Hwègbèèlì 13:48 - Mokpwe: Bakwery (New Testament)

⁴⁸ È hvònda ema hwaŋga hwatò ema hwa rza enje wònyà Yudà hwà mà hwèya ene hwà mà lìŋgà rzìi hwa kàrzɛ ŋmɛ̀ndì mò ama Rzàŋgò. Ndeŋgana hwatò hwa arzɛ ema hwà mà hvɔ̀rzɔ̀wɔ̀ ò lì luwa lòŋgɛ la gbìndèyà hwà mà lòkɛ̀ Rzàŋgò Yerzù.

Hwègbèèlì 13:48 ပူးပေါင်းရင်းမြစ်များ

Matiyò 25:46

Hwanù hwa arzɛ hwa ò òmahwa ndi ò e kɔ̀kìrzɛ̀ ya gbìndèyà, ndi e wɔ̀ hwa ehve-ehve hvɛ hwa ò ɛndɛ ndi ò lòŋgɛ la gbìndèyà.”

Matiyò 28:16

Rzìi lìŋgi Lìyòmɛ̀ la eni la Hwà-òkòwèlì na mɔ̀kɔ hwa ama Yerzù hwa ɛ̀ndɛ ò mòòlì ò Galìlì ema à mà hwa òmeya ŋmɛ̀ndì ema hwa ɛndɛ.

Lukàrzɛ̀ 7:8

Imba mbiti na hwèlì ndi mòtò ò rze ya lìkànèyà. Nà kànèyà hvɛ hwàànà njùma. Nà òhweyà ŋmànèlì mɔ̀kɔ wa njuma nanù ema, ‘Ɛ̀ndɛ,’ ndèŋgànɛ̀lɛ̀ a ɛ̀ndɛ. Nà òhweyà hvɛ ɔ̀nɛyi nanù ema, ‘Jà,’ mɔ̀ hvɛ a jà. Nà òhweyà hvɛ e mògbèèlì wa ami nanù ema, ‘Gbeyà ene eyà,’ mɔ̀ hvɛ à è gbeyà.”

Yòwanìrzɛ̀ 10:16

Nà òhvi mehvɛhvɛ mɛ̀lɛ̀ŋgù, ema me rza ènje ò tenì ya ene ndawò ya mɛ̀lɛ̀ŋgù. Nà àŋgàmɛ̀nɛ̀yi lì me jànà mèyɔ̀hvɛ. Me òkànèyà lìlò la ami, rzi me hwɛ gbaka wɔ̀kɔ na mɔ̀ɔŋgèlì mɔ̀kɔ.

Yòwanìrzɛ̀ 11:52

Rzekɛtɛ ò wònyà Yudà mɛnɛ ndi ò lì rzàŋga hwatò hwa arzɛ hwa ama Lohwɛ̀ ema hwa wuhwèlì ò èki yɔ̀kɔ, aŋga nanù hwa hwɛ mòtò mɔ̀kɔ.

Hwègbèèlì 13:12

Nà òma e mòkànèlì à mà ɛnɛ mamɛ ya arzɛ ema e ma gbèyɛ̀nɛ, rzìi a lòkɛ̀ Yerzù. Mɔ̀ à mà tameya hwèyòkòlèlì hwe ama Pàwolò na Bànàbàrzì ema hwà mà hwɛ lì òkòlɛ lì hvòmɛ̀nɛ̀ e Rzàŋgò Yerzù.

Hwègbèèlì 13:42

Nà òma Pàwolò na Bànàbàrzì hwà mà hwɛ lì anjiya ò e ndawò ya màkànɛ̀ ya wònyà Yudà, hwatò hwà mà hwa òhweyà nanù ema wɔ̀ hwa jèe hvɛ ò wònɛyi Wùnya wò lì Arzìyòlɛ, ò lì hwa òhweyà hwene hweyà hvɛ.

Hwègbèèlì 15:2

Ène eyà e ma jàneyà Pàwolò na Bànàbàrzì hvenda ndɛnɛ natɛ̀ɛ wɔ hwà mà imanɛlɛ nanù ema Pàwolò, Bànàbàrzì na hwahvɛhvɛ hwatò hwa ɛndɛ ò Jèrurzalɛ̀mù, ò lì ɛndɛ lì ɛnɛ i àpɔ̀rzìtòlò na hwàtimbèlì hwa ŋmèmba lì hvòmɛ̀nɛ̀ ene eyà.

