Hwègbèèlì 17:21 - Mokpwe: Bakwery (New Testament)

²¹ Èhwanja i wònja ja arzɛ ja e mbòwa ndɛnɛ ya Atɛ̀nrzì na hwàyɛ̀nì hwa hwatò ema hwà mà lìya aŋga, hwà mà lìŋgàna ò lì akɛlɛ e hvònda ya awu ya arzɛ ò lì òhwa na ò lì òkànèyà màlùtèyà ma hvènya.

Hwègbèèlì 17:21 ပူးပေါင်းရင်းမြစ်များ

Hwègbèèlì 17:15

Hwàtò ema hwà mà ɛndɛ ò lì lìyɛlɛ Pàwolò, hwà mà mò lìyɛlɛ natɛ̀ɛ na ò mbòwa ndɛnɛ ya Atɛ̀nrzì rzìi hwa timbana lì kòkòwɛ̀lɛ̀ ò ma Rzàyilarzi na Tìmòtì ò lì mò ùŋmànɛ̀lɛ̀ ò Atɛ̀nrzì e rzì hwɛ lì hvaŋga hvònda.

Hwègbèèlì 17:16

Nà òma Pàwolò à mà hwɛ lì ambɛlɛlɛ Rzàyilarzi na Tìmòtì ò mbòwa ndɛnɛ ya Atɛ̀nrzì, à mà tàkìrzɛ̀hwɛ ò ŋmèma rzayi-rzayi na òma mɔ̀ à mà ɛnɛ na òma eŋge mbòwa e ma ònde nà mà hvɛhvɛ mòhwa ema hwà mà hwɛ lì kànɛlɛlɛ.

Hwègbèèlì 17:20

O hwèlì hweyà hwe hvènya ema ò òkòlɛ ema hwe jò kaŋga ò màtò irzɔ ja arza lì hwe rzɔ̀ŋgìtɛ̀nɛ̀ kɔ̀yi-kɔ̀yi.”

Hwègbèèlì 2:10

ò hwèkòmè hwe Hvrìgìyà na Pàmhvilìya, ò èkòmè ya Ìjiptò na lòŋgò la hwèhvàrzù ò èkòmè ya Lìbiya, ò tòŋgòŋgò ya Rzirènè, lòŋgò la hwa irzɔ jò uwɛ̀lɛ̀lɛ̀yi ndi ò mbòwa ya Ròmànì.

Ɛ̀hvìrzìyà 5:16

È gbeyàne ihveyo ja arzɛ ema e lùu o lì gbeyà gbamù, ehwànja mene mèènyà wòhwe wo àkɛ̀lɛ̀nɛ̀yì.

Kòlòrzìyà 4:5

È hwɛni lì aŋgowa nà oma inyɔ è gbèeyà nà hwaŋga hwatò ema hwa rza enje hwàlokelì hwa ama Krirztò. È gbeyàne ihveyo ja arzɛ ema e lùu o lì gbeyà gbamù.

1 Tìmotì 5:13

Ndeŋgànɛ̀lɛ̀ hvɛ Hwèrzɔ̀mbɛ̀ hwe mekurze hwe nyàmɛ̀lɛ lì lìya nanù e rzi hwɛ lì gbeyà tɔ̀ eyà na o lì hvɛhvɛ hwahvɛhvɛ hwatò ò mandawò ma awu. Rzeketɛ ema hwa rza hwɛ ndi rziŋga mɛnɛ, ndi hwa inda hwatò na o lì ohwa hweyà ema hwe rza hwa hvomɛ̀nɛ̀. Wɔ̀ hwa ohwa lì hvomɛ̀nɛ̀ hweyà ema hwa rza àŋgàmɛ̀nɛ̀yi lì ohwa.