Hwègbèèlì 16:13 - Mokpwe: Bakwery (New Testament)

¹³ O Wùnya wò lì Arzìyòlɛ i ma wurza ò tenì ya mbòwà ndɛnɛ rzi ja ɛndɛ ò rzàawà ya mòrzò, i ma ɔ̀ŋgɛ̀lɛ̀ nanù ema jò ùŋmànɛ̀lɛ̀ èki ema wònyà Yudà hwa kànɛlɛlɛ aŋga. I ma lìya aŋga na hwalanà ema i ma ùŋmànɛ̀lɛ̀ hwa arzàŋgànɛ aŋga rzìi i wòteyà lì tuhwa mendeŋga na wɔ.

Hwègbèèlì 16:13 ပူးပေါင်းရင်းမြစ်များ

Matiyò 13:2

Kanatɛ̀ ŋgìndì ndɛnɛ e ma mò tòŋga aŋga, ò èŋgànɛ̀lɛ̀ à mà kpèeyà ò tenì ya wɔ̀lɔ̀ rzìi a lìya, aŋga ndi à mà òkòlɛ̀lɛ̀ e ŋgindi ema e mà tɛ̀mɛ̀ ò rzààwà ya yulu.

Makòrzì 16:15

À mà hwa òhweyà nanù ema, “È ɛ̀ndɛ̀, e àyinɛ̀lɛ̀ ò e rze ya arzɛ, e hwa òhweyà Ŋmɛ̀ndì mò Gbamù.

Lukàrzɛ̀ 13:10

Wùnyà wɔ̀kɔ wò lì arzìyòlɛ̀, Yerzù à mà hwɛ lì òkòlɛ̀ ò ndawò ya màkanɛ̀.

Yòwanìrzɛ̀ 8:2

O elele, à mà wòŋgìrzɛ̀nɛ̀ hvɛ ò hwèkpèèlì hwe e ndawò yà màkanɛ̀. Èki ema hwatò hwa arzɛ hwà mà mò jèeya hwa mò tòŋga, rzìi mɔ̀ à lìya ò rze ò lì hwa òkòlɛ̀.

Hwègbèèlì 13:14

Wɔ̀ hwà mà hwɛmɛ Pɛ̀ga rzìi hwa uka ò mbòwa ya Antìyɔ̀kì ò èkòmè ya Pìrzìdìyà. O Wùnyà wò lì arziyòlɛ, hwà mà kpèeyà ò ndawò ya màkànɛ̀, rzìi hwa lìya ò rze.

Hwègbèèlì 13:42

Nà òma Pàwolò na Bànàbàrzì hwà mà hwɛ lì anjiya ò e ndawò ya màkànɛ̀ ya wònyà Yudà, hwatò hwà mà hwa òhweyà nanù ema wɔ̀ hwa jèe hvɛ ò wònɛyi Wùnya wò lì Arzìyòlɛ, ò lì hwa òhweyà hwene hweyà hvɛ.

Hwègbèèlì 16:16

Wùnya wɔ̀kɔ, na òma irzɔ i ma hwɛ lì ɛndɛ ò èki ya màkanɛ̀, ŋgɔ̀ndɔ̀ hvɔ̀kɔ ya mòkòme ema e ma òhva èlìŋgɛ̀ ya wòhwe e ma jò ùŋmànɛ̀lɛ̀. Èŋge èlìŋgɛ̀ e ma gbeyà à mà hwɛ lì òhweyà hwatò hweyà ema hwe ò gbèyɛ̀nɛ. Liŋgi lìyaŋga ema à mà hwɛ lì aŋgba lì ma gbeyà ema hwatò ema hwà mà mò anda nàa mòkòme hwà mà mo luwàna wòlì rzayi-rzayi.

Hwègbèèlì 16:6

Pàwolò na mòndeŋge mò eni hwà mà akeyà hwèrzòòkà hwe Hvrigèyà na Gàlèrzìyà, èhwanja Èlìŋgɛ̀ yà Wòtani ema hwa keka nanù ema hwa rzi keka lì òhwa eyà ya Lohwà ò erzòòkà ya arzɛ ya Èrzìyà.

Hwègbèèlì 17:2

Pàwolò à mà nyàmɛ̀lɛ̀ lì kpèeyà ò tenì ya ndawò ya màkànɛ̀ ya wònyà Yudà ò eŋgànɛ̀lɛ à mà kpèeyà aŋga. A ma lìya aŋga wiki iyàwò. O tenì ya tɔ̀ ima Wùnyà wò lì Arziyòlɛ mɔ̀ à mà òhweyà hwatò ŋmɛ̀ndì ema mò ma uwɛ̀lɛ̀lɛ̀yi ò tenì ya e kààtì ya ama Lohwɛ̀.

Hwègbèèlì 18:4

Tɔ̀ ima Wùnya wò lì Arzìyòlɛ Pàwolò à mà hwɛ lì ɛndɛ ò ndawò ya màkanɛ̀ ya wònyà Yudà, ò lì òhwirzɛnɛ hwatò hwa wònyà Yudà na e hwa Grìki, aŋga nanù wɔ hwa lòkɛ̀ hweyà ema à mà hwɛ lì hwa òhweyà.

Hwègbèèlì 20:7

Ŋgombe hvɔ̀kɔ ya rzàtelì, irzɔ hwa arzɛ i ma arzàŋgànɛlɛ èki yɔ̀kɔ ò lì laa ò lì uŋmɛ̀lɛ̀ e ndìŋgɛ ya ama e Rzàŋgò. Pàwolò à mà wòteyà lì òhwirzɛnɛ hwatò, a hwa òhwirzɛnɛ natɛ̀ɛ na ò e kɔrzi ya wuu, èhwanja mɔ̀ à mà hwɛnɛ lì endɛ ò enɛyi eka ya elele.

Hwègbèèlì 21:5

Ndi na òma e hvònda ya arzu na wɔ e ma ɔ̀lɛ irzɔ i ma hwa lìiya aŋga, rzi je ɛndɛ e ya arzu. Wɔ hwa arzɛ na i jòjìyɛ̀ ja awu na hwàanà hwa awu, hwà mà jò lìyɛlɛ ò lì wurza ò tenì ya eŋge mbòwa ndɛnɛ. I ma hwɛmɛ e mbòwa rzìi jò uka ò rzàawà. Irzɔ hwa arzɛ i ma rzuma màwɔ̀ŋgɔ̀ŋgɔ̀ ma arzu ò mòkòkò rzi i kànɛ.

Hwègbèèlì 9:20

O lìwòkimɛnɛ a wòteyà lì òhwa eyà ya Lohwà ò tenì ya i ndawò ja màkanɛ̀ nanù ema, Yerzù ndi à hwèlì è Ŋmanà wà ama Lohwɛ̀.

Gàletìyà 3:28

Ò eŋgànɛ̀lɛ̀ rzɔ, o rza enje lì akahwanɛ ò hwaŋga ema hwa hwèlì wònyà Yudà nà hwaŋga ema hwa rza enje wònyà Yudà, ò hwàkòmì nà ò hwaŋga ema hwa hwèlì wònja, ò wunyanà nà hwalanà. Inyɔ hwa arzɛ è hwèlì ndi mòtò mɔ̀kɔ èhwanja è lòkɛ̀ Yerzù Krirztò.

Kòlòrzìyà 1:23

Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.