Hwègbèèlì 16:15 - Mokpwe: Bakwery (New Testament)

¹⁵ Hwà mà mò lùhwìrzɛ̀ na lìtumba la eni la arzɛ, ò mburza nanù à mà jò yòwɛ ò màandà mà eni rzi a òhwa nanù ema, “È lutelì tɛ ema imbahvɛ na hwèlì ndi mòlòkèlì mɔ̀kɔ, wa ama Rzàŋgò, e jèe e lìya ò màandà mà ami” mɔ̀ à mà jò tinɛlɛ natɛ̀ɛ rzìi je emeyà.

Hwègbèèlì 16:15 ပူးပေါင်းရင်းမြစ်များ

Matiyò 10:41

Tɔ̀ njɛnɛ ema à kàrzɛ̀yi mòòhwèlì wà èlìŋgɛ̀ èhwanja òŋgò mòtò ema mò à kàrzɛ à hwèlì ndi mòòhwèlì wà èlìŋgɛ̀, à lùwa itàŋgi jà ama mòòhwèlì wà èlìŋgɛ̀. Tɔ̀ ima mòtò ema à kàrzɛ̀yi mòtò gbamù èhwanja òŋgò ema à kàrzɛ̀yi à hwèlì ndi mòtò wà gbamù, à lùwa etaŋgi jà ama è mòtò wà gbamù.

Matiyò 3:6

Nà òma hwaŋga hwatò hwa mà purzɛ̀lɛ̀ wòhwe wò awu, rzìi Yòwanìrzɛ̀ à hwa lùhwìrzɛ̀ ò mòrzò mò Jɔdànì.

Lukàrzɛ̀ 14:23

Òŋgò rzàŋgɛ wà èni wà ndawò rzìi a mò òhweyà nanù ema, ‘Ɛ̀ndɛ ò meyòmbò me mbòwà mà arzɛ, nà ò njuka ja mànjiyɛ ma wàŋga mà arzɛ, ò yòhwɛ̀ tɔ̀ njɛnɛ ò ùŋma ema a jèe. Aŋgà nanù, òma è ndawò yà amì e ma òndà.

Lukàrzɛ̀ 24:29

Ndi hwa mà mò rzòrzòmeyà rzìi hwa òhwa nanù ema, “Ja anù ò lìyà nà irzɔ, èhwanja ò mà hwɛ ndi è ŋgòmbe yà lohwà ò hwèkɔ̀ɔ̀yèlì hwe wùnyà.” Aŋgà ndi à ɛ̀ndɛ ò ndawò nà wɔ̀.

Hwègbèèlì 11:14

Mɔ̀ à jèlì tɛ à è òhweyà mòndeŋga ema mò gbeyà Lohwɛ̀ à ò rzùŋgà lòŋgɛ là aŋgɔ̀ nà lìtumba là aŋgɔ̀.’

Hwègbèèlì 16:31

Wɔ̀ hwà mà mò alàhwɛ̀ nanù ema, “O lòkɛ̀ Rzàŋgò Yerzù, aŋga nanù Lohwɛ̀ a ò rzùŋgà. A ò rzùŋgà na lìtumba la aŋgɔ.”

Hwègbèèlì 16:33

O wòŋgò wu mɛnɛ, òŋgò mɔ̀ɔ̀ŋgèlì wa hwatò hwa hwèwòwà rzi a hwa wòwa, a hwa rzòrza hwèhwàŋgù hwe awu. O lìwòkimɛnɛ mɔ̀ na lìtumba la eni la arzɛ hwà mà lùhwìrzɛ̀hwɛ̀.

Hwègbèèlì 16:34

Oŋgò mɔɔŋgelì wa hwèwòwà à mà ɛ̀ndɛ̀nɛ̀ Pàwolò na Rzàyìlàrzì ò ndawò ya eni, rzìi a hwa ŋgba mòlelì. Oŋgò mòtò na lìtumba la eni la arzɛ hwà mà ònda na mɔ̀nyɛ̀ŋgì ehwànja hwà mà lòkɛ̀ Lohwɛ̀.

