Hwègbèèlì 14:6 - Mokpwe: Bakwery (New Testament)

⁶ Ndi e hvònda ema Pàwolò hwà mà ayembɛ nanù, hwà mà hwaŋga rzìi hwa ɛ̀ndɛ ò erzòòkà ya Lìkònìyà rzìi hwa kpèeyà ò imbowà ndɛ̀nɛ ja Lìrzìtìrà na Dɛ̀bì na ò hweŋge hweki ema hwe ma hwɛ ò tòŋgòŋgò.

Hwègbèèlì 14:6 ပူးပေါင်းရင်းမြစ်များ

Matiyò 10:23

È ɛni tɛ ema hwa e tàkirzɛ tɛ ò mbòwa hvɔ̀kɔ, e hwaŋge, e ɛ̀ndɛ èhvɛhvɛ mbòwà. Nà e òhweyà ndi e jɔ̀kɛ̀ ema e rza ò kulɛ lì tàneya i mbòwà ja arzɛ ja èkòmè ya Irzàyɛ̀lì ndèŋgànà è Ŋmanà wà è mòtò wà Hwènàmà à è ja.

Hwègbèèlì 14:11

È hvònda e ŋgìndì e ma ɛnɛ eyà Pàwolò a gbèyi, hwà mà tɛ ò mbɔrzi ya hwatò hwa Lìkònìyà nanù ema, “Mòhwà ma mà jà ò rze ndèŋganɛlɛ hwà mà timba hwatò hwa hwènàmà ò lì jò òŋgòwànà.”

Hwègbèèlì 14:8

O ma hwɛ mùnyanà mɔ̀kɔ wa mbòkò ò mbòwa ya Lìrzìtìrà ema à mà hwɛ mbòkò lì wòteya ò hwèŋyàyèlì hwe eni, ema a rza ɛndi yɔ̀ndɔ̀ tɔ̀ wùnyà.

Hwègbèèlì 15:36

O mburza hvònda, Pàwolò rzìi a òhweyà Bànàbàrzì nanù ema, “Inyɛ̀ i timbe, ò tenì ya maŋga mambòwà ma ndɛnɛ ma arzɛ ema i ma lòmè lì òhwa eyà ya ama Rzàŋgò, ò lì hvɛ̀hvɛ hwàlòkèlì na ò lì ɛnɛ nɛ hwa hwèlì.”

Hwègbèèlì 20:4

Hwatò ema hwa mà mò òŋgama hwà mà hwɛ ndi Rzòpatà e ŋmanà hwa ama Hvìrzùrzì ema à mà uwɛ̀lɛ̀lɛ̀yi ò mbòwà ndɛ̀ɛndɛ̀ ya Bèrìyà, Arìrztàkùrzì na Rzèkùndùrzì ema hwà mà uwɛ̀lɛ̀lɛ̀yi ò e mbòwà ndɛnɛ ya Tɛ̀rzàlònìkà. Gàyiyùrzì ema à mà uwɛ̀lɛ̀lɛ̀yi ò mbòwà ndɛnɛ ya Dɛ̀bì, Tìmòtì, na Tàyìchìkùrzì na Tlòhvìmùrzì ema hwà mà uwɛ̀lɛ̀lɛ̀yi ò erzòòkà ya Èrzìyà.

Hwègbèèlì 9:24

Ndì mɔ̀ Rzàwòlò à mà hweyà ŋmanò mò awu. Ŋmerze na wuu wɔ̀ hwà mà ɔŋgeya mawòhvà mà ikɔtɔ̀ ja mbòwa, ò lì arza lì mò òŋwa.

2 Tìmotì 3:11

O hwi nɛ hwatò hwa no tàkìrzɛ̀, ndèŋgàna o hwi mètàkà ema imba na lu o tenì ya moŋgo motaka. O hwi lìtumba la hweyà ema hwe ma no gbèyɛ̀nɛ o tenì ya màmbowà mà Antìyɔ̀kì, Ikònìyùmì na Lìrzìtìrà. O hwi nɛ nà mà kake ŋmèma o mètàkà ema nà mà luwe aŋga. Ndi Rzàŋgo Yerzù à mà no rzùŋga o tenì ya meŋge mètàkà me arzɛ.