Hwègbèèlì 16:20 - Mokpwe: Bakwery (New Testament)

²⁰ Wɔ̀ hwà mà hwa jànà ò wòrzò wò hwàtimbelì hwa Ròmànì, rzìi hwa hwà òhwàna nanù ema, “Hwanù wunyanà hwa hwèlì ndi wònyà Yudà, ndèŋgàna hwa jànà lùwànje ò mbòwà ya arzu ndɛnɛ.

Hwègbèèlì 16:20 ပူးပေါင်းရင်းမြစ်များ

Matiyò 2:3

Kiŋgɛ Hɛ̀rɔ̀dì à mà hwèye ene eyà, è mà mò tàkirzɛ̀ màlùtèyà mà eni rzayì-rzayì. Ene eyà è mà mò tàkirzɛ̀ rzìi è tàkirzɛ̀ hvɛ hwatò hwa arzɛ hwa Jèrurzalɛ̀mù.

Hwègbèèlì 16:19

Nà òma hwaŋga hwatò ema hwà mà anda òŋgò ŋmanà ŋgɔ̀ndɔ̀ nàa mòkòme hwà mà ayɛ̀ɛmbɛ̀ nanù ema mɔ̀ à rza tànɛyi lì gbeyà hvɛ nanù ema hwa luwe wòlì, wɔ̀ hwà mà hvùma Pàwolò na Rzàyìlàrzì rzìi hwa hwà kòòwà ò lì hwa ɛ̀ndɛ̀nɛ̀ ò hwàkànèlì ema hwà mà hwɛ ò ìtììtènì ja e mbòwa ndɛnɛ.

Hwègbèèlì 16:21

Wɔ̀ hwa hwèlì hwa òkòlɛ̀ hwɛ̀ɛ̀mɛ̀ hwe wòhwe ema hwe teŋgɛ̀nɛ̀yi i mbenda ja arzu nàa hwatò hwa Ròmànì. Irzɔ i rza tànɛyi ò lì emeyà hwenè hwɛ̀ɛ̀mɛ̀ tɔ̀ lì hwe gbeyàna.”

Hwègbèèlì 18:2

Nà òma à mà uke aŋga à mà ùŋmanɛlɛ mòtò wa wònyà Yudà ema à mà hwɛ̀lɛ̀hwɛ̀ Akwìlà. Akwìlà à mà ŋyàhwɛlɛ ndi ò mbòwà ndɛnɛ ya Pòntìyùrzì. Mɔ̀ à mà uwɛ̀lɛ̀lɛ̀yi ndi mòhvènya ò èkòmè ya Itàlì na e jòjìyɛ̀ ya eni Prìrzìlà. Wɔ̀ hwà mà anjiya ò Itàlì ehwànja e Kàyirza ya Ròmànì, Klàwùdìyùrzì à mà akɛlɛ njàmbɛ̀ ama hwatò hwa arzɛ ema hwa hwèlì wònyà Yudà, hwa anjiye ò èkòmè ya Ròme. Pàwolò à mà ɛ̀ndɛ lì ɛnɛ Akwìlà na jòjìyɛ̀ wa eni.

Hwègbèèlì 19:34

Ndi na òma hwà mà ayembɛ nanù ema, Alɛ̀rzàndrìyà a hwèlì ndi mòtò wa wònyà Yudà, wɔ hwa arzɛ hwà mà tɛɛ mòrzeya mò eyà yɔ̀kɔ ò awa ihwakɛ nanù ema, “Atɛmirzi, lòòhwà la Ɛ̀hvɛ̀rzɔ̀rzì a òlò lì aka manɛyi mòhwa.”

Hwègbèèlì 28:22

Ndi irzɔ i lìŋgàna lì hwiya mɔ̀ŋgɛ̀lɛ̀ ma aŋgɔ̀ èhwanja irzɔ i hwi nanù ema ò hweki hwe arzɛ hwatò hwa òhwa wòhwe lì teŋgɛ̀nɛ̀ ene ehvehva ema ò hwèlì nanù.”

Ròmànì 12:2

È rzi keka lì òŋgama hwɛ̀ɛ̀mɛ̀ hwe hwatò hwa ene rze ya mɔ̀nyɛ̀, ndi e hwɛmɛ Lohwɛ̀ a tikòwe mèèmà me anyu, aŋga nanù e luwa mèèmà me hvènya. Èŋge ye e gbeyà e rzɔ̀ŋgìtɛ̀nɛ̀ na ò lì òŋgama hweyà na òma Lohwɛ̀ a àrzeyà. Inyɔ e hwi gbamù hweyà ema Lohwɛ̀ a lìŋgàni ndèŋgànà e òŋgama hweyà ema hwe hvòmɛ̀nɛ̀yi.

Jèmìrzì 4:4

Inyɔ e hwèlì ndi nàa hwatò ema hwa hwèlì o ndawò ja màahwa ndi hwa gbeyà mòrzònje. È rza hwi nanù ema e ikayi tɛ mèèmà me anyu o hwema hwe rze, hwe e gbeyà inyɔ e jà ndi hwàkɔ̀ɔ̀yèlì hwa ama Lohwɛ̀ e? O eŋgànɛlɛ rzɔ tɔ̀ ima mòtò ema a lìŋgàni o lì ika ŋmèma mo eni o hwema hwe ene rze, à mà agbeyɛ mɔ̀ ŋmìti mɔ̀kɔ̀yèlì wa ama Lohwɛ̀.