Hwègbèèlì 16:34 - Mokpwe: Bakwery (New Testament)

³⁴ Oŋgò mɔɔŋgelì wa hwèwòwà à mà ɛ̀ndɛ̀nɛ̀ Pàwolò na Rzàyìlàrzì ò ndawò ya eni, rzìi a hwa ŋgba mòlelì. Oŋgò mòtò na lìtumba la eni la arzɛ hwà mà ònda na mɔ̀nyɛ̀ŋgì ehwànja hwà mà lòkɛ̀ Lohwɛ̀.

Hwègbèèlì 16:34 ပူးပေါင်းရင်းမြစ်များ

Lukàrzɛ̀ 15:32

Ò jɔ̀kɛ̀! Ì hwɛnì lì rzòmbirzɛ nà lì òkà mɔ̀nyɛ̀ŋgì èhwànja ònò ŋmanyɔ̀ŋgɔ wà aŋgɔ̀ à mà ŋwa, rzìi a timbi hvɛ ò lòŋgɛ. À ma wɔ̀ rzìi a wurzi hvɛ.’”

Lukàrzɛ̀ 19:6

Rzàkiyɔ̀rzì à mà hvinjɛlɛ hwèrzìhwèlì, rzìi a mò ɛ̀ndɛnɛ ò ndawò yà èni rzìi a mò kàrzɛ nà màlìŋgò mà eni ma ŋmèmà mà arzɛ.

Lukàrzɛ̀ 5:29

Lɛ̀hvì rzìi a rzèkeyà Yerzù ndèma ndɛnɛ̀ ò ndawò yà èni. Rzayì-rzayì ja hwàkɔ̀tèlì hwa è njàŋge yà lìkànèyà nà hwahvɛhvɛ hwatò hwa mà ùkeya aŋga.

Hwègbèèlì 11:14

Mɔ̀ à jèlì tɛ à è òhweyà mòndeŋga ema mò gbeyà Lohwɛ̀ à ò rzùŋgà lòŋgɛ là aŋgɔ̀ nà lìtumba là aŋgɔ̀.’

Hwègbèèlì 16:15

Hwà mà mò lùhwìrzɛ̀ na lìtumba la eni la arzɛ, ò mburza nanù à mà jò yòwɛ ò màandà mà eni rzi a òhwa nanù ema, “È lutelì tɛ ema imbahvɛ na hwèlì ndi mòlòkèlì mɔ̀kɔ, wa ama Rzàŋgò, e jèe e lìya ò màandà mà ami” mɔ̀ à mà jò tinɛlɛ natɛ̀ɛ rzìi je emeyà.

Hwègbèèlì 16:35

O eka ya elele, hwàtimbelì, hwà mà òmeya òŋgò mɔɔŋgelì hwa hwèwòwà i pòlìrzi na ŋmɛ̀ndì ema mò ma òhwa nanù ema, “È hwɛmɛ hwaŋga wunyanà hwa ɛ̀ndɛ.”

Hwègbèèlì 2:46

Wùnyà tɛ wɔ̀ hwa mà hwɛ lì tàneyà ò Ndawò yà Lohwà ò lì kanɛ̀. Wɔ̀ hwa mà làlɛnɛ̀ ò màndawò mà awu nà mɔ̀nyɛ̀ŋgì mò arzɛ nà ŋmèma mɔ̀kɔ.

Hwègbèèlì 8:39

Lìrzàkò ema wɔ̀ hwà mà anjiye ò tenì ya malìhwa, Èlìŋgɛ̀ ya ama Rzàŋgò rzìi e wòwa Hvìlìpì. Èŋge yumɛ e rzi ɛnɛ Hvìlìpì hvɛ. Ndi à mà ɛ̀ndɛ̀nɛ̀ ndi yɔ̀ndɔ ya eni ò wòrzò, na mɔ̀nyɛ̀ŋgì.

Ròmànì 15:13

Nà kànɛ nanù ema, Lohwɛ̀ ema mɔ̀ ndi à ŋgbàà lìhvìtà, a e gbeye e ònde na mɔ̀nyɛ̀ŋgì mò arzɛ na ò lì hwɛ na ɛ̀yɔ̀lɛ̀ ò nyòla lì lòkɛ̀ ema e lòkɛ̀. Ène eyà e gbeyà e ŋginyà ya Èlìŋgɛ̀ yà Wòtani e gbeyà lì lòkɛ̀ la anyu lì nyàla rzayi-rzayi.

Ròmànì 5:11

Ndi rzeke hvɛ tɔ̀ nanù mɛnɛ, ndi jò òki mɔ̀nyɛ̀ŋgì èhwanja Lohwɛ̀ à mà jò gbèeyà ema i hwɛ hwatò hwa eni, ò lì akeyà nà e Rzàŋgò ya arzu Yerzù Krirztò, mɔ̀ ema a jò gbèyi ò lì ukɛnɛ màrzèèlì na Lohwɛ̀.

Ròmànì 5:2

Mɔ̀ ndi à jò lìhvòhwèlì e njiya ya lìlòkɛ̀ aŋga nanù i hwiya e ndèli ya ama Lohwɛ̀. O èŋgànɛ̀lɛ̀ rzɔ jò òki mɔ̀nyɛ̀ŋgì rzayi-rzayi èhwanja i ma ika mèèmà me arzu nanù ema jò ò luwa ŋmàye mò ama Lohwɛ̀.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

Hvìlipìyà 4:17

Nà rza e ohweyà ndi ene eyà nanù ehwànja na arza nanù ema e no òmeya màhwèyà, ndi na arza lì ɛnɛ nanù ema Lohwɛ̀ a e nàmìrzɛ̀ ŋgɛ̀lɛŋgɛlɛ.

Hvìlipìyà 4:4

È oke mɔ̀nyɛ̀ŋgì ihvonda jà arzɛ ehwànja è hwèlì ndi hwatò hwa ama è Rzàŋgo. Imba nà ohwa hvɛ nanù ema, inyɔ è oke mɔ̀nyɛ̀ŋgì.

Hvìlɛ̀mɔ̀nì 1:7

Ŋmànyàŋgo wà amì kòkò, è ndìŋgɛ ema ò hwɛnelì hwatò ema hwa lòkɛ̀ Krirztò è nò lìŋgìrzɛ rzàyi-rzàyi ndeŋgànɛlɛ è nò kɔ̀mɛ̀lɛ̀. Ò wà ò lìŋgìrzɛ̀yi hwatò hwa ama Lohwɛ̀.

1 Yòwanìrzɛ̀ 3:18

Inyɔ ema e hwèlì nàa hwàanà hwa ami, inyɛ i rza alìŋgànɛ ndi na e mbɔrzi ya wàna mɛnɛ, ndi ja alìŋgànɛ o jɔ̀kɛ̀ na o hwegbèèlì.