Hwègbèèlì 15:7 - Mokpwe: Bakwery (New Testament)

⁷ O mburzà lì chakumɛlɛ ema lì ma wawa, Pètrò rzìi a tɛ̀mɛ̀ ò ŋmanyu rzìi a hwa òhweyà nanù ema, “Ìi wònyànyàŋgò ami kòkò, e hwi nanù ema Lohwɛ̀ à mà nò hvɔ̀rzɔ̀ ò ìtììtènì ja anyu, ò lì òhweyà hwatò ema hwa rza enje wònyà Yudà Ŋmɛ̀ndì mò Gbamù aŋga nanù wɔ̀ hwa mò hweyà rzìi hwa mò lòkɛ̀.

Hwègbèèlì 15:7 ပူးပေါင်းရင်းမြစ်များ

Yòwanìrzɛ̀ 15:16

Inyɔ è rzi nò hvɔ̀rzè, ndi imba ndì nà è hvɔ̀rzì rzìi nà è òmi nanù ema è ɛ̀ndɛ è gbèye hweyà ema hwe ŋyàa hwehvùma hwe gbamù. Iŋgi nyàyi jà hweyà ema ì ò indaa. È gbèyi tɛ nanù Tatɛ̀ wà ami à è ŋgbà tɔ̀ ima nyàyi yà yomà ema è mò ijòwi ò lìnà là ami.

Yòwanìrzɛ̀ 3:27

Yòwanìrzɛ̀ a timbirzɛlɛlɛ nanù ema, “Tɔ̀ mòtò a rza tànɛyi lì lùwa tɔ̀ yòma e rzi hwɛ nanù ema Lohwɛ̀ ndi à mò ŋgbelì.

Hwègbèèlì 1:16

“Ìi wònyamòwè kòkò, hweyà ema hwe mà tìlahwa ò kààtì yà Lohwà hwe mà hwɛnɛ lì òndìrzɛ̀hwɛ. Èlìŋgɛ̀ yà wòtani è mà lòma lì òhwa ò wàna yà ama Dàhwitì lì hvòmɛ̀nɛ̀ Jùdàrzì ema à mà tìmba hwatò ò lì ɛndɛ lì ŋgbaŋgɛ Yerzù.

Hwègbèèlì 1:24

Rzi hwa kànɛ nanù ema, “Rzàŋgò, ò hwi ŋmèma mò tɔ̀ ima mòtò tɛ. O jò uŋmɛ̀lɛ̀ ò hwanù hwahwàkɛ e mɔ̀ ema ò hvɔ̀rzì,

Hwègbèèlì 10:19

Pètrò mɔ̀ à mà hwɛ ò lì kèka ò lì rzɔ̀ŋgìtɛ̀nɛ̀ mamɛ iŋgi jɛ̀nɛ̀nì ì hwèlì, ɔ̀ndi Èlìŋgɛ̀ yà wòtani è à mò òhweyà nanù ema, “Rzimɔ̀ni, ò hwèlì hwatò hwàyàwò anu ema hwa ò arza.

Hwègbèèlì 10:20

Ò eŋgànɛ̀lɛ̀ rzɔ wòŋgirzɛnɛ, ò rzihwe ò ŋmanyu yà è ndawò yà ndɛ̀ki, ò rzi hwaŋga ò lì ɛndɛ nà wɔ̀, èhwanja imba ndi nà hwa òmi.”

Hwègbèèlì 13:2

Nà òma hwà mà hwɛ lì gbèeyà Rzàŋgò na lì hwɛ hvɛ ò mòkìyà njàwò, Èlìŋgɛ̀ yà Wòtani rzìi e hwa òhweyà nanù ema, “È nò tindeya Bànàbàrzì na Rzàwòlò ò lì nò gbèeyà èwòlò ema imba nà mà hwa hwɛlɛnɛ.”

Hwègbèèlì 15:14

Rzimɔ̀ni mɔ̀ à mà jò uŋmɛ̀lɛ̀ naŋgɛ nɛ Lohwɛ̀ à mà wòteyà lì uŋmɛ̀lɛ̀ hwatò ema hwa rza enje wònyà Yudà, ŋmèma mò eni mò gbamù. È mòhvɔ̀rzèlì wà hwatò ò ìtììtènì ja awu ò lì hwɛ hwatò hwa eni.