Hwègbèèlì 18:8

Klìrzpùrzì, ema mɔndi à mà hwɛ e mòkànèlì wa e ndawò ya màkanɛ̀ ya wònyà Yudà, mɔ̀ na lìtumba la eni la arzɛ, hwà mà lòkɛ̀ e Rzàŋgò. Rzayì-rzayì ja hwatò hvɛ ò Kɔ̀rintò hwà mà hweyà Ŋmɛ̀ndì mò Gbamù, hwà mà mò lòkɛ̀ ndèŋgàna hwà mà lùhwìrzɛ̀hwɛ̀.

Hwègbèèlì 8:12

Ndì nà òma wɔ̀ hwa mà lòkɛ̀yi Hvìlìpì nà òma mɔ̀ à mà òhwe Ŋmɛ̀ndì mò gbamù mò lìkànèyà là ama Lohwɛ̀, nà lì hvòmɛ̀nɛ̀ Yerzù Krirztò, wunyanà nà hwààlanà hwa arzɛ hwa mà lùhwìrzɛ̀hwɛ̀.

Hwègbèèlì 8:38

Èŋge yumɛ rzi e òhweyà e mɔ̀ ema à mà hwɛ lì ɛ̀ndɛ̀nɛ̀ eŋge ehwàmbanì ama a tɛ̀mɛ̀. Rzìi mɔ̀ na Hvìlìpì hwa rzihwa ò eŋge ehwàmbanì rzìi hwa kpèeyà ò tenì ya malìhwa, Hvìlìpì rzìi a mò lùhwìrzɛ̀.

Ròmànì 16:23

Gàyiyùrzì, e mòtò ema ò ndawò ya eni ndi na hwèlì, ema ò ndawò ya eni ɔ̀ndi ŋmèmba mò wònya Krirztò mò tàneyà, mɔ̀ hvɛ a e òmelì ikɔ̀mi. Ɛ̀ràrztùrzì, ema mɔ̀ ndi à uta malì ma e mbòwa, na ŋmanyàŋgò hwa arzu Kwàtùrzì wɔ̀ hvɛ hwa e òmelì ikɔ̀mi.

2 Kɔ̀rintìyà 12:11

Nà ohwa ndi nàa èèti ya mòtò ndi inyɔ ndi e gbèyi ɔ̀ndeŋgàtɛ̀ na ohwa nanù. Oma inyɔ e ohwa ndi hweyà hwe gbamù o lì no hvomɛ̀nɛ̀. Tɔ̀ e hwɛ ndi nanù ema na rza enje tɔ̀ yoma, ndi hwatò ema inyɔ e hwɛlɛ i àpɔ̀rzìtòlò ndɛnɛ, i rza no akani tɔ̀ eyà.

2 Kɔ̀rintìyà 5:14

È ndìŋgɛ ya ama Krirztò yɔ ndi e ma wowɛ mèèmà me arzu o lì gbeyà hweyà ema i gbeyà, èhwanja i lòkɛ̀yi nanù ema Krirztò à mà ŋwèeyà hwatò hwa arzɛ. Ène ŋgàna e gbèyi ndi nàa tɔ̀ ima mòtò à mà ŋwa.

Gàletìyà 6:10

O èŋgànɛ̀lɛ̀ rzɔ, tɔ̀ ima hvonda ema i lu o lì gbeyà gbamù, inyɛ i wo gbèeyà tɔ̀ ima mòtò, rzɛ̀hvɔ̀nì wònyàmòwe hwa Krirztò.