Hwègbèèlì 15:31

Nà òma hwaŋga hwatò hwà mà laŋge eŋge kààtì, wɔ hwà mà lìŋga ehwànja ò ma hwɛ ŋmɛ̀ndì ema mò ma lìŋgirzɛ mèèmà me awu.

Hwègbèèlì 2:41

Rzayi-rzayi ja hwàtò ema hwà mà lòkɛ̀ eyà ema Petrò à mà òhwe hwà mà lùhwìrzɛ̀hwɛ̀. O wòŋgò wùnyà mɛnɛ, eyà ya hwekòlì hweyàwò hwe hwatò hwe mà ahwatɛ ò Mɔ̀rzɔ̀ŋgi mò hwàlòkèlì hwa ama Krirztò.

Hwègbèèlì 2:47

Hwa mà hwɛ lì eka Lohwɛ̀ nà ò lì òka là mɔ̀nyɛ̀ŋgì mò hwèhwɛ̀ɛlì hwe gbamù hwe hwatò hwa arzɛ. Ndèŋgana wùnyà tɛ Rzàŋgò à mà hwatɛ ò mòndèŋge mò awu hwaŋga ema hwa mà hwɛ lì rzùŋgàhwà.

Hwègbèèlì 20:13

Irzɔ i ma ɛndɛ ò wòrzò ò lì kpèeyà ò tenì ya melì me ŋmànja, rzi ja akeyà ò ŋmànja lì ɛndɛ lì uka ò mbòwa ndɛnɛ ya Arzɔ̀rzi. Aŋga ndi i ma àŋgàmɛ̀nɛyi lì wòwa Pàwolò. Mɔ̀ à mà òhwa nanù ema je ɛndɛ ò wòrzò, èhwanja mɔ̀ à mà ɛndɛ ndi yɔ̀ndɔ̀ ya ŋmindi.

Hwègbèèlì 22:10

Nà mà mò ijòwa nanù ema, ‘Ìi Rzàŋgò mamɛ nà aŋgàmɛ̀nɛ̀yi lì gbeyà e?’ Rzàŋgò rzìi è nò alàhwɛ̀ nanù ema, ‘Tɛ̀mɛ̀nɛ̀ ò ŋmanyu, ò ɛndɛ ò kpèeyà ò mbòwà ndɛ̀ɛ̀ndɛ̀ yà Dàmàrzkɔ̀rzì. Aŋga ndi ò òhwàhwɛ̀lɛ̀ hweyà hwe arzɛ ema Lohwɛ̀ à mà ò rzekeya nanù ema ò gbeye.’

Hwègbèèlì 28:23

O èŋgànɛ̀lɛ̀ hwà mà ika wùnyà na Pàwolò ema hwa jà lì mò òkànèyà, na òma wòŋgò wùnyà wò ma uke, ŋgìndì ya hwatò e ma jà ò èki ema Pàwolò à mà lìya. Lìwòteya eelele natɛ̀ɛ na e ŋgòmbe, Pàwolò à mà hwɛ lì hwa òhweyà ŋmɛ̀ndì lì hvòmɛ̀nɛ̀ lìkànèyà là mà Lohwà. A ma keka nanù ema hwa lòkɛ̀ Yerzù. Mɔ̀ à mà hwɛ lì gbeyàna hwèhvàrzù ema hwe ma uwɛ̀lɛ̀lɛ̀yi ò e kààtì ya e mbenda ya ama Mòrzè na hwetilelì hwe hwà-òhwèlì hwa hwèlìŋgɛ̀ aŋga nanù wɔ hwa lòkɛ̀ nanù ema Yerzù ndi à hwèlì Krirztò.

Hwègbèèlì 8:8

Ò èŋgànɛ̀lɛ̀ rzɔ ò mà hwɛ mɔ̀nyɛ̀ŋgì mòndɛ̀nɛ ò eŋge mbòwà ndɛ̀ɛ̀ndɛ̀.

Ròmànì 11:7

Mamɛ rzɔ ene e uŋmɛ̀lɛ̀ e? Hwàtò hwa Irzàyɛ̀lì hwa rzi luwe mamɛ ema wɔ̀ hwà mà hwɛ lì arza. Hwàtò ema hwà mà hvɔ̀rzè hwà mà luwa mamɛ ema hwà mà hwɛ lì arza. Ndi hwanɛyi mèèmà me awu me ma eta ò kòkò.