Hwègbèèlì 15:2

Ène eyà e ma jàneyà Pàwolò na Bànàbàrzì hvenda ndɛnɛ natɛ̀ɛ wɔ hwà mà imanɛlɛ nanù ema Pàwolò, Bànàbàrzì na hwahvɛhvɛ hwatò hwa ɛndɛ ò Jèrurzalɛ̀mù, ò lì ɛndɛ lì ɛnɛ i àpɔ̀rzìtòlò na hwàtimbèlì hwa ŋmèmba lì hvòmɛ̀nɛ̀ ene eyà.

Hwègbèèlì 15:39

Ène ŋgàna e ma hwa jàneyà mbùnakɛ̀ ya ŋginyà ema e ma hwa kakòhwà. Bànàbàrzì rzi a wòwa Yòwanìrzɛ̀ Màkòrzì na mɔ̀, rzìi hwa ɛ̀ndɛ yɔ̀ndɔ̀ ya malìhwa ò lì aka yùulu rzìi hwa uka ò èkòmè ya Rzàyiprɔ̀rzì.

Hwègbèèlì 20:24

Ndi imba na rza wòwi lòŋgɛ la ami nàa tɔ̀ eyà. Aŋga nanù imba na kulɛ èwòlò ya ami, na èwòlò ema e Rzàŋgò Yerzù e ma nò ŋgbɛ. Èwòlò ya ami e hwèlì ndi ò lì òhwa Ŋmɛ̀ndì mò Gbamù lì hvòmɛ̀nɛ̀ e ndèli ema Lohwɛ̀ à mà uŋmɛ̀lɛ̀ hwatò hwa hwènàmà.

Hwègbèèlì 21:16

Lòŋgò la hwà-òkòwèlì ema hwà mà uwɛ̀lɛ̀lɛ̀yi ò e mbòwa ya Kàyìrzèrìyà wɔ hvɛ hwà mà ɛndɛ na irzɔ. Rzìi hwa jò ɛ̀ndɛ̀nɛ̀ ò e ndawò ya ama Nàrzɔ̀nì ema aŋga ndi i ma hwɛnɛ lì lìya. Nàrzɔ̀nì à mà uwɛ̀lɛ̀lɛ̀yi ndi ò èkòmè ya Rzàyiprɔ̀rzì ndèŋgànɛlɛ a hwèlì ndi mɔ̀kɔ ema à mà lòma lì lòkɛ̀ Krirztò.

Hwègbèèlì 3:18

Tɔ̀ nɛ e ma gbèyɛnɛ nanù, Lohwɛ̀ ŋmìti ndi à mà òndìrzɛ̀ e mbɔrzi ya eni na òma à mà òhweyà hwà-òhwèlì hwa eni hwa arzɛ hwa hwèlìŋgɛ̀ ema hwa òhwe nanù ema è Mɔ̀ ema à Ɔ̀kirzɛ̀hwɛ̀yi a ò taka.

Hwègbèèlì 4:25

ò mà òma Èlìŋgɛ̀ yà Wòtani ò è mbamba yà arzu Dàhwitì, è mògbèèlì wà aŋgɔ̀ nanù ema Èlìŋgɛ̀ yà Wòtani è mò gbeye à òhwe hwene hweyà nanù ema, ‘Mamɛ ndèŋgàtɛ hwatò ema hwa rza enje wònyà Yudà hwe tàtìrzɛ̀ rzayi-rzayi e? Mamɛ ndeŋgatɛ hwatò hwa tɛ̀yirzɛ̀ hwètɛ̀yirzèlèlì hwe ŋgundu e?

Hwègbèèlì 9:15

Ndi Rzàŋgò à mà òhweyà Ànàniyarzì nanù ema, “Ɛ̀ndɛ̀, èhwanja nà mà hvɔ̀rzɔ̀ ònò mòtò ò lì nò gbèeyà. Mɔ̀ à ò gbeyà hwaŋga hwatò ema hwa rza enje wònyà Yudà, ikìŋgɛ̀ jà awu, nà wònyà Yudà ò lì nò hwiya.

Hvìlipìyà 2:14

È gbeye hweyà hwe arzɛ e rzi hwɛ lì àyiŋgòwɛ̀ tɔ̀ o lì kɔɔ hvènda.