Hwègbèèlì 15:22 - Mokpwe: Bakwery (New Testament)

²² O èŋgànɛ̀lɛ̀ I àpɔ̀rzìtòlò na hwàtimbèlì hwa ŋmèmba na ŋmèmba mò arzɛ hwà mà kulɛ nanù ema, hwa hvɔ̀rzɔ̀ e hwa awu hwatò rzìi hwà hwa òma ò Antìyɔ̀kì mòndèŋge na Pàwolò na Bànàbàrzì. Wɔ̀ hwà mà hvɔ̀rzɔ̀ Jùdàrzì ema à mà hwɛ̀lɛ̀hwɛ̀ Bàrzabàrzì na Rzàyilàrzì, wunyanà ema hwà mà hwɛ hwàtimbèlì ò tenì ya hwàlòkèlì.

Hwègbèèlì 15:22 ပူးပေါင်းရင်းမြစ်များ

Hwègbèèlì 1:23

Aŋga ndi hwa a hvɔ̀rzɔ̀ hwatò hwahwàkɛ, Jòrzɛ̀hvù ema à mà hwɛ̀lɛ̀hwɛ̀ Bàrzabàrzì (ema à mà hwɛ̀lɛ̀hwɛ̀ hvɛ Jùrzìtùrzì) na Màtìyàrzì.

Hwègbèèlì 11:19

O èŋgànɛ̀lɛ̀ rzɔ ò naŋgɛ, hwaŋga hwàlòkèlì ema hwà mà bùweyà ò lìŋgi lìrzakò la e kanjɛ̀-kanjɛ̀ lìrzakò ema Rztèhvànì à mà òŋwahwe, hwà mà ɛ̀ndɛ yɔ̀ndɔ̀ ya hvòò natɛ̀ɛ na ò hwèkòmè hwe, Hvɔ̀yènìrzìyà, Rzàyìprɔ̀rzì, na ò mbòwà ya Antìyɔ̀kì. Wɔ̀ hwà mà hwɛ lì ɛndɛ nanù, hwà mà òhweyà ndi hwatò hwa Yudà mɛnɛ ŋmɛ̀ndì mò gbamù.

Hwègbèèlì 11:20

Ndi tɔ̀ nanù, lòŋgò la hwàlòkèlì ema hwà mà uwɛ̀lɛ̀lɛ̀yi ò mbòwa ya Rzàyìprɔ̀rzì na Rzìlènè, hwà mà ɛ̀ndɛ ò mbòwà ya Antìyɔ̀kì, hwà mà hwɛ lì òhweyà hvɛ hwatò hwa Grìki, na ò lì hwa òhweyà ŋmɛ̀ndì mò gbamù lì hvòmɛ̀nɛ̀ e Rzàŋgò Yerzù.

Hwègbèèlì 11:22

Mòŋgò mòndeŋga mò ma hweyàhwà ò ŋmèmba mò hwatò hwa Jèrurzalɛ̀mù. O eŋgànɛ̀lɛ̀ hwà mà òma Bànàbàrzì ò mbòwà ya Antìyɔ̀kì ò lì ɛndɛ lì hwa ɛnɛ.

Hwègbèèlì 11:27

O ene hvònda ndi lòŋgò la hwà-òhwèlì hwa hwèlìŋgɛ̀ hwà mà anjiye ò mbòwa ya Jèrurzalɛ̀mù lì ɛ̀ndɛ ò mbòwà ya Antìyɔ̀kì.

Hwègbèèlì 15:23

È kààtì ema hwà mà hwa òmane ò Antìyɔ̀kì e ma òhwa nanù ema, “Irzɔ I àpɔ̀rzìtòlò, na hwàtimbèlì hwa ŋmèmba, ema i hwèlì wònyànyàŋgò hwa anyu jò e òmelì inyɔ wònyànyàŋgò hwa arzu hwa arzɛ ema e rza enje wònyà Yudà iikɔ̀mi. Inyɔ ema e lìya ò mbòwà ndɛnɛ ya Antìyɔ̀kì ò erzòòkà ya Rzìrìyà na Rzìlirzìyà.

