Hwègbèèlì 15:29 - Mokpwe: Bakwery (New Testament)

²⁹ È rzi keka lì làa tɔ̀ mòlelì ema mò ma ŋgbààhwɛ̀ hwèrzùmbù. È rzi keka lì laa màyija, e kìye ò lì làa hwèembè ema hwe ŋwelì mòtìmà. È rzi gbeyà mòrzònje. È ò hwɛ gbamù e rza gbèyi tɛ hwene hweyà. Je ahvìtɛ̀ hwèlìyelì hwe gbamù.”

Hwègbèèlì 15:29 ပူးပေါင်းရင်းမြစ်များ

Lukàrzɛ̀ 9:61

Òhvɛhvɛ munyanà rzìi a mò òhweyà nanù ema, “Ìi Rzàŋgò kòkò, ìmba nà ò òŋgama, ndi inyɛ nà ɛndɛ̀ na àkpànɛ lìtumba la amì hvɔ̀ni.”

Hwègbèèlì 15:20

Eyà ema irzɔ i hwɛni ò lì gbeyà e hwèlì ndi ò lì hwa tìleyà kààtì nanù ema, hwa rzi làa tɔ̀ mòlèlì ema mò ŋgbààhwà nàa màhwèyà ò hwèrzùmbù èhwanja mòŋgò mòlèlì mò rza rzàŋgi, hwa kiye mòrzònje, hwa kìye ò lì làa hwèembè ema hwe ŋwelì mòtìmà, ndèŋgànɛ̀lɛ̀ hwa rzi laa hvɛ màyija.

Hwègbèèlì 18:21

Ndi ò hwɛndèli hwe eni à mà hwa òhweyà nanù ema, “È hwèlì tɛ lì emeyà la ama Lohwɛ̀ na ò e timbeya.” A ma kpèeyà ò melì me ŋmànja rzìi a anjiya ò mbòwa ndɛnɛ ya Ɛ̀hvɛ̀rzɔ̀rzì.

Hwègbèèlì 21:25

Ndi lì hvòmɛ̀nɛ̀ hwatò ema hwa rza enje wònyà Yudà, ema hwà mà tikòwɛ ò lì jà hwàlòkèlì, irzɔ i ma hwa òmeya itita nanù ema, irzɔ i ma kùlɛ̀ nanù ema, wɔ hwa rza àŋgàmɛ̀nɛ̀yi lì laa tɔ mòlèlì ema mò ma ŋgbààhwɛ̀ mahvɛhvɛ mòòhwà, tɔ̀ hwa rzi nyɔ màyija, ndèŋgànɛ̀lɛ̀ hwa rzi laa hwèembè ema hwe ŋwelì mòtìmà, ndèŋgànɛ̀lɛ̀ hwa rzi gbeyà hvɛ hweyà hwe mòrzònje.”

Hwègbèèlì 23:30

Nà òma nà mà hwilɛ̀hwɛ nanù ema ò hwèlì wùndɛ̀ ya lì mò òŋwa, ɔndi na a òmeya e mɔ̀ ŋgèlì hvɔ̀kɔ. Nà kòkòwɛ̀lɛ̀ hwaŋga ema hwa òhvi hweyà ò lì mò teŋgɛ̀nɛ̀ nanù ema hwa jèe hwa ò òhweyà eyà ema wɔ hwa òhwa nanù ema a gbèyi.”

2 Kɔ̀rintìyà 11:9

È hvonda ema nà mà hwɛ na inyɔ, marzako na rzi ohve tɔ̀ yoma, ndèŋgàna rzi e tàkìrzɛ̀ Èhwanja tɔ̀ mamɛ ema nà mà arze wònyanyàŋgo hwa ami hwa Krirztò ema hwà mà uwɛ̀lɛ̀lɛ̀yi o Màrzèdonìyà hwà mà hwɛ lì no ŋgba e yɔ. Nà oma na rze tàkìrzɛ̀ o hvonda ya worzo, na rza tanɛ lì e tàkìrzɛ̀ hvɛ tɔ̀ ŋgèlì tɔ̀ hvɔ̀kɔ.

