Hwègbèèlì 16:9 - Mokpwe: Bakwery (New Testament)

⁹ O wòŋgò wuu, Pàwolò à mà ɛnɛ jɛ̀nɛni. O iŋgi jɛ̀nɛ̀nì à mà ɛnɛ munyanà wa erzòòkà ya Màrzèdonìyà ema à mà tɛ̀mɛ̀ rzìi a à mò rzòrzòmeya nanù ema, “Jà ò Màrzèdonìyà ò jò òŋgòwane.”

Hwègbèèlì 16:9 ပူးပေါင်းရင်းမြစ်များ

Hwègbèèlì 10:3

Ò lìrzakò là ŋgɛ̀ŋgi iyàwò ŋmèrze mɔ̀kɔ, rzìi mɔ̀ à ɛnɛ jɛ̀nɛ̀nì. Ò iŋgi jɛ̀nɛ̀nì, mɔ̀ à mà ɛnɛ è aŋgèlì yà ama Lohwɛ̀. Èŋge aŋgèlì è mà hwɛlɛ nanù ema, “Ìi Kɔ̀nɛlìyurzi.”

Hwègbèèlì 10:30

Kɔ̀nɛ̀lìyùrzì rzìi à tìmbìrzɛ̀lɛ̀lɛ̀ nanù ema, “Mèènyà mè iyàwò ema mè mà aka, nà mà hwɛ lì kanɛ̀ ò ndawò yà ami, ò lìni lìrzàkò là ŋgɛ̀ŋgi iyàwò jà ŋmèrze, lìwòkimɛnɛ mòtò ema à mà wɔtɔ̀ lìwɔtì là kɛ̀ŋgɛ̀ŋgɛ̀ rzìi à nò tɛ̀meyà ò wòrzò,

Hwègbèèlì 16:10

O mburza hvònda ema Pàwolò à mà ɛnɛ ini jɛ̀nɛ̀nì, irzɔ i ma wòŋgirzɛnɛ ŋgelì hvɔ̀kɔ ò lì ɛ̀ndɛ ò Màrzèdonìyà, èhwanja i ma kulɛ nanù ema Lohwɛ̀ à mà hwɛ lì jò hwɛlɛ ò lì ɛ̀ndɛ lì òhweyà hwaŋga hwatò Ŋmɛ̀ndì mò Gbamù.

Hwègbèèlì 16:12

Aŋga ndi i ma anjiye rzìi je ɛndɛ ò Hvìlìpì. Hvìlìpì a hwèlì ndi e mbòwa ndɛnɛ ò erzòòkà ya Màrzèdonìyà, ndèŋgànɛ̀lɛ̀ e ma hwɛ ndi mbòwa ndɛnɛ ema hwà mà ika ndi imbenda ja Lòmani. I ma hwɛ aŋga ò ŋgurzu ja mèenyà.

Hwègbèèlì 18:5

Nà òma Rzàyilarzi na Tìmòtì hwà mà uwɛ̀lɛ̀lɛ̀yi ò mbòwa ndɛnɛ ya Màrzèdonìyà, Pàwolò à mà aŋgbɛ mɔ̀ ŋmìti tòwòtòwò ò lì òhwà Ŋmɛ̀ndì mò Gbamù. Mɔ̀ à mà hwɛ lì òhweyà hwatò hwa Yudà nanù ema Yerzù à hwelì ndi è Mɔ̀ ema à Ɔ̀kirzɛ̀hwɛ̀yi.

Hwègbèèlì 19:21

O mburza ya hwene hwègbèèlì hwe arzɛ, Pàwolò à mà kulɛ ò ŋmèma mò eni nanù ema a akeyà ò tenì ya hwèrzòòkà hwe Màrzèdonìyà na Àkayiyà ndèŋgànà a e ɛndɛ ò Jèrurzalɛ̀mù. A ma òhwa nanù ema, “Nà mà ɛndɛ tɛ aŋga, na àŋgàmɛ̀nɛ̀yi lì ɛndɛ hvɛ ò lì ɛnɛ èkòmè ya Ròmànì.”

