Hwègbèèlì 13:33 - Mokpwe: Bakwery (New Testament)

³³ Mɔ̀