Hwègbèèlì 17:13 - Mokpwe: Bakwery (New Testament)

¹³ Ndi na òma hwatò hwa wònyà Yudà hwa e mbòwa ndɛnɛ ya Tɛ̀rzàlònìkà hwà mà hweye nanù ema Pàwolò a hwèlì a òhwa hvɛ eyà ya Lohwà ò mbòwa ndɛnɛ ya Bèrìyà, wɔ̀ hwà mà ɛndɛ aŋga, rzìi hwa wòteyà lì tinɛlɛ e ŋgindi ò lì jana lùwànje.

Hwègbèèlì 17:13 ပူးပေါင်းရင်းမြစ်များ

Matiyò 23:13

Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

Lukàrzɛ̀ 12:51

È ɔ̀ŋgɛlɛ ema nà jàni ndi ɛ̀yɔ̀lɛ̀ ò rze ya mɔ̀nyɛ̀ e? Jàyɛ̀, nà e òhweyà ema rzèkɛtɛ ɛ̀yɔ̀lɛ̀, nà jànì ndi lùwànje.

Hwègbèèlì 14:2

Ndi lòŋgò la wònyà Yudà ema hwà mà rzɔ̀rzɔ̀ ò lì lòkɛ̀, hwà mà hvuŋguwa hwaŋga hwatò ema hwa rza enje wònyà Yudà, rzìi hwa hwà hvaŋga mèèmà me awu ò lì teŋgɛ̀nɛ̀ hwàlòkèlì hwa ama Yerzù.

Hwègbèèlì 17:1

Nà òma Pàwolò na mòndeŋge mò eni mò ma akeyà ò mambòwà mà ndɛnɛ ma Amhvipòlìrzi na Apòlonìyà rzi hwa kpèeyà ò mbòwa ya Tɛ̀rzàlònìkà. È ndawò ya màkànɛ̀ ya wònyà Yudà e ma hwɛ aŋga.

Hwègbèèlì 17:10

Nà òma wùnyà wò ma kɔ, hwàlòkèlì hwa ama Yerzù hwà mà òma Pàwolò na Rzàyìlàrzì ò lì ɛndɛ ò mbòwa ndɛnɛ ya Bèrìyà. Nà òma wɔ hwà mà uke aŋga, rzìi hwa ɛndɛ lì kpèeyà ò tenì ya e ndawò ya màkànɛ ya wònyà Yudà.

Hwègbèèlì 17:5

Ndi lòŋgò la hwatò hwa wònyà Yudà hwà mà nòneyà Pàwolò na Rzàyilarzi. O eŋgànɛ̀lɛ̀ rzɔ hwà mà ɛndɛ ò èlùwà ò lì rzaŋga hwatò ema hwà mà òhva hwɛ̀ɛ̀mɛ̀ hwe wòhwe. Hwà mà hwa lata ò lì gbeyà ŋgindi ya e kanjɛ-kanjɛ, eŋge ŋgindi rzìi e wòteyà ò lì kanja e mbòwa ya arzɛ, rzìi hwa ɛndɛ lì urzuweyà màandà mà ama Jèrzɔ̀nì ò lì arza Pàwolò na Rzàyìlàrzì, aŋga nanù hwa hwà wurzàneya e ŋgindi.

Hwègbèèlì 20:4

Hwatò ema hwa mà mò òŋgama hwà mà hwɛ ndi Rzòpatà e ŋmanà hwa ama Hvìrzùrzì ema à mà uwɛ̀lɛ̀lɛ̀yi ò mbòwà ndɛ̀ɛndɛ̀ ya Bèrìyà, Arìrztàkùrzì na Rzèkùndùrzì ema hwà mà uwɛ̀lɛ̀lɛ̀yi ò e mbòwà ndɛnɛ ya Tɛ̀rzàlònìkà. Gàyiyùrzì ema à mà uwɛ̀lɛ̀lɛ̀yi ò mbòwà ndɛnɛ ya Dɛ̀bì, Tìmòtì, na Tàyìchìkùrzì na Tlòhvìmùrzì ema hwà mà uwɛ̀lɛ̀lɛ̀yi ò erzòòkà ya Èrzìyà.

Hwègbèèlì 21:27

Nà òma hwèkuhwèlì me meŋge mèenyà lìrzamba me hwètànìrzèlì me ma kòmbɛnɛ, lòŋgò la hwatò hwa wònyà Yudà ema hwà mà uwɛ̀lɛ̀lɛ̀yi ò erzòòkà ya Èrzìyà, hwà mà ɛnɛ Pàwolò ò tenì ya e ndawò yà Lohwà. Hwà mà gbeyà e ŋgindi ò lì kanjeya rzìi e hvɔ̀ɔ̀tɔ̀ Pàwolò.

Hwègbèèlì 6:12

O ene ŋgàna rzɔ hwaŋga hwatò ema hwà mà teŋgɛ̀nɛ̀ Rzìtehvànɛ, rzìi hwa hvuŋguwa mèèmà me hwatò, hwàmbaki hwa mbòwa na hwà-òkòlèlì hwa mbenda. Hwà mà hvùma Rzìtehvànɛ rzìi hwa mò ɛ̀ndɛnɛ ò wòrzò wò wòlìya wò hwèkàyìrzèlì.

2 Kɔ̀rintìyà 11:26

Nà ma ɛndɛ hweyɔ̀ndɔ̀ rzayi-rzayi, o hweŋge hweyɔ̀ndɔ̀, nà mà arza lì inda o malìhwa. Nà ma uhwa lì wɔ̀lɛ̀nɛ̀ lòoŋgɛ la ami o màà mà hwayihwɛ, o màà mà hwatò wa ami hwa wònyà Yudà na o màà mà hwatò ema hwa rza enje wònyà Yudà. Nà ma uhwa lì wɔ̀lɛ̀nɛ̀ lòŋgɛ la ami o mambowà mà ndɛnɛ o mòrzànjɛ̀, o ŋmànja na o màà mà hwatò ema hwa ahwèŋgɛ nanù ema hwa hwèlì ndi wònya Krirztò ema hwa rza enje.