Hwègbèèlì 15:26 - Mokpwe: Bakwery (New Testament)

²⁶ Wɔ̀ ema hwà mà lòme lì ika mòŋgɛ ma awu ò mbenakò ò lì gbèeyà e Rzàŋgò ya arzu Yerzù Krirztò.

Hwègbèèlì 15:26 ပူးပေါင်းရင်းမြစ်များ

Hwègbèèlì 13:50

Ndi wònyà Yudà hwà mà umbɛlɛlɛ hwàtimbelì hwa e mbòwa, na hwàmbaki hwa hwàalanà ema hwà mà hwɛ lì gbèeya Lohwɛ̀. Hwanu hwatò rzɔ hwà mà jàneyà Pàwolò na Bànàbàrzì lùwànje rzìi hwa hwà hvaya ò erzòòkà ya awu.

Hwègbèèlì 14:19

Lòŋgò là hwatò hwa wònyà Yudà hwa mà uwɛ̀lɛ̀lɛ̀yi ò mbòwà ndɛnɛ yà Antìyɔ̀kì ò erzòòkà yà Pìrzìdìyà, ndèŋganɛlɛ hwa mà uwɛ̀lɛ̀lɛ̀yi hvɛ ò è mbòwa ndɛnɛ yà Ikɔ̀nìyùmì rzi hwa uka ò è mbòwa ndɛnɛ ya Lìrzìtìrà. Wɔ̀ hwa mà lɔ̀mbɔ̀ è ŋgindi natɛ̀ɛ wɔ̀ nà è ŋgindi hwa uŋma Pàwolò màŋyàyi, rzìi hwa à mò kòòhwà ò rze, rzìi hwa mò wurzana ò mbòwà ndɛ̀nɛ, èhwanja hwa mà ɔ̀ŋgɛ̀lɛ̀ nanù ema à mà ŋwa.

Ròmànì 16:4

Wɔ̀ hwà mà emeyà ò lì nò ŋwèeyà. Nà hwa èki. Rzeketɛ imba mbiti mɛnɛ ndi na hwa eka, ndi ŋmèmba mò arzɛ mò hwatò ema hwa rza enje wònyà Yudà, mɔ̀ hvɛ mò hwa eka.

1 Kɔ̀rintìyà 15:30

Rzìi hwatò nàa hwa irzɔ, mamɛ ndeŋgatɛ i wowa ene mbeya nyo hvonda tɛ e?