Hwègbèèlì 19:22

O eŋgànɛ̀lɛ̀ rzɔ mɔ̀ à mà òma hwà-òŋgòwànèlì hwa eni hwahwàkɛ Tìmòtì na Ɛ̀ràrztùrzì, ò erzòòkà ya Màrzèdonìyà, ndi mɔ̀ à mà lìya ò erzòòkà ya Èrzìyà hvɛ ŋmanà hvòka hvònda.

Hwègbèèlì 19:29

Mòŋgò mòhvùŋgu mò ma nyàla ò e mbòwa ndɛɛndɛ ya arzɛ. È ŋgindi rzìi e hvùma Gàyiyùrzì na Arìrztàkùrzì, ema hwà mà uwɛ̀lɛ̀lɛ̀yi o Màrzèdonìyà ema hwà mà hwɛ ò mòndeŋge na Pàwolò, rzìi hwa hwà hwaŋgàna ò ndawò ya wòlìya wò mbòwa.

Hwègbèèlì 20:1

È hvònda ema eŋge kanjɛ-kanjɛ e ma ùke ò lìrzukù. Pàwolò à mà òma à mà hwa mò hwɛlɛlɛ̀ hwàlòkèlì, rzì a hwa ètìrzɛ̀ mèèmà. È hvònda à mà kulɛ lì hwa ètìrzɛ̀ mèèmà rzìi a hwa àkpànɛ̀ɛ, a ɛ̀ndɛ ò erzòòkà ya Màrzèdonìyà.

Hwègbèèlì 20:3

A ma lìya ŋgbɛ̀ndɛ iyàwò ò èkòmè ya Àkayiyà. A ma hwɛ lì wòŋgirzɛnɛ ò lì ɛndɛ ò èkòmè ya Rzìrìyà aŋga ndi à mà rzɔ̀ŋgìtɛ̀nɛ̀ nanù ema lòŋgò la hwatò hwa wònyà Yudà hwà mà lìyà wùndɛ̀ ya lì mò òŋwa. Aŋga ndi à mà wòŋgirzɛnɛ ò lì timba lì akeyà ò erzòòkà ya Màrzèdonìyà.

Hwègbèèlì 27:2

Irzɔ i ma kpèeyà ò tenì ya melì me ŋmànja ò mbòwa ya Adramitiyumi. Meŋge melì me ŋmànja me ma wòŋgirzɛnɛ ò lì ɛndɛ lì uka ò e rzàawà ya ŋmànja mò erzòòkà ya Èrzìyà. Rzìi i wòteyà lì ɛndɛ yɔ̀ndɔ ya ŋmànja. Ndèŋgana irzɔ je anjiya aŋga, i ma wòwa Arìrztàkùrzì. Arìrztàkùrzì à mà hwɛ ndi mòtò wa erzòòkà ya Màrzèdonìyà, ema à mà uwɛ̀lɛ̀lɛ̀yi ò mbòwa ndɛnɛ ya Tɛ̀rzàlònìkà.

Hwègbèèlì 9:38

È mbòwa ya Jopà e rzi rzɔlɛnɛ na e mbòwa ya Lida. O èŋgànɛ̀lɛ̀ na òma hwàlòkèlì hwa Jopà hwà mà hweye nanù ema Pètrò a hwèlì ò mbòwa ya Lida, wɔ̀ hwà mà mò òmeya wunyanà hwahwakɛ ò lì mò rzòrzòmeya nanù ema, “Jò ò atɛ̀kɛ̀yi nanù ema ò hvinjɛ̀lɛ ò jò jèeya.”

