Hwègbèèlì 14:23 - Mokpwe: Bakwery (New Testament)

²³ O tɔ̀ ima ŋmèmba ema wɔ̀ hwà mà uke, wɔ̀ hwà mà hwɛ lì hvɔ̀rzɔ̀ hwatò ema hwa ò timbàa ŋmèmba mò arzɛ. È hvònda ema hwà mà kànɛ̀ na lì hwɛ ò mòkìyà njàwò, hwà mà ŋgba hwaŋga hwàtimbèlì ò màà mà ama Rzàŋgò ema wɔ̀ hwa ika lìlòkɛ̀ la awu.

Hwègbèèlì 14:23 ပူးပေါင်းရင်းမြစ်များ

Matiyò 17:21

O rza enje tɔ̀ eyà ema e tànɛyi lì hvaya ini nyayi ja hwèlìŋgɛ lì aka tɛ màkanɛ̀ na mòkìyà njàwò.

Makòrzì 3:14

Rzìi à hvɔ̀rzɔ̀ lìyòmɛ̀ la hwatò nà hwàhwàkɛ̀ ò lì hwɛ nà mɔ̀. Wɔ̀ ndi mɔ̀ à mà hwɛlɛ i àpɔ̀rzìtòlò ja eni. Rzìi à hwa òma ò lì òhwa Eyà ya ama Lohwɛ̀.

Lukàrzɛ̀ 2:37

À mà lìya mòkurze natɛ̀ɛ à mà uka mènì wàmbì me meya nà menì. A rzi hwɛ̀mɛ̀ è Ndawò yà Lohwà, nà màkanɛ̀, nà lì lìya njàwò ò màkanɛ̀ nà lì gbèeyà Lohwɛ̀ ŋmerze nà wu.

Lukàrzɛ̀ 23:46

O lìnì lìrzàkò ndi Yerzù a mà tɛ mòrzeya nanù ema, “Ìi Tatà nà hwàkɛ èlìŋgɛ̀ ya amì ò màà mà aŋgɔ̀!” Ène mbɔrzi ndi à mà òhwe rzìi a rzìyòwa mùùlù mò eni mò lìrzùkù.

Hwègbèèlì 1:22

lìwòteyà e hvònda ema Yòwanìrzɛ̀ à mà hwɛ lì lùhwìrzɛ̀ hwatò lì uka e hvònda ema Lohwɛ̀ à mà gbeye Yerzù a ɛndɛ ò ŋmanyu ya Lohwà. Mɔ̀ hvɛ a hwɛni ndi lì hwɛ mòtò ema à mà tɛ̀mɛ̀ mbòŋgi ò hwèhvùmùwèlì hwe ama Yerzù.”

Hwègbèèlì 1:24

Rzi hwa kànɛ nanù ema, “Rzàŋgò, ò hwi ŋmèma mò tɔ̀ ima mòtò tɛ. O jò uŋmɛ̀lɛ̀ ò hwanù hwahwàkɛ e mɔ̀ ema ò hvɔ̀rzì,

Hwègbèèlì 11:30

Nànù ndi wɔ̀ hwà mà gbèye. Hwà mà rzàŋga wòlì, rzìi hwa wò òmana Bànàbàrzì na Rzàwòlò ò lì ŋgba hwàtìmbèlì hwa ŋmèmba.

Hwègbèèlì 14:26

Nà òma hwà mà uwɛ̀lɛ̀lɛ̀yi ò Atalìya hwà mà aka yulu, rzìi hwa tìmba ò Antìyɔ̀kì, èki ema hwà mà hwa kànɛlɛlɛ nanù ema e ndèli ya ama Lohwɛ̀ e hwa lìyɛlɛ ò èwòlò ema hwà mà kulɛ nàŋgɛ.