Hwègbèèlì 15:25

Irzɔ i ma lìya ò lì chakumɛlɛ hwenè hweyà, ò èŋgànɛ̀lɛ̀ irzɔ i ma kaka nanù ema, irzɔ je e hvɔ̀rzèyà ŋgurzu ja hwatò ema je e òmeya. Wɔ hwa ɛndɛ na Pàwolò na Bànàbàrzì ema irzɔ i lìŋgàni rzayi-rzayi.

Hwègbèèlì 15:27

O èŋgànɛ̀lɛ̀ irzɔ je e òmeya Jùdàrzì na Rzàyìlàrzì wɔ hwa e òhweyà eŋge eyà mɛnɛ ema irzɔ i ma e tìleya.

Hwègbèèlì 15:3

Hwàtò hwa ŋmèmba hwà mà ɛndɛ lì hwa lìyɛlɛ ò njiya. Nà òma wɔ̀ hwà mà akeyà ò hwèrzòòkà hwe Hvɔ̀nìrzìyà na Rzàmarìyà hwà mà nɔ̀ŋgeyà hwatò nɛ hwaŋga hwatò ema hwa rza enje wònyà Yudà hwà mà tikòwahwɛ ò lì timbeya Lohwɛ̀. Mònò ŋmɛ̀ndì mò ma lìŋgirzɛ hwàlòkèlì hwa arzɛ.

Hwègbèèlì 15:30

Nà òma hwà mà kulɛ lì tìla eŋge kààtì, hwà mà ɛndɛ lì lìyɛlɛ hwaŋga hwatò ò njiya ò yɔ̀ndɔ̀ ya awu ò Antìyɔ̀kì. Nà òma hwà mà uke aŋga, hwà mà rzaŋga hwàlòkèlì hwa arzɛ rzìi hwa hwà ŋgba eŋge kààtì.

Hwègbèèlì 15:32

Jùdàrzì na Rzàyìlàrzì, ema wɔ̀ hwiti hwà mà hwɛ ndi hwà-òhwèlì hwa hwèlìŋgɛ̀, hwà mà òhwa rzayi-rzayi ò lì kɔ̀mɛ̀lɛ̀ na lì embɛ hwàlòkèlì.

Hwègbèèlì 15:40

Pàwolò mɔ̀ à mà hvɔ̀rzɔ̀ Rzàyìlàrzì rzi a ɛ̀ndɛ. Hwàlòkèlì hwà mà hwa kànɛlɛlɛ nanù ema e ndèli ya ama Rzàŋgò a hwa timbe.

Hwègbèèlì 16:19

Nà òma hwaŋga hwatò ema hwà mà anda òŋgò ŋmanà ŋgɔ̀ndɔ̀ nàa mòkòme hwà mà ayɛ̀ɛmbɛ̀ nanù ema mɔ̀ à rza tànɛyi lì gbeyà hvɛ nanù ema hwa luwe wòlì, wɔ̀ hwà mà hvùma Pàwolò na Rzàyìlàrzì rzìi hwa hwà kòòwà ò lì hwa ɛ̀ndɛ̀nɛ̀ ò hwàkànèlì ema hwà mà hwɛ ò ìtììtènì ja e mbòwa ndɛnɛ.

Hwègbèèlì 16:25

O eyà ya kɔrzi ya wuu, Pàwolò na Rzàyìlàrzì hwà mà hwɛ lì kànɛ na lì embeya Lohwɛ̀ mɛ̀rzɔ̀kɔ̀ me kààtì. Rzìi hwanɛ̀yi hwatò hwa hwèwòwà hwa a hwa òkànèyà.

Hwègbèèlì 16:29

Oŋgò mɔ̀ɔ̀ŋgèlì wa hwèwòwà à mà òhwa nanù ema hwa jàne hwètùlù, à mà ahwèŋgɛ̀ rzìi a kpèeyà ò tenì ya e ndawò ya hwèwòwà, rzìi a kpàana mòkambiya ò wòrzò wò ama Pàwolò na Rzàyìlàrzì.

Hwègbèèlì 17:10

Nà òma wùnyà wò ma kɔ, hwàlòkèlì hwa ama Yerzù hwà mà òma Pàwolò na Rzàyìlàrzì ò lì ɛndɛ ò mbòwa ndɛnɛ ya Bèrìyà. Nà òma wɔ hwà mà uke aŋga, rzìi hwa ɛndɛ lì kpèeyà ò tenì ya e ndawò ya màkànɛ ya wònyà Yudà.