Ròmànì 15:26

Hwàtò hwa ama Krirztò ema hwa hwèlì ò erzòòkà ya Màrzèdonìyà na ò erzòòkà ya Àkayiyà, wɔ̀ hwà mà ɛnɛ nanù ema hwa gbeye mòrzàŋgɛ̀ rzìi hwa òmeya mèlìrza me hwatò ema me hwèlì ò ìtììtènì ja hwatò hwa ama Lohwɛ̀ ema hwa hwèlì ò mbòwa ya Jèrurzalɛ̀mù.

2 Kɔ̀rintìyà 11:9

È hvonda ema nà mà hwɛ na inyɔ, marzako na rzi ohve tɔ̀ yoma, ndèŋgàna rzi e tàkìrzɛ̀ Èhwanja tɔ̀ mamɛ ema nà mà arze wònyanyàŋgo hwa ami hwa Krirztò ema hwà mà uwɛ̀lɛ̀lɛ̀yi o Màrzèdonìyà hwà mà hwɛ lì no ŋgba e yɔ. Nà oma na rze tàkìrzɛ̀ o hvonda ya worzo, na rza tanɛ lì e tàkìrzɛ̀ hvɛ tɔ̀ ŋgèlì tɔ̀ hvɔ̀kɔ.

2 Kɔ̀rintìyà 12:7

O lì arza nanù ema na rza a uŋmɛ̀lɛ̀ imba mbiti o hweyà hwe mànyakà hwɛ̀ndɛnɛ ema Lohwɛ̀ a no uŋmɛ̀lɛ̀ na o lì gbeyà ema na hweye. A gbeyà nanù ema na hwɛni nyàmbɛ o nyo ya ami ema e no ŋgba mòrziyò mondɛnɛ. Ène nyàmbɛ e ma hwɛ ndi nàa meerzenja ema Mòkarzɛ̀ à mà ome o lì no tàkìrzɛ̀ aŋga nanù na rza ohva kumba.

2 Kɔ̀rintìyà 7:5

Nà oma i ma ùke o erzòòkà ya Màrzèdonìyà, i rzi hwɛnɛ lì Arzìyòlɛ̀. I ma luwa nyayi na nyayi ja mètàkà. Hwatò hwà mà jo kɔnɔ hvenda ndèŋgàna i ma ohva wɔ̀ŋgɔ̀ o mèèmà me arzu èhwanja i ma hwɛ lì e lùtèyà.

2 Kɔ̀rintìyà 8:1

Wònyamòwè kòkò ja arza nanù ema e hwiye nanù ema Lohwɛ̀ à mà ŋgba ììlì ja eni o hwatò hwa Lohwà ema hwa hwèlì o ŋmèmba mo erzòòkà ya Màrzèdonìyà, o lì arza nanù ema hwa hwɛnɛ e enji.

2 Kɔ̀rintìyà 9:2

Nà hwi ŋmèma ema e ohvi o lì hwa òŋgòwàna, ndèŋgànɛlɛ na e ohvani kumba o ŋmèma ema e ohvi o lì oŋgòwànà hwatò hwa erzòokà ya Màrzèdonìyà. Nà ma hwa ohweyà nanù ema, “Inyɔ ema e hwèlì o erzòokà ya Àkayiyà, e ma wòŋgìrzɛ̀nɛ̀ natɛ̀ɛ na o ŋma mo mburza o lì hwa ŋgba wolì.” Ŋmèma ema e hwɛni o lì oŋgòwànà hwatò me ma kɔ̀mɛ̀lɛ̀ rzayi-rzayi ja hwatò ò lì gbeyà nanù mɛnɛ.

1 Tɛ̀rzàlonìyà 4:10

Ò jɔ̀kɛ̀ nanù ndi e lìŋgàni wònyànyàŋgo hwa anyu hwa arzɛ hwa ama Krirztò ema hwa hwèlì o erzòokà ya arzɛ ya Màrzèdonìyà. O eŋgànɛ̀lɛ ìi wònyàmowe je e rzòrzòmeyà nanù ema inyɔ e hwa lìŋgàne lì aka nanù o ihvonda ja arzɛ.