2 Kɔ̀rintìyà 13:11

O lì umba ene kààtì, wònyamòwè kòkò, e oke mɔ̀nyɛ̀ŋgì. Nà e ohweyà ndi nanù ema e tikowe, ɛ̀ɛ̀mɛ̀ ya anyu e hwɛni lì lɔ̀wu, na arza nanù ema e òkànèyà mayowà mà ami. È hwɛnɛ ndi lì lùtèyà lɔ̀kɔ. È hwɛ o ɛ̀yɔ̀lɛ̀ mɔ̀kɔ na ɔ̀nɛyi. È gbèyi tɛ hwene hweyà hwe arzɛ, Lohwɛ̀ ema a e gbèyi ema e alìŋgànɛ na lì hwɛ o ɛ̀yɔ̀lɛ̀ mɔ̀kɔ na ɔ̀nɛyi, a o e nàmìrzɛ̀.

1 Tìmotì 5:22

O rzi keka lì ahwèŋgɛ̀ o lì hwàkɛ hwatò màà mà aŋgɔ̀ o lì hwa nàmìrzɛ̀ o lì hwɛ hwàmbaki hwa ŋmèmba. Èhwanja o gbèyi tɛ nanù rzi oŋgo mòtò ayeŋgòwɛ̀ a gbeyà wòhwe, nanù oma o wa hvɛ o gbèyi wòhwe. O aŋgowe aŋga nanù o wà witi o rza gbèeyà hweyà hwe mbindo.

Jèmìrzì 1:27

O lì gbèeyà Lohwɛ̀ o ŋgànà ema e hwèlì Wòrzàŋgì ndèŋgànà o jɔ̀kɛ̀ ya ama Tatɛ̀ Lohwɛ̀, e hwèlì ndi o lì ɔŋgeya i nyuhwe ja hwàna na mekurze me hwalana ema me tàka, na lì àwòhvɛ̀ la eni la gbamù e rzi hwɛ nanù ema hweyà hwe mbindo hwe e rze ya mɔ̀nyɛ̀ hwe mo atukɛ o nyo.

1 Yòwanìrzɛ̀ 5:21

Ò eŋgànɛ̀lɛ rzɔ hwàànà hwa ami kòkò, è rza ohva tɔ̀ eyà ò lì gbeyànà mòohwà mà mòlàŋga.

Judɛ 1:24

Èluhwe e hwɛ na Lohwɛ̀ ema a rza emeyà nanù ema e unde o tenì ya wòhwe. Mɔ̀ ŋmìti ndi à e jàni o èki ema mɔ̀ à hwèlì na ŋmàye mo eni. A o e jànà aŋga e rzi hwɛ tɔ̀ lìtɔ̀tì tɔ̀ lɔ̀kɔ la wòhwe o inyo ja anyu, ndèŋgànɛ̀lɛ̀ e o òka mɔ̀nyɛ̀ŋgì.

Hwèwulùwèlì 2:14

Ndi nà ohvi ŋgùrzù jà hweyà ò lì è teŋgɛ̀nɛ̀. È òhvi hwatò ò ìtììtènì jà anyu ema hwa oŋgama hwèyòkòlèlì hwe ama Bàlàamì. Bàlàamì mɔ̀ ndi à mà uŋmɛ̀lɛ̀ Bàlàkì ò lì timba la wònyà Irzàyɛ̀lì ò lì gbeyà wòhwe nà oma à mà lèè mòlelì ema mò mà ŋgbàhwɛ mahvɛhvɛ mohwà nàa jàhwèyà. À mà gbeyà hwa mà hwɛ lì gbeyà hweyà hwe mòrzònje.

Hwèwulùwèlì 2:20

Mamɛ ema imba nà ohwa ò lì è teŋgɛ̀nɛ̀ è hwèlì ndi nanù ema, inyɔ e àjùlɛ̀nɛ̀ òŋgo molanà ema à hwɛ̀lɛ̀hwɛ̀ Jèrzɛ̀bɛ̀lì à àhwɛ̀lɛ̀hwɛ̀ mɔ̀ ŋmìti nanù ema à hwèlì ndi mòòhwèlì wà èlìŋgɛ̀ wà molanà wà ama Lohwɛ̀. Mɔ̀ à okòlɛ nà lì ɔnjɔ hwàgbèèlì wà ami ema wɔ̀ hwa gbeyà hweyà hwe mòrzònje, nà ò lì làa mòlelì ema hwa ŋgbàà mahvɛhvɛ mohwà nàa jàhwèyà.