Hwègbèèlì 17:23 - Mokpwe: Bakwery (New Testament)

²³ Nà òhwa ndi nanù ehwànja ò hweyàkèlì hwe ami ò tenì ya e mbòwa ndɛnɛ ya anyu, na ɛnɛ meyòka me anyu ema e kànɛlɛlɛ mòohwà. Nà mà ɛnɛ èki yɔ̀kɔ ema e tilì nanù ema, ‘Èki ya ama Lohwɛ̀ ema lì rza hwiyahwɛ.’ Lìŋgi lohwà ema inyɔ e kànɛlɛlɛ, tɔ̀ nɛ inyɔ e rza lì hwiyɛ, lɔ ndi imba na e òhweyà naŋgɛ.

Hwègbèèlì 17:23 ပူးပေါင်းရင်းမြစ်များ

Matiyò 15:9

È rza enje tɔ̀ wòlìtò ò wɔ̀ ò lì nò kanɛ̀ imba, èhwanja wɔ̀ hwa òkòlɛ̀ ndi imbenda ema hwatò hwa tɛ̀yirzɛ̀, nàa ò à ɛnɛ òma i hwèlì ndi imbenda ja ami!’”

Yòwanìrzɛ̀ 17:25

Ìi Tatà ò tɛmi ehve-ehve. È rze e rza ò hwi ndi imba na ò hwi, rzìi hwanù hwa hwi nanù ema ò wa ndi ò nò òmi.

Yòwanìrzɛ̀ 17:3

Lòŋgɛ la gbìndèyà lì hwèlì ndi nanù ema wɔ̀ hwa ò hwiye, ò wa ema ò hwèlì Lòohwà la jɔ̀kɛ̀ na ò lì hwiya Yerzù Krirztò ema ò wa ò òmi.

Yòwanìrzɛ̀ 4:22

Inyɔ hwatò hwa Rzàmàrìyà e kànɛlɛlɛ mamɛ ema e rza hwiyɛ. Ndi irzɔ wònyà Yudà i kànɛlɛlɛ mamɛ ema irzɔ i hwi. Èhwanja lì òŋgirzɛhwɛ lì uhwɛlɛlɛyi ndi na hwatò hwa Yudà.

Yòwanìrzɛ̀ 8:54

Yerzù ama hwa timbirzɛlɛlɛ nanù ema “È hwèlì tɛ ema na akàrzɛ̀yi imba mbiti, lì kàrzɛ̀lɛ̀hwɛ̀ lì ami lì rza òhva tɔ̀ wòlìtò. Rzàŋgò wa ami, ema inyɔ e kɔti nàa Lòohwà là anyu, mɔ̀ ndi à hwèlì e mɔ̀ ema a nò kàrzɛ.

Hwègbèèlì 17:30

È hvònda ema hwatò hwa rzi hwiyɛ Lohwɛ̀, Lohwɛ̀ a rzi wòwe wòhwe wò awu nàa eyà. Ndi ò naŋgɛ mɔ̀ à òhweyà tɔ̀ ima mòtò ò hweki hwe arzɛ ò lì rzɔnjɛ̀lɛ̀ wòhwe.

Ròmànì 1:28

Nà òma è hwèlì nanù ema hwanu hwatò hwa rza hwɛni hvònda nà Lohwɛ̀ ò lòŋgɛ là awu, Lohwɛ̀ à mà hwa ulɛ̀ mììrzɔ̀ mà eni nanù ema hwa ɛ̀ndɛ̀nɛ̀ màlùtèyà mà awu mà wòhwe ò wòrzò ema mà hwèlì ò lì gbeyà hweyà ema hwa rza àŋgàmɛ̀nɛ̀yi lì gbeyà.

1 Kɔ̀rintìyà 1:21

Kànatɛ̀ Lohwɛ̀, ò lìhwiyè là eni à mà ɛnɛ nanù ema, hwatò hwa ene rze hwa rza ò tànɛ lì gbeyàna lìhwiyè là awu ò lì mò hwiya, Lohwɛ̀ à lòmi lì kàkɛ̀nɛ̀ nanù ema à rzùŋgà mòŋgɛ mà hwatò ema hwa mò lòkɛ̀, nà oma wɔ̀ hwa hweyà ŋmɛ̀ndì ema jò òhwa lì hvomɛ̀nɛ̀ Krirztò. Tɔ̀ nɛ hwatò ema hwa rza hwiyɛ Lohwɛ̀, hwa ohwa ndi ema ŋmɛ̀ndì mò hwatò hwa èètì ɔ̀ndi irzɔ jò òhwa.

1 Kɔ̀rintìyà 8:5

Ò jɔ̀kɛ̀, tɔ̀ è hwɛ ndi nanù ema, hwatò hwa ohwa nanù ema ò hwèlì màhvɛhvɛ mohwà, ò ŋmanyu yà Lohwà, nà anù rze yà mɔ̀nyɛ̀, ndèŋgàna nà è jɔ̀kɛ̀, ò hwèlì rzayì-rzayì jà mohwà nà rzayì-rzayì jà rzàŋgo anù rze yà mɔ̀nyɛ̀.

Ɛ̀hvìrzìyà 2:12

È ɔ̀ŋgɛ̀lɛ hvɛ ema o eŋge hvonda inyɔ e rzìi hwiye Krirztò. Inyɔ e rzi ahvìyànɛ̀ mondeŋge na hwatò hwa Irzàyɛ̀lì ema wɔ̀ ndi Lohwɛ̀ à mà hvɔ̀rzì. È rzi hwɛnɛ tɔ̀ eyà o lì gbeyàna yòòmbò ema Lohwɛ̀ à mà ohwe nanù ema a gbeyà mamɛ a hwɛni lì gbeyà. Nà oma e ma hwɛ o rze e rzi hwɛnɛ tɔ̀ lìhvìtà, ndèŋgàna e rzi hwiye Lohwɛ̀.

2 Tɛ̀rzàlonìyà 2:4

Mɔ̀ à ò teŋgɛ̀nɛ̀ tɔ̀ ima yoma ema è hwɛ̀lɛ̀hwɛ̀ lìinà nanù ema lohwà, tɔ̀ enìmìnìmì ema hwa kànɛ̀lɛ̀lɛ̀, rzìi à ò akàrzɛ mɔ̀ ŋmìti ò lì hwa aka. À ò kpèeyà, rzìi a o lìya tɔ̀ ò tenì yà è ndawò yà Lohwà, rzìi à ahwɛlɛ mɔ̀ ŋmìti nanù ema à hwèlì ndi Lohwɛ̀.

1 Tìmotì 1:17

Ŋmàye nà èluhwe hwe hwɛ nà Lohwɛ̀ ò gbìndèyà nà ò gbìndèyà. Mɔ̀ ndi à hwèlì è kiŋgɛ ò gbìndèyà nà gbìndèyà. Mɔ̀ ndi à hwèlì è mɔ̀ ema hwatò hwa rza ɛni nà mììrzɔ̀ mà awu ndeŋgànɛ̀lɛ̀ à rza ŋwa. Mɔ̀ ŋmìti mɛ̀nɛ ndi à hwèlì Lohwɛ̀. Inyɛ̀ wò lìya nanù.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.