Hwègbèèlì 14:21 - Mokpwe: Bakwery (New Testament)

²¹ Pàwolò na Bànàbàrzì hwà mà òhwa ŋmɛ̀ndì mò gbamù mò ama Lohwɛ̀ ò mbòwà ndɛ̀nɛ ya Dɛ̀bì, hwà mà gbeyà rzayi-rzayi ja hwatò ò lì hwɛ hwà-òkòwèlì hwa ama Yerzù. O mburza nanù, hwà mà tìmba ò imbowà ndɛnɛ ja Lìrzìtìrà, Ikɔ̀nìyùmì, na Antìyɔ̀kì ò erzòòkà ya Pìrzìdìyà.

Hwègbèèlì 14:21 ပူးပေါင်းရင်းမြစ်များ

Matiyò 28:19

O èŋgànɛ̀lɛ̀ rzɔ e ɛndɛ ò hwèkòmè hwe arzɛ hwe ene rze, e gbèèye hwatò ò lì hwɛ hwà-òkòwèlì hwa ami. È hwa lùhwìrzɛ̀ ò lìna la ama Tatɛ̀, ò lìna la ama e Ŋmanà, na ò lìna la Èlìŋgɛ̀ yà Wòtani.

Hwègbèèlì 13:14

Wɔ̀ hwà mà hwɛmɛ Pɛ̀ga rzìi hwa uka ò mbòwa ya Antìyɔ̀kì ò èkòmè ya Pìrzìdìyà. O Wùnyà wò lì arziyòlɛ, hwà mà kpèeyà ò ndawò ya màkànɛ̀, rzìi hwa lìya ò rze.

Hwègbèèlì 13:51

I àpɔ̀rzìtòlò i ma hvàkùmɛ̀lɛ̀ irzɔ̀hwɛ̀ ema i ma hwɛ ò màtàŋgà ma awu, nàa embànèlì nanù ema wɔ̀ hwa òhvi e kɔ̀kìrzɛ̀. Nà òma hwà mà kùlɛ̀ lì gbeyà nanù, rzìi hwa ɛ̀ndɛ ò mbòwà ya Ikɔ̀nìyùmì.

Hwègbèèlì 14:1

Nàa ɛ̀ɛ̀mɛ̀ ya awu Pàwolò na Bànàbàrzì hwà mà kpèeyà ò e ndawò ya màkanɛ̀ ya wònyà Yudà ò mbòwà ya Ikɔ̀nìyùmì. Hwà mà òhwa ŋmɛ̀ndì mò gbamù lì hvòmɛ̀nɛ̀ Yerzù aŋga nyayi ema rzayi-rzayi ja hwatò hwa wònyà Yudà na hwaŋga hwatò ema hwa rza enje wònyà Yudà hwà mà lòkɛ̀ Yerzù.

Hwègbèèlì 14:15

“Mamɛ ndèŋgàtɛ è gbeyà nanù e? Irzɔ hvɛ ì hwèlì ndi hwatò hwa hwènàmà nà òma è hwèlì. Irzɔ ì mà jà anu ò lì è òhweyà ŋmɛ̀ndì mò gbamù mò ama Yerzù, aŋga nanù è hwɛ̀mɛ̀ hwenè hweyà ema hwe hwèlì ŋgundu, aŋga nanù è òŋgama Lohwɛ̀ là lòŋgɛ ema mɔ̀ ndi à hwèki è ŋmanyu nà è rze nà ŋmàànjà nà hwèèmà hwe arzɛ ema hwe hwèlì ò tènì yà awu.