Hwègbèèlì 17:14

O lìwòkimɛnɛ hwaŋga hwàlòkèlì hwà mà òma Pàwolò ò rzàawà ya ŋmànja, ndi Rzàyilarzi na Tìmòtì hwà mà lìiya ò Bèrìyà.

Hwègbèèlì 17:4

Lòŋgò la awu la hwatò hwa Yuda hwà mà lòkɛ̀ rzìi hwa òŋgama Pàwolò na Rzàyìlàrzì. Nànù hvɛ mɛnɛ na ŋgindi ndɛnɛ ya hwatò hwa Grìki ema hwà mà lòkɛ̀ Lohwɛ̀. Nà rzayi-rzayi ja hwalana hwa èluhwe wɔ hvɛ hwà mà hweŋga Pàwolò na Rzàyilarzi.

Hwègbèèlì 18:5

Nà òma Rzàyilarzi na Tìmòtì hwà mà uwɛ̀lɛ̀lɛ̀yi ò mbòwa ndɛnɛ ya Màrzèdonìyà, Pàwolò à mà aŋgbɛ mɔ̀ ŋmìti tòwòtòwò ò lì òhwà Ŋmɛ̀ndì mò Gbamù. Mɔ̀ à mà hwɛ lì òhweyà hwatò hwa Yudà nanù ema Yerzù à hwelì ndi è Mɔ̀ ema à Ɔ̀kirzɛ̀hwɛ̀yi.

Hwègbèèlì 8:14

Nà òma I àpɔ̀rzìtòlò ema i ma hwɛ ò Jèrurzalɛ̀mù i ma hweye nanù ema hwatò hwa Rzàmàrìyà hwà mà emeyà Ŋmɛ̀ndì mò Gbamù mò ama Lohwɛ̀, rzi hwà hwa òmeya Pètrò nà Yòwanìrzɛ̀.

2 Kɔ̀rintìyà 1:19

È hwèlì ndi nanù èhwanja, Ŋmɛ̀ndì mò Gbamù lì hvomɛ̀nɛ̀ e ŋmana wa Lohwà Yerzù Krirztò, ema imba, Rzàyìlàrzì, na Tìmòtì, ima e ohweyà. Yerzù a rza ohwa ama a gbeyà eyà ema a rza o gbeyɛ. A gbeyà mamɛ ema a ohwi à mà a gbeyà.

1 Tɛ̀rzàlonìyà 1:1

Imba Pàwolò, mòndèŋgè nà Rzàyìlàrzì nà Tìmòtì ndi nà è tìleyà ene kààti. Nà è tìleyà ndi inyɔ hwatò ema è hwèlì ò ŋmèmba mò è mbowà ndɛnɛ yà Tɛ̀rzàlonìya, inyɔ ema è hwèlì hwatò hwa ama Tatà Lohwɛ̀, ndèŋgànà inyɛ inyɔ è hwɛ hwatò hwa ama è Rzàŋgo Yerzù Krirztò. Inyɛ̀ è ndèli nà ɛ̀yɔ̀lɛ̀ yà ama Lohwɛ̀ è hwɛ nà inyɔ.

2 Tɛ̀rzàlonìyà 1:1

Imba Pàwolò mondeŋge na Rzàyilàrzì na Tìmòtì ndi na e tilelì ene kààti. Nà e tilelì ndi inyɔ hwatò ema e hwèlì o ŋmèmba mo e mbowà ndɛnɛ ya Tɛ̀rzàlonìya, inyɔ ema e hwèlì e hwa ama Lohwɛ̀ Tatɛ̀ wa arzu na e hwa ama Rzàŋgo Yerzù Krirztò.

1 Pètrò 5:12

Rzàyilarzi ndi à nò oŋgòhwàànì ò lì è tìleya òno ŋmanà kààtì. À hwèlì ndi nàa ŋmànyàŋgo wà ami ndèŋgànɛ̀lɛ̀ nà mò lòkɛ̀yi. Nà è tìlèlì ene kààti ò lì è embɛ, nà ò lì è òhweyà nanù ema hwene hweyà ema nà è tìlèlì hwe hwèlì ndi è ndèli yà jɔ̀kɛ̀ yà ama Lohwɛ̀. Yè è tɛ̀meyà gbamù.