwɛ̀, ema à mà weka e rze na hwèèmà hwe arzɛ ema hwe hwèlì ò tenì, mɔndi à hwèlì e Rzàŋgò ya lòohwà na e rze. Ndeŋgànɛ̀lɛ̀, mɔ̀ à rza lìya ò tenì ya ndawò ja hwèrzùmbu ema jò òŋgahwi na màà mà hwatò hwa hwènàmà.

Hwègbèèlì 17:24 ပူးပေါင်းရင်းမြစ်များ

Matiyò 11:25

O èŋge hvònda Yerzù rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze ya mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò ma wunane hwàŋgà ema hwa òhvi mahwiye na hwaŋga hwatò ema hwa rzɔ̀ŋgìtɛ̀nɛ̀.

Matiyò 5:34

Ndi imba nà è òhwèyà nanù ema, è rzi keka lì ààtɛ̀, è rzì keka hvɛ là ààtɛ̀ ò lìnà là likànèyà là ŋmanyu, èhwanja aŋga ndi Lohwɛ̀ à òhvi likànèyà là eni.

Lukàrzɛ̀ 10:21

O èŋge hvònda, Èlìŋgɛ̀ yà Wòtani e mà lìŋgìrzɛ Yerzù rzayì-rzayì, rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze yà mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò mà wunane hwàŋgà ema hwa òhvi mahwiye nà hwaŋga hwatò ema hwa rzɔ̀ŋgìtɛ̀nɛ̀. Ɛ̀ɛ Ìi Tatɛ̀, nanù ndi ò mà àrze òma è gbeyɛ̀nɛ̀.”

Yòwanìrzɛ̀ 1:1

O hwèwòtelì ndèŋgàna Lohwɛ̀ a e hwiya lì wèka e rze, Eyà ya Lohwà e mà lòma lì hwɛ. Ène Eyà e mà hwɛ ndi na Lohwɛ̀. Èŋge Eyà e ma hwɛ ndi Lohwɛ̀.

Hwègbèèlì 14:15

“Mamɛ ndèŋgàtɛ è gbeyà nanù e? Irzɔ hvɛ ì hwèlì ndi hwatò hwa hwènàmà nà òma è hwèlì. Irzɔ ì mà jà anu ò lì è òhweyà ŋmɛ̀ndì mò gbamù mò ama Yerzù, aŋga nanù è hwɛ̀mɛ̀ hwenè hweyà ema hwe hwèlì ŋgundu, aŋga nanù è òŋgama Lohwɛ̀ là lòŋgɛ ema mɔ̀ ndi à hwèki è ŋmanyu nà è rze nà ŋmàànjà nà hwèèmà hwe arzɛ ema hwe hwèlì ò tènì yà awu.

Hwègbèèlì 4:24

Nà òma hwàlòkèlì hwa mà hwèye nanù rzi hwa gbeyàna lìlò lɔ̀kɔ̀ ò lì kànɛ. Rzìi hwa òhweyà Lohwɛ̀ nanù ema, “Ìi Tatɛ̀ ò wà ema ò hwèki è ŋmanyu yà lohwà, è rze yà mɔ̀nyɛ̀ nà ŋmàànjà nà hwèèmà hwe arzɛ ema hwe hwèlì ò tènì yà awu,

Hwègbèèlì 7:48

“Ndi lìŋgi Lohwà lì karzami lì rza lìya mawòŋgi ema mà òŋgahwi na màà mà hwatò hwa hwènàma. È hwèlì ndi nanù ema, na òma mòòhwèlì mɔ̀kɔ wà hwèlìŋgɛ̀ a òhwi nanù ema, Lohwɛ̀ a òhwi nanù ema,

Ròmànì 1:19

Lohwɛ̀ à hwèlì à hwa kɔ̀kìrzɛ̀ èhwanja, wɔ̀ hwa hwi hweyà hwe arzɛ gbamù ema hwatò hwa àŋgàmɛ̀nɛ̀yi lì hwiya lì hvòmɛ̀nɛ̀ Lohwɛ̀, èhwanja Lohwɛ̀ mɔ̀ ŋmìti à mà hwa uŋmɛ̀lɛ̀ è yɔ̀.

Hibrù 1:2

Ndì ò mene mèènyà me lìrzùkù rzɔ, Lohwɛ̀ à jò òhwìrzɛ̀nɛ̀ ndi lì akeyà nà è Ŋmanà wà eni. Lì akeyà nà mɔ̀ ndi Lohwɛ̀ à mà wèke è ŋmanyu yà lohwà nà rze yà mɔ̀nyɛ̀. Ndeŋgànɛ̀lɛ̀ mɔ̀ ndi Lohwɛ̀ à hvɔ̀rzì nanù ema a hwɛni ewèkèlì ya arzɛ ema Lohwɛ̀ à mà wèkɛ.

Hibrù 3:4

Ò jɔ̀kɛ̀ ndawò tɛ e oŋgahwa na mòtò ndì Lohwɛ̀ ndì a oŋga hwèèmà hwe arzɛ.

Hwèwulùwèlì 20:11

Nà ma ɛnɛ kònda ndɛnɛ̀ yà lìkànèyà ema e tanà, na e mòtò ema à mà e lìya o ŋmanyu. Aŋga ndi e rze ya mɔ̀nyɛ̀ na lìwòhwɛ la ŋmanyu hwe ma nyɔ̀ŋge o worzò wo eni, ndèŋgànɛ̀lɛ̀ hwe rzi ɛnɛhwɛ hvɛ.