Hwègbèèlì 13:46 - Mokpwe: Bakwery (New Testament)

⁴⁶ Ndi Pàwolò na Bànàbàrzì hwà mà hwɛ ndi lì òhwa nanù mɛnɛ e rzi hwɛ lì òka wɔ̀ŋgɔ̀. Hwà mà hwɛ lì òhwa nanù ema, “Inyɔ wònyà Yudà, inyɔ ndi e ma àŋgàmɛ̀nɛ̀ lì lòma lì òhwa eyà ya ama Lohwɛ̀. Kanatɛ inyɔ ye e rzɔ̀rzi, ndèŋgànɛlɛ na òma inyɔ hvɛ e rza awòwɛ̀ nàa hwatò ema hwa àŋgàmɛ̀nɛ̀yi lì òhva lòŋgɛ la gbìndèyà, ò naŋgɛ nanù, irzɔ je e hwɛmɛ ò lì àyiŋgòwɛ̀lɛ̀lɛ̀ hwaŋga hwatò ema hwa rza enje wònyà Yudà.

Hwègbèèlì 13:46 ပူးပေါင်းရင်းမြစ်များ

Matiyò 10:6

Ndi e ɛ̀ndɛ ndi ò hwatò hwa Irzàyɛ̀lì. Hwa hwèlì ndì nàa mɛ̀lɛ̀ŋgù ema me ma wɔ̀ɔ.

Matiyò 21:41

Hwà mà alàhwɛ̀ Yerzù nanù ema, “À ò òŋwa hwaŋga hwatò hwa wòhwe. Rzi a ika hwahvɛhvɛ hwatò ò lì ɔŋgeya eŋge hvaya, ema hwa ò mò ŋgbɛ e la eni lòŋgò la mbòtà ò lìrzakò la lì hvata la hwehvùma.”

Matiyò 21:43

Yerzù a hwatɛ hvɛ ò lì òhwa nanù ema, ‘Ene ŋgàna e gbèyi imba na e òhweyà ema, hwa ò e wòwàna hwehvòlò hwe anyu ema inyɔ e òhvi nàa hwatò hwa lìkànèyà là ama Lohwɛ̀, rzìi hweŋge hwehvòlò hwe ò ŋgbààhwà hwatò ema hwa ò gbeyɛ mamɛ ema Lohwɛ̀ a arza.’”

Matiyò 25:46

Hwanù hwa arzɛ hwa ò òmahwa ndi ò e kɔ̀kìrzɛ̀ ya gbìndèyà, ndi e wɔ̀ hwa ehve-ehve hvɛ hwa ò ɛndɛ ndi ò lòŋgɛ la gbìndèyà.”

Lukàrzɛ̀ 24:47

È tìlahwì nanù ema, hwatò hwa òhwe Ŋmɛ̀ndì mò Gbamù ò hwekòmɛ̀ hwe àrzɛ ema, hwatò hwa ayèŋgòwɛ̀ ò wòhwe wò awu ò lìinà la ama Yerzù, aŋga nanù Lohwɛ̀ a hwà làkìrzɛ̀ wòhwe wò awu. Hwa wòteya lì òhwa Ŋmɛ̀ndì mò Gbamù ò Jèrurzalɛ̀mù.

Yòwanìrzɛ̀ 1:11

A mà jèeya ndi e mbòwà ya eni ndi hwatò hwa eni hwa rzi mò kàrzɛ.

Yòwanìrzɛ̀ 4:22

Inyɔ hwatò hwa Rzàmàrìyà e kànɛlɛlɛ mamɛ ema e rza hwiyɛ. Ndi irzɔ wònyà Yudà i kànɛlɛlɛ mamɛ ema irzɔ i hwi. Èhwanja lì òŋgirzɛhwɛ lì uhwɛlɛlɛyi ndi na hwatò hwa Yudà.

Hwègbèèlì 13:14

Wɔ̀ hwà mà hwɛmɛ Pɛ̀ga rzìi hwa uka ò mbòwa ya Antìyɔ̀kì ò èkòmè ya Pìrzìdìyà. O Wùnyà wò lì arziyòlɛ, hwà mà kpèeyà ò ndawò ya màkànɛ̀, rzìi hwa lìya ò rze.

Hwègbèèlì 13:26

Pàwolò à mà hwatɛ hvɛ ò lì òhwa nanù ema, “Ìi wònyàmòwe kòkò, ò mòtèndè mò ama Abràhamù, na hwatò ema hwa gbèeyà Lohwɛ̀ naŋgɛ nanù, irzɔ ndi hwa òmelì mònò ŋmɛ̀ndì mò gbamù mò lì rzùŋgàhwa.

Hwègbèèlì 13:5

Nà òma hwà mà ùke ò mbòwa ya Rzàlàmìrzì, hwà mà òhwa eyà ya Lohwà ò mandawò ma màkanɛ̀ ma wònyà Yudà. Hwà mà lɛmbɛ Yòwanìrzɛ̀ Màkòrzì ò lì hwa òŋgòwànà.

Hwègbèèlì 19:9

Ndi lòŋgò la awu hwà mà hwɛnɛ maniya ndèŋgànà hwa rzi emeyà ò lì lòkɛ̀. Hwà mà hwɛ lì òhwa hweyà hwe wòhwe ò marzò ma hwatò hwa arzɛ lì hvòmɛ̀nɛ̀ e Njiya ya ama e Rzàŋgò. O eŋgànɛ̀lɛ̀ rzɔ Pàwolò à mà hwa hwɛmɛ rzìi a ɛndɛ na hwatò ema hwà mà lòkɛ̀. Wùnyà tɛ mɔ̀ na wɔ hwà mà hwɛ ndi ò hvenda ò tenì ya e ndawò ya hwèyòkòlèlì ya ama e mòòkòlèlì Tìlanùrzì.

