Hwègbèèlì 15:39 - Mokpwe: Bakwery (New Testament)

³⁹ Ène ŋgàna e ma hwa jàneyà mbùnakɛ̀ ya ŋginyà ema e ma hwa kakòhwà. Bànàbàrzì rzi a wòwa Yòwanìrzɛ̀ Màkòrzì na mɔ̀, rzìi hwa ɛ̀ndɛ yɔ̀ndɔ̀ ya malìhwa ò lì aka yùulu rzìi hwa uka ò èkòmè ya Rzàyiprɔ̀rzì.

Hwègbèèlì 15:39 ပူးပေါင်းရင်းမြစ်များ

Hwègbèèlì 11:20

Ndi tɔ̀ nanù, lòŋgò la hwàlòkèlì ema hwà mà uwɛ̀lɛ̀lɛ̀yi ò mbòwa ya Rzàyìprɔ̀rzì na Rzìlènè, hwà mà ɛ̀ndɛ ò mbòwà ya Antìyɔ̀kì, hwà mà hwɛ lì òhweyà hvɛ hwatò hwa Grìki, na ò lì hwa òhweyà ŋmɛ̀ndì mò gbamù lì hvòmɛ̀nɛ̀ e Rzàŋgò Yerzù.

Hwègbèèlì 12:12

Nà òma Pètrò à mà àyɛ̀mbɛ̀ mamɛ ema e ma mò gbèyɛ̀nɛ, rzìi a ɛ̀ndɛ ò màandà mà ama Màlìyɛ̀, e nyàŋgò ya ama Yòwanìrzɛ̀ ema à mà hwɛ̀lɛ̀hwɛ̀ hvɛ Màkòrzì. Anù ndi rzayì-rzayì ja hwatò hwà mà arzàŋgànɛ ò màkanɛ̀.

Hwègbèèlì 15:2

Ène eyà e ma jàneyà Pàwolò na Bànàbàrzì hvenda ndɛnɛ natɛ̀ɛ wɔ hwà mà imanɛlɛ nanù ema Pàwolò, Bànàbàrzì na hwahvɛhvɛ hwatò hwa ɛndɛ ò Jèrurzalɛ̀mù, ò lì ɛndɛ lì ɛnɛ i àpɔ̀rzìtòlò na hwàtimbèlì hwa ŋmèmba lì hvòmɛ̀nɛ̀ ene eyà.

Hwègbèèlì 15:37

Bànàbàrzì à mà arza lì wòwa Yòwanìrzɛ̀ Màkòrzì na wɔ̀,

Hwègbèèlì 27:4

Irzɔ i ma anjiya aŋga rzi i wòteyà lì ɛndɛ ndi kànatɛ̀ e mbɛ̀hvɛ̀nì ya ŋginyà e ma hwɛ lì uŋgɛlɛ ò wòrzò wò arzu, ò eŋgànɛlɛ i ma akeyà ndi ò tòŋgòŋgò, ya erzòòkà ya Rzàyìprɔ̀rzì ò èhvàrzù ema e mbɛ̀hvɛ̀nì e rzi imbamɛ. Rzàyìprɔ̀rzì à mà hwɛ ndi yòndi.

Hwègbèèlì 4:36

Nànù ndi Jòrzɛ̀hvù mòtò wa lìtumba la ama Lɛ̀hvì, ema à mà uwɛ̀lɛ̀lɛ̀yi ò èkòmè ya Rzàyìprɔ̀rzì à mà gbeye. I àpɔ̀rzìtòlò i ma mò hwɛlɛ ndi Bànàbàrzì (jànda ja lìni lìna lì hwèlì ndi “Mòtò ema, a Kɔ̀mɛlɛ”).

Hwègbèèlì 6:1

O mburzà hvònda, na òma Mɔ̀rzɔ̀ŋgi mò hwàlòkèlì mò ma hwɛ lì òŋga, ò ma hwɛ lì arzarzòwɛ ò ìtììtènì ja wònyà Yudà ema hwà mà hwɛ lì òhwa e mbɔrzi ya Grìki na hwaŋga ema hwà mà òhwa e mbɔrzi ya e mbòwa. Hwàŋga ema hwà mà hwɛ lì òhwa e mbɔrzi ya Grìki, hwà mà hwɛ lì òhwa nanù ema, mekurze me awu me hwalana, me ndindahwa ò lì kàyi la wùnyà tɛ la wòlì.

Kòlòrzìyà 4:10

Arìrztàkùrzì, ema mɔ̀ hvɛ a hwèlì o hwèwòwà na imba, a e omelì ikɔ̀mi. Màkòrzì, ema a hwèlì Bànàbàrzì ŋmanyàŋgò wa eni mɔ̀ hvɛ a e omelì ikɔ̀mi. Nà ma màa lì e ohweyà lì hvomɛ̀nɛ̀ Màkòrzì mɔ̀ à jelì tɛ e mo kàrzɛ.

Jèmìrzì 3:2

Irzɔ hwa arzɛ i yɔ̀ki lì gbeyà màtona o jòòhwì. È mòtò ema a rza gbeyà tɔ̀ lìtona a hwèlì ndi mòtò ema a tɛmi ehve-ehve a tànɛyi hvɛ lì kànèyà e nyo ya eni ya arzɛ aŋga nanù a rza gbeyà lìtona.

1 Pètrò 5:13

Ŋmèmba mò mììtèlì ema mò hwèlì ò èkòmè ya Babìlɔ̀nì, ema Lohwɛ̀ à hvɔ̀rzì ema mè hwɛ è mà eni nà oma inyɔ hvɛ è hwèlì, mè omèlì ììkɔ̀mì, nanù mɛnɛ hvɛ nà Màkòrzì ema à gbèyi ndi nàa è ŋmanà wà ami ema nà wombi ò lìlòkɛ̀.