Ɛ̀hvìrzìyà 1:1

Ìmba Pàwolò ndi nà e omelì inì itita ema nà ma hwɛ̀lɛ̀hwɛ̀ na lemeyà la ama Lohwɛ̀ o lì hwɛ àpɔ̀rzìtòlò ya ama Yerzù Krirztò. Ìmba na e tìleya inyɔ hwatò hwa ama Lohwɛ̀ ema hwa lìya o mbowà ya Ɛ̀hvɛ̀rzɔ̀rzì. È hwèlì ndi mòtò mɔ̀kɔ na Yerzù Krirztò ema e mo òŋgama hvɛ na ŋmèma mɔ̀kɔ.

Hvìlipìyà 1:7

Imba nà àŋgàmɛ̀nɛ̀yi lì ohva manù màlùtèyà o inyɔ hwa arzɛ èhwanja è hwèlì ò ŋmèma mò ami. Tɔ̀ nà oma nà hwèlì ò hwèwòwà, ndèŋgànɛ̀lɛ̀ nà oma nà ohwa hweyà lì hvomɛ̀nɛ̀ ŋmɛ̀ndì mò gbamù, nà ohwa nanù ema mono ŋmɛ̀ndì mò gbamù mò rza enje mòlaŋgà, mò hwèlì ndi è jɔ̀kɛ̀. Lohwɛ̀ à mà jò uŋmɛ̀lɛ̀ irzɔ hwa arzɛ è ndèli yà eni nà oma i mò gbèeyà.

Hvìlɛ̀mɔ̀nì 1:17

Ò èŋgànɛ̀lɛ̀ rzɔ, ono wòwi tɛ nàa mòtò ema irzɔ nà ò wà ì gbèèyɛ̀nɛ̀ èwòlò, ò àŋgàmɛ̀nɛ̀yi lì mò kàrzɛ nyàyi hvɔ̀kɔ nà oma ò hwɛni lì nò kàrzɛ.

Hibrù 13:2

È rzì hwɛmɛ o lì karzɛ hwàyɛ̀nì o màndà ma anyu o i hvonda ja arzɛ. Nànù ndi lòŋgo la hwatò hwà mà gbeye hwà mà karzɛnɛ i aŋgèlì o màndà ma awu e rzi hwɛ lì hwiya.

1 Pètrò 5:12

Rzàyilarzi ndi à nò oŋgòhwàànì ò lì è tìleya òno ŋmanà kààtì. À hwèlì ndi nàa ŋmànyàŋgo wà ami ndèŋgànɛ̀lɛ̀ nà mò lòkɛ̀yi. Nà è tìlèlì ene kààti ò lì è embɛ, nà ò lì è òhweyà nanù ema hwene hweyà ema nà è tìlèlì hwe hwèlì ndi è ndèli yà jɔ̀kɛ̀ yà ama Lohwɛ̀. Yè è tɛ̀meyà gbamù.

2 Yòwanìrzɛ̀ 1:10

Ò èŋgànɛ̀lɛ̀ rzɔ, tɔ̀ ima mòtò à è jɛ̀lɛ̀lɛ̀yi tɛ rzìi à è jàneyà hwèokòlelì ema hwe rza uwɛ̀lɛ̀lɛ̀yi ò mà Krirztò, è rzìi mò kpɛ̀lɛ̀ ò ndawò yà anyu tɔ̀ nà lì mò kàrzɛ nàa mɔ̀kɔ wà ŋmèmba.

3 Yòwanìrzɛ̀ 1:5

Ìi mbunda ya ami kòkò, o gbèyè hweyà na ŋmèma mɔ̀kɔ o lì oŋgowàna wònyànyàŋgo hwa arzu hwa ama Krirztò tɔ̀ nɛ o rzi hwiyɛ lòŋgo.

3 Yòwanìrzɛ̀ 1:8

Irzɔ ema i hwèlì hwàlòkèlì hwa ama Krirztò rzɔ, i hwɛnì lì òŋgòwàna hwanu hwatò, aŋga nanù oma irzɔ i ma hwa lata o èwòlò ya awu ya lì ohweyà hwatò ŋmɛ̀ndì mo jɔ̀kɛ̀.