Hwègbèèlì 22:21

Rzàŋgò Yerzù rzìi à nò òhweyà nanù ema, ‘Ɛ̀ndɛ, ehwànja nà hwɛni lì ò òma hvòò ò hwaŋga hwatò ema hwa rza enje wònyà Yudà.’”

Hwègbèèlì 26:20

Lì wòteyà aŋga nà mà wòteyà lì òhwa ŋmɛ̀ndì mò gbamù. Nà ma wòteyà ò mbòwa ndɛnɛ ya Dàmàrzkɔ̀rzì, rzìi na ɛndɛ o Jèrurzalɛ̀mù, ndèŋgànà na ɛndɛ ò hwèrzòòkà hwe arzɛ hwe Irzàyɛ̀lì na ò erzòòkà ya hwatò ema hwa rza enje wònyà Yudà. Nà ma hwɛ lì hwa òhweyà nanù ema hwa hwɛmɛ lì gbeyà wòhwe hwa timbeya Lohwɛ̀, ndeŋga nanù ema hwa gbèye hweyà ema hwe uŋmɛ̀lɛ̀ nanù ema wɔ̀ hwà mà hwɛmɛ wòhwe wò awu.

Hwègbèèlì 28:28

Pàwolò rzìi a kulɛ na eŋge mbɔrzi nanù ema, “Inyɔ e hwɛni lì hwiya nanù ema ŋmɛ̀ndì mò lì rzùŋgàhwa ema Lohwɛ̀ à mà òmɛ, ò nàŋgɛ à mà mò òmeya hwatò ema hwa rza enje wònyà Yudà ndèŋganɛlɛ hwa ò mò òkànèyà.”

Hwègbèèlì 3:26

Nànù rzɔ ndi Lohwɛ̀ à mà hvɔ̀rzè e Mògbèèlì wa eni rzìi a lòma lì e òmeya e mɔ̀ ò lì e nàmìrzɛ̀, ò lì eŋgòwa inyɔ hwa arzɛ ò lì anjiya ò hwègbèèlì hwe anyu hwe wòhwe.”

Hwègbèèlì 4:13

Hwèlìyèlì hwe hwàkàyirzèlì hwe ma tàmà ò lì ɛnɛ nanù ema Pètrò nà Yòwanìrzɛ̀ hwà mà hwɛ lì òhwa e rzi hwɛ lì òka wɔ̀ŋgɔ̀. Èhwanja hwà mà ayembɛ nanù ema, hwa rzi rzɔŋgɔ̀ hwèyòkòwèlì ndèŋgànà hwà mà hwɛ hvɛ ndi hwatò hwa ŋgundu. Aŋga ndi hwa a ayèmbɛ nanù ema hwanu hwatò hwà mà hwɛ ndi na Yerzù ò ihvònda ja arzɛ.

Hwègbèèlì 7:51

Rzìtehvànɛ rzìi a hwatɛ hvɛ ò lì òhwa nanù ema, “Inyɔ hwatò hwa maniya, mèèmà me anyu ma eti. È ma umba matò ma anyu ò lì hweyà ŋmɛ̀ndì mò ama Lohwɛ̀. È gbèyi ndi nàa imbamba ja anyu, e teŋgɛ̀nɛ̀yi Èlìŋgɛ̀ yà Wòtani.

Hwègbèèlì 9:20

O lìwòkimɛnɛ a wòteyà lì òhwa eyà ya Lohwà ò tenì ya i ndawò ja màkanɛ̀ nanù ema, Yerzù ndi à hwèlì è Ŋmanà wà ama Lohwɛ̀.

Ròmànì 1:16

Imba nà rza òka ìrzɔnì ò lì òhwa Ŋmɛ̀ndì mò Gbamù, èhwanja mɔ̀ ndi mò hwèlì màyìmbì mà ama Lohwɛ̀ ema mò mà jànà lì rzùŋgàhwa ò hwatò hwa arzɛ ema hwa mò lòkɛ̀ lìwòteyà ò hwaŋga hwatò ema hwa hwèlì wònyà Yudà nà hwaŋga ema hwa rza enje wònyà Yudà.

Ròmànì 2:10

Ndi hwatò ema hwa gbeyà gbamù, Lohwɛ̀ a ò hwa ŋgba e ŋginyà, èluhwe, na ɛ̀yɔ̀lɛ̀ ya eni, ò lìwòteya na wònyà Yudà, ndèŋgànɛ̀lɛ̀ hwaŋga hwatò ema hwa rza enje wònyà Yudà.

Hvìlipìyà 1:14

Èhwànja na aŋgɛhwɛyi o hwèwòwà e ŋgànà ema e ma kɔ̀mɛlɛ rzàyi-rzàyi ja hwàlòkèlì o lì ètìrzɛ̀ mèèmà me awu, o eŋgànɛ̀lɛ̀ wɔ̀ hwà mà ètìrzɛ̀ mèèmà o lì ohwa Eyà ya Lohwà e rzi hwɛ lì oka tɔ̀ wɔ̀ŋgɔ̀.

Hibrù 11:34

Hwà mà lìmìrzɛ̀ meyonda. Hwà mà anjiya hvɛ o màà mà hwaŋga ema hwà mà arza lì hwa oŋwa na irzɔ̀lɔ̀. Tɔ̀ nɛ o hwewotelì hwa rzi hwɛnɛ ŋginyà, Lohwɛ̀ à mà hwa ŋgba e ŋginyà. Hwà mà hwɛ ndi hwàanèlì hwa njuma hwa ŋginyà ema hwà mà anana hwahvɛhvɛ hwàanèlì hwa njuma hwa hwehvɛhvɛ hwèkòmè ema hwe ma hwàŋga.