Hwègbèèlì 15:23

È kààtì ema hwà mà hwa òmane ò Antìyɔ̀kì e ma òhwa nanù ema, “Irzɔ I àpɔ̀rzìtòlò, na hwàtimbèlì hwa ŋmèmba, ema i hwèlì wònyànyàŋgò hwa anyu jò e òmelì inyɔ wònyànyàŋgò hwa arzu hwa arzɛ ema e rza enje wònyà Yudà iikɔ̀mi. Inyɔ ema e lìya ò mbòwà ndɛnɛ ya Antìyɔ̀kì ò erzòòkà ya Rzìrìyà na Rzìlirzìyà.

Hwègbèèlì 15:4

Nà òma Bànàbàrzì na Pàwolò hwà mà ùke ò Jèrurzalɛ̀mù, ŋmèmba ema mò ma hwɛ aŋga, i àpɔ̀rzìtòlò, na hwàtimbèlì hwa ŋmèmba hwà mà hwa arzàŋgànɛ̀lɛ̀. Pàwolò na Bànàbàrzì hwà mà hwa òhweyà hweyà hwe arzɛ ema Lohwɛ̀ à mà gbèyɛ ò lì akeyà na wɔ.

Hwègbèèlì 15:6

Ène eyà e ma gbeyà ema I àpɔ̀rzìtòlò na hwàtimbèlì hwa ŋmèmba hwà mà taneya ò lì chakumɛlɛ ene mbɔrzi.

Hwègbèèlì 20:17

Nà òma i ma uke mbòwa ndɛnɛ ya Milɛturzi, Pàwolò à mà òma ŋmɛ̀ndì ò hwàtimbelì hwa ŋmèmba mò Ɛ̀hvɛ̀rzɔ̀rzì nanù ema hwa jèe hwa mò ùŋmànɛ̀lɛ̀ ò Milɛturzi.

Hwègbèèlì 20:32

O naŋgɛ nanù na e lì ò màà mà ama Lohwɛ̀ nanù ema a e ɔŋgeya. Ŋmɛ̀ndì ema nà mà e òhweyà lì hvòmɛ̀nɛ̀ e ndèli ya ama Lohwɛ̀ mò e òŋgòwàna. Nà hwɛni ŋginyà ò lì e ètìrzɛ̀ ndèŋgànɛ̀lɛ̀ na e ŋgba e ndèli ema Lohwɛ̀ à mà rzekeya hwatò hwa eni.

2 Kɔ̀rintìyà 8:19

O mburzà nanù hvɛ mɔ̀ à hvɔ̀rzɔ̀hwì na ŋmèmba mo mitelì o lì jo nɔ̀ŋgɔ, o lì hwɛ ŋmèmba na irzɔ o lì gbeyà èwòlò ya lì òŋgòwàna la hwatò. O lì arza nanù ema èluhwe ya ama e Rzàŋgo e ɛneya. Àŋga nanù o ma irzɔ hvɛ ima awuŋmɛ̀lɛ̀ nanù ema i hwɛnì nyìrzɛ̀ o lì hwa òŋgòwàna.

1 Tìmotì 5:1

O rzi keka lì lomeya mòmbaki wa mòtò. O mo wowe wòlìto na oma o wowi e tatɛ̀ ya aŋgɔ̀. O wowe hvɛ hwaŋga hwarzàlì ema o wa akayi ŋmèmba wòlìto ò a ɛnɛ oma hwa hwèlì ndi wònyanyàŋgo wa aŋgɔ̀.

1 Tìmotì 5:22

O rzi keka lì ahwèŋgɛ̀ o lì hwàkɛ hwatò màà mà aŋgɔ̀ o lì hwa nàmìrzɛ̀ o lì hwɛ hwàmbaki hwa ŋmèmba. Èhwanja o gbèyi tɛ nanù rzi oŋgo mòtò ayeŋgòwɛ̀ a gbeyà wòhwe, nanù oma o wa hvɛ o gbèyi wòhwe. O aŋgowe aŋga nanù o wà witi o rza gbèeyà hweyà hwe mbindo.

