Hwègbèèlì 13:52 - Mokpwe: Bakwery (New Testament)

⁵² Hwàtò ema hwà mà lòkɛ̀ Yerzù ò mbòwa ya Antìyɔ̀kì hwà mà ònda na mɔ̀nyɛ̀ŋgì na Èlìŋgɛ̀ yà Wòtani.

Hwègbèèlì 13:52 ပူးပေါင်းရင်းမြစ်များ

Matiyò 5:12

È hwɛ gbamù, è òhve mɔ̀nyɛ̀ŋgì èhwanja etaŋgi ema è ò luwɛ ò ŋmanyu yà lohwà jò ò kòka. Nanù ndi hwatò hwa ma hwɛ lì tàkìrzɛ̀ hwà-òhwèlì hwa hwèlìŋgɛ̀ hwa kòòhwa.

Hwègbèèlì 11:29

O èŋgànɛ̀lɛ̀ hwà-òkòwèlì ò lì atanɛ la awu, wɔ̀ hwà mà tɛ̀yirzɛ̀ nanù ema tɔ̀ ima mɔ̀kɔ wa awu a ò òma lìwòŋgò ò hwatò ema hwa lòkɛ̀ Yerzù ò erzòòkà ya Jùdeyà.

Hwègbèèlì 2:4

Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.

Hwègbèèlì 2:46

Wùnyà tɛ wɔ̀ hwa mà hwɛ lì tàneyà ò Ndawò yà Lohwà ò lì kanɛ̀. Wɔ̀ hwa mà làlɛnɛ̀ ò màndawò mà awu nà mɔ̀nyɛ̀ŋgì mò arzɛ nà ŋmèma mɔ̀kɔ.

Hwègbèèlì 4:31

Nà òma hwà mà kulɛ ò lì kanɛ̀, èki ema hwà mà taneya e ma nyiŋgà. Wɔ̀ hwa arzɛ hwà mà òndìrzɛ̀hwɛ na Èlìŋgɛ̀ yà Wòtani rzìi hwa wòteyà lì òhwa eyà ya Lohwà e rzi hwɛ lì òka wɔ̀ŋgɔ̀.

Hwègbèèlì 5:41

Nà òma iŋgi àpɔ̀rzìtòlò ima wurze ò wòŋgò wòlìya, hwà mà hwɛ ò mɔ̀nyɛ̀ŋgì èhwanja, Lohwɛ̀ à mà hwa wòwa nàa hwatò ema hwa kanɛ̀yi ò lì lùwa erzambò ò nyòla lìinà la ama Yerzù.

Ròmànì 14:17

Rzeketɛ lì laa la mòlelì na lì nyɔ la mimba ndi lì hwèlì wòlìtò ò lìkànèyà la ama Lohwɛ̀. Ndi hweyà ema hwe hwèlì wòlìtò hwe hwèlì ndi ò lì hwɛnɛ hwɛ̀ɛ̀mɛ̀ ema hwe enyòhwɛ̀nɛ̀ ò wòrzò wò ama Lohwɛ̀, ò lì hwɛ ò ɛ̀yɔ̀lɛ̀, nà ò mɔ̀nyɛ̀ŋgì ema Èlìŋgɛ̀ yà Wòtani e ŋgba.

Ròmànì 15:13

Nà kànɛ nanù ema, Lohwɛ̀ ema mɔ̀ ndi à ŋgbàà lìhvìtà, a e gbeye e ònde na mɔ̀nyɛ̀ŋgì mò arzɛ na ò lì hwɛ na ɛ̀yɔ̀lɛ̀ ò nyòla lì lòkɛ̀ ema e lòkɛ̀. Ène eyà e gbeyà e ŋginyà ya Èlìŋgɛ̀ yà Wòtani e gbeyà lì lòkɛ̀ la anyu lì nyàla rzayi-rzayi.

Ròmànì 5:3

Jò òki mɔ̀nyɛ̀ŋgì hvɛ ò nyòla mètàkà ema i luwa, ndèŋgànɛlɛ i hwi nanù ema mòtàkà ndi me jànà lì àjùlɛ̀.

2 Kɔ̀rintìyà 8:2

Tɔ̀ nɛ hwà mà hwɛnɛ mètàkà na ndùtù rzayì-rzayì, màlìŋgò ma awu ma mà akɛ̀lɛ̀nɛ̀, na lìtake lì awu lìndɛnɛ, lì ma awuŋmɛ̀lɛ̀ o enji ya awu.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

1 Tɛ̀rzàlonìyà 1:6

Ò inyɔ è mà oŋgama ɛ̀ɛ̀mɛ̀ yà gbamù ema ì mà hwɛ̀nɛ̀ ndèŋgànɛ̀lɛ̀ inyɔ è mà oŋgama ɛ̀ɛ̀mɛ̀ yà ama è Rzàŋgo. Èlìŋgɛ̀ yà wòtani è mà è gbeyà ò lì oka mɔ̀nyɛ̀ŋgì nà oma è mà lùwè ŋmɛ̀ndì mò gbamù ema ì mà è jàneyà.

Jèmìrzì 1:2

Ìi wònyàmòwe kòkò, tɔ̀ ima hvonda ema tɔ̀ ima lìtumba la màkekirzɛnɛ ma e uŋmànɛlɛ ye e wowe inyɔ hwiti nàa e lɔ̀wu ya nyo.

1 Pètrò 4:13

Ndi e hwɛni lì oka mɔ̀nyɛ̀ŋgì, nanù ema e tàka ndi nyayi hvɔ̀kɔ na oma Krirztò mɔ̀ hvɛ à mà tàke, aŋga nanù inyɔ e onda na màlìŋgo e hvonda ema Lohwɛ̀ a o wuluhwɛ èluhwe ya ama Krirztò.