Hwègbèèlì 14:19

Lòŋgò là hwatò hwa wònyà Yudà hwa mà uwɛ̀lɛ̀lɛ̀yi ò mbòwà ndɛnɛ yà Antìyɔ̀kì ò erzòòkà yà Pìrzìdìyà, ndèŋganɛlɛ hwa mà uwɛ̀lɛ̀lɛ̀yi hvɛ ò è mbòwa ndɛnɛ yà Ikɔ̀nìyùmì rzi hwa uka ò è mbòwa ndɛnɛ ya Lìrzìtìrà. Wɔ̀ hwa mà lɔ̀mbɔ̀ è ŋgindi natɛ̀ɛ wɔ̀ nà è ŋgindi hwa uŋma Pàwolò màŋyàyi, rzìi hwa à mò kòòhwà ò rze, rzìi hwa mò wurzana ò mbòwà ndɛ̀nɛ, èhwanja hwa mà ɔ̀ŋgɛ̀lɛ̀ nanù ema à mà ŋwa.

Hwègbèèlì 14:26

Nà òma hwà mà uwɛ̀lɛ̀lɛ̀yi ò Atalìya hwà mà aka yulu, rzìi hwa tìmba ò Antìyɔ̀kì, èki ema hwà mà hwa kànɛlɛlɛ nanù ema e ndèli ya ama Lohwɛ̀ e hwa lìyɛlɛ ò èwòlò ema hwà mà kulɛ nàŋgɛ.

Hwègbèèlì 14:6

Ndi e hvònda ema Pàwolò hwà mà ayembɛ nanù, hwà mà hwaŋga rzìi hwa ɛ̀ndɛ ò erzòòkà ya Lìkònìyà rzìi hwa kpèeyà ò imbowà ndɛ̀nɛ ja Lìrzìtìrà na Dɛ̀bì na ò hweŋge hweki ema hwe ma hwɛ ò tòŋgòŋgò.

Hwègbèèlì 14:7

Èma wɔ̀ hwà mà ɛ̀ndɛnɛ hweyòhwèlì hwe ŋmɛ̀ndì mò gbamù ò wòrzò ò eŋge èki ya arzɛ.

Hwègbèèlì 14:8

O ma hwɛ mùnyanà mɔ̀kɔ wa mbòkò ò mbòwa ya Lìrzìtìrà ema à mà hwɛ mbòkò lì wòteya ò hwèŋyàyèlì hwe eni, ema a rza ɛndi yɔ̀ndɔ̀ tɔ̀ wùnyà.

Hwègbèèlì 15:36

O mburza hvònda, Pàwolò rzìi a òhweyà Bànàbàrzì nanù ema, “Inyɛ̀ i timbe, ò tenì ya maŋga mambòwà ma ndɛnɛ ma arzɛ ema i ma lòmè lì òhwa eyà ya ama Rzàŋgò, ò lì hvɛ̀hvɛ hwàlòkèlì na ò lì ɛnɛ nɛ hwa hwèlì.”

Hwègbèèlì 16:2

Hwàlòkèlì hwa imbowà ndɛnɛ ja Lìrzìtìrà na Ikɔ̀nìyùmì hwà mà òhwa gbamù lì hvòmɛ̀nɛ̀ Tìmòtì.

Hwègbèèlì 2:47

Hwa mà hwɛ lì eka Lohwɛ̀ nà ò lì òka là mɔ̀nyɛ̀ŋgì mò hwèhwɛ̀ɛlì hwe gbamù hwe hwatò hwa arzɛ. Ndèŋgana wùnyà tɛ Rzàŋgò à mà hwatɛ ò mòndèŋge mò awu hwaŋga ema hwa mà hwɛ lì rzùŋgàhwà.

2 Tìmotì 3:11

O hwi nɛ hwatò hwa no tàkìrzɛ̀, ndèŋgàna o hwi mètàkà ema imba na lu o tenì ya moŋgo motaka. O hwi lìtumba la hweyà ema hwe ma no gbèyɛ̀nɛ o tenì ya màmbowà mà Antìyɔ̀kì, Ikònìyùmì na Lìrzìtìrà. O hwi nɛ nà mà kake ŋmèma o mètàkà ema nà mà luwe aŋga. Ndi Rzàŋgo Yerzù à mà no rzùŋga o tenì ya meŋge mètàkà me arzɛ.