2 Tìmotì 1:12

Lìtìŋga lɔ̀ lìni ɔ̀ndeŋgàtɛ̀ imba nà taka nanù. Ndi nà rza oka ìrzɔnì èhwanja nà hwi è mɔ̀ ema imba nà ikàyi ŋmèma mò amì. Ndèŋgàna nà hwi hvɛ nanù ema à kombɛ̀ mamɛ ema à nò ikelì ò màà natɛ̀ɛ nà ò wùnyà wò hwèkàyìrzèlì.

2 Tìmotì 2:2

Hweya ema o ma hweye ema nà mà okolɛ rzayi-rzayi ja hwatò lì hvomɛ̀nɛ̀ Krirztò, o wa hvɛ o hwe okolɛ o hwahvɛhvɛ hwatò ema wɔ̀ hvɛ hwa tànɛyi lì okolɛ hwahvɛhvɛ hwatò.

Tàyìtùrzì 1:5

Ìi Tàyìtùrzì, nà mà ò lììya ò mbowà yà Krɛ̀tɛ aŋga nanù ò wà ò tànɛ lì tɛ̀yirzɛ mamɛ ema è rzi kulɛ̀hwɛ ò lì gbeyàhwa, ndèŋganɛlɛ ò lì hvɔ̀rzɔ̀ hwàtìmbèlì hwa mèèmbà ò tɔ̀ ima mbowà. Ò rzi hvoŋga ò lì gbeyà nà oma imba nà mà ò ohweyà ò lì gbeyà.

Jèmìrzì 5:14

Tɔ̀ ima mɔ̀ wa anyu ema a ɔkìrzɛ inyɛ a hwɛlɛ hwàtimbèlì hwa ŋmèmba hwa mo kànɛlɛlɛ, hwa mo kànɛlɛlɛ tɛ inyɛ hwa mo nyàlɛ lìyɔ̀ki o lìna la ama e Rzàŋgo.

1 Pètrò 5:1

Imba nàa mòtìmbèlì mɔ̀kɔ wa anyu, na lìŋgàna lì ŋgba màyòwà o hwatò ema hwa e kànèyà. Nà hwèlì ndi mɔ̀kɔ ema nà mà ukeya o motàkà mo ama Krirztò. Èluhwe ema Lohwɛ̀ à mà uŋmɛ̀lɛ̀ Krirztò e no ukeya imba hvɛ. Nà e kòkòwɛ̀lɛ̀ nanù ema,

1 Pètrò 5:10

È takà ndi meŋge mètàkà me rza inda. O mburza nanù, Lohwɛ̀ ema a ŋgba e ndèli ya arzɛ, mɔ̀ ŋmìti a e ŋgba tɔ̀ mamɛ ema e wɔ̀lɛnɛ. A gbeye ema a e ètìrzɛ̀ na lì e tɛmirzɛ gbamù. A hwèlì ndi Lohwɛ̀ ema e ndèli ya eni e lòŋgamɛnɛ tɔ̀ ima mòtò ndèŋgànɛ̀lɛ̀ eŋge ndèli e hwèlì o ihvonda ja arzɛ. Mɔ̀ ndi à e hvɔ̀rzì o lì luwa èluhwe ya eni ema e rza kuwa. Ndeŋgànɛ̀lɛ̀ ye e luwa ehwànja e hwèlì na Krirztò.

2 Yòwanìrzɛ̀ 1:1

Imba e mòtìmbèlì wà ŋmèmba ndi na tìli ene kààtì. Nà o tìleya ndi o wa e molànà ema Lohwɛ̀ a hvɔ̀rzì hwàanà hwa aŋgɔ. Nà o lìŋgàni na e jɔ̀kɛ̀, ndèŋganɛlɛ rzeketɛ imba mbiti mɛnɛ ndi na o lìŋgàni, ndèŋgànɛ̀lɛ̀ hwahvɛhvɛ hwatò hvɛ ema hwa hwi e jɔ̀kɛ̀ wɔ hvɛ hwa o lìŋgàni.

3 Yòwanìrzɛ̀ 1:1

Imba e mòtìmbèlì wa ŋmèmba, imba ndi na o tìleya o wa Gàyiyùrzì ene kààti. Nà o lìŋgàni na e jɔ̀kɛ̀.