Ròmànì 13:1

Inyɛ̀ tɔ̀ ima mɔ̀ wa anyu a hweyàne hwaŋga ema hwa hwèlì ò lìkànèyà. Èhwànja ò rza tanɛ lì hwɛ lìkànèyà e rzi hwɛ ema Lohwɛ̀ a emelì, ndèŋgànɛ̀lɛ̀ e wɔ̀ ema hwa hwèlì hwàkànèyà, Lohwɛ̀ mɔ̀ ndi à ika hwàkànèlì hwa arzɛ ò mbòkò.

Ròmànì 8:28

I hwi nanù ema tɔ̀ mamɛ ema e gbèyɛ̀nɛ, Lohwɛ̀ à mà e gbèeyà ò gbaamù ò hwatò ema hwa mò lìŋgàni, wɔ̀ ema mɔ̀ à hwɛlɛyi ò lì gbeyà na òma mɔ̀ à arza.

1 Kɔ̀rintìyà 16:15

Ìi wònyamòwè naŋgɛ rzɔ, è hwi ema lìtumba lì arzɛ lì ama Rztehvànàrzì lɔ̀ndi lì ma hwɛ e lɔ la worzò o erzòòkà ya Àkayiyà o lì lòkɛ̀ Krirztò, ndèŋgàna hwà mà aŋgbɛ wɔ̀ hwiti o lì gbeyà hwatò hwa ama Lohwɛ̀. Nà e atɛkɛ nanù ema,

Ɛ̀hvìrzìyà 1:11

Nà oma ì hwèlì mɔ̀kɔ nà Krirztò ɔ̀ndeŋgàtɛ̀ Lohwɛ̀ à mà jò hvɔ̀rzɔ̀ ò lì hwɛ̀ɛ̀ è hwa eni hwatò. À mà gbeyà ndi nanù èhwanja nanù ndi mɔ̀ à mà tɛ̀yirzɛ̀ nà è kòòhwà. À gbèyi hweyà hwe arzɛ ò lì gbèyɛ̀nɛ nà oma à mà hwe tɛ̀yirzɛ̀.

Ɛ̀hvìrzìyà 1:19

Nà kanɛ̀ hvɛ nanù ema, è hwiya è ŋginyà yà eni ndɛnɛ ema è olò lì aka hweyà hwe arzɛ, ndèŋgànà eŋge ŋginyà ndi è jò oŋgòhwànà irzɔ ema ì mò lòkɛ̀yì. Ène ŋginyà ndɛnɛ,

Ɛ̀hvìrzìyà 1:4

Ndèŋgànà Lohwɛ̀ à è wèka è rze, à mà màà lì jò hvɔ̀rzɔ̀ ò lì hwɛ hwatò wà eni mòndèŋge nà Yerzù Krirztò. À gbèyi ndi nanù, aŋga nanù irzɔ ì hwɛ wòtani ema ì rza ohva màtònà ò worzò wò ama Lohwɛ̀. Nà oma Lohwɛ̀ à jò lìŋgàni,

Ɛ̀hvìrzìyà 1:5

mɔ̀ à mà lòma lì ika nà è kòòhwà, à mà irzɔ jò ò hwɛ ndi hwàànà hwa eni, lì akeyà nà èwòlò ema Yerzù Krirztò à mà jò gbèeyà. Lohwɛ̀ à mà gbeyà ndi ene eyà nanù, èhwanja nanù ndi à mà tɛ̀yirzɛ̀ nà oma è mò lɔ̀ɔ̀nì.

2 Tɛ̀rzàlonìyà 3:1

Ìi wònyàmòwe o lì hvomɛ̀nɛ̀ hwehvɛhvɛ hweyà, imba na e ohweyà nanù ema e hwɛ ndi o lì jo kànɛlɛlɛ nanù mɛnɛ ema, ŋmɛ̀ndì mò gbamù mò ama Rzàŋgo mò hwɛ ndi o lì nyàleya hwahvɛhvɛ hwatò, ndèŋgànɛ̀lɛ̀ inyɛ hwatò hwa mo emeyà na èluhwe nyayi hvɔ̀kɔ na oma mo ma hwɛ na inyɔ.