Hwègbèèlì 16:16 - Mokpwe: Bakwery (New Testament)

¹⁶ Wùnya wɔ̀kɔ, na òma irzɔ i ma hwɛ lì ɛndɛ ò èki ya màkanɛ̀, ŋgɔ̀ndɔ̀ hvɔ̀kɔ ya mòkòme ema e ma òhva èlìŋgɛ̀ ya wòhwe e ma jò ùŋmànɛ̀lɛ̀. Èŋge èlìŋgɛ̀ e ma gbeyà à mà hwɛ lì òhweyà hwatò hweyà ema hwe ò gbèyɛ̀nɛ. Liŋgi lìyaŋga ema à mà hwɛ lì aŋgba lì ma gbeyà ema hwatò ema hwà mà mò anda nàa mòkòme hwà mà mo luwàna wòlì rzayi-rzayi.

Hwègbèèlì 16:16 ပူးပေါင်းရင်းမြစ်များ

Hwègbèèlì 16:13

O Wùnya wò lì Arzìyòlɛ i ma wurza ò tenì ya mbòwà ndɛnɛ rzi ja ɛndɛ ò rzàawà ya mòrzò, i ma ɔ̀ŋgɛ̀lɛ̀ nanù ema jò ùŋmànɛ̀lɛ̀ èki ema wònyà Yudà hwa kànɛlɛlɛ aŋga. I ma lìya aŋga na hwalanà ema i ma ùŋmànɛ̀lɛ̀ hwa arzàŋgànɛ aŋga rzìi i wòteyà lì tuhwa mendeŋga na wɔ.

Hwègbèèlì 16:18

A ma gbeyà nanù ò tenì ya rzayì-rzayì ja mèenyà, natɛ̀ɛ e ma tàtìrzɛ̀ Pàwolò, rzi a mò ayeŋgòwɛ̀lɛ̀lɛ̀ a kanja èŋge èlìŋgɛ̀, a yò òhweyà nanù ema, “O lìna la ama Yerzù Krirztò na ò kànèlì ò mò anjiye ò nyò.” O lìŋgi lìrzakò mɛnɛ, èŋge èlìŋgɛ̀ ya wòhwe e ma mò anjiya ò nyò.

Hwègbèèlì 16:19

Nà òma hwaŋga hwatò ema hwà mà anda òŋgò ŋmanà ŋgɔ̀ndɔ̀ nàa mòkòme hwà mà ayɛ̀ɛmbɛ̀ nanù ema mɔ̀ à rza tànɛyi lì gbeyà hvɛ nanù ema hwa luwe wòlì, wɔ̀ hwà mà hvùma Pàwolò na Rzàyìlàrzì rzìi hwa hwà kòòwà ò lì hwa ɛ̀ndɛ̀nɛ̀ ò hwàkànèlì ema hwà mà hwɛ ò ìtììtènì ja e mbòwa ndɛnɛ.

Hwègbèèlì 19:24

O ma hwɛ mùnyanà mɔ̀kɔ ema à mà hwɛ̀lɛ̀hwɛ̀ Dɛ̀mɛ̀trìyùrzì. A ma hwɛ ndi lì gbeyà èwòlò ya wòkuhwa wò rzìlìhwà. A ma hwɛ lì wòndɛ hwèèmà ema hwe ma ayèkɛnɛ̀ hwèèmà ema hwe ma hwɛ ò mòòka mò ama lòòhwà ema lì ma hwɛ̀lɛ̀hwɛ̀ Atɛ̀mìrzì. Ène èwòlò e ma hwɛ lì jànà hwàgbèèlì hwa eni mɔ̀rzɛ̀ŋgì rzayi-rzayi.

Gàletìyà 5:20

O lì gbèeyà màhvɛ̀hvɛ̀ mohwà, lìyemba, ɛ̀kɔ̀wù, mòtaŋgo, ìnona, hwètàtò, lì aneya la hwèhvolò, o lì hwɛ la hwehvehva, lì akàhwànɛ̀,

1 Tìmotì 6:10

Mòtò ema a ohvi nyɔ̀ŋgi ndɛnɛ o lì arza wolì rzayi-rzayi a gbeyà hweyà hwe wòhwe o lì luwa woŋgo wolì. Ène eyà e ma gbeyà lòŋgo la hwatò hwà mà rzɔnjɛ̀lɛ̀ lì lòkɛ̀ Krirztò ndèŋgànɛlɛ hwa ohvi ndùtù rzayi-rzayi o mèèmà me awu.

2 Tìmotì 3:8

Nà oma Jànɛ̀rzi na Jàmbrɛ̀rzi hwà mà teŋgɛ̀nɛ Morzè o hvonda ema e ma aka, nanù hvɛ mɛnɛ ndi hwà-òkòlèlì hwa mòlàŋgà hwa teŋgɛ̀nɛyi hwèyòkòlèlì hwe jɔ̀kɛ̀. Hwa hwɛni ndi màlùtèyà ma wòhwe, Lohwɛ̀ à mà hwa kìnyɛ̀lɛ̀ èhwanja hwa rza ohvi tɔ̀ lìlòkɛ̀ tɔ̀ lɔ̀kɔ.

2 Pètrò 2:3

O tenì ya e njɔ̀ŋgu ya awu, hwanu hwà-òkòlèlì hwa mòlaŋgà, hwa o luwa morzɛ̀ŋgi o lì e ohweyà màyìtò ema wɔ̀ hwa weki e lì e hvùmana hwèèmà. Lohwɛ̀ mɔ̀ à mà màa lì akɛlɛ e mbàko na e koohwa nanù ema a o hwa kɔ̀kìrzɛ̀. Èŋge kɔ̀kìrzɛ̀ e hwa ambɛ̀lɛ̀, ndèŋgànɛ̀lɛ̀ mòŋgo mokona mo hwa ambɛ̀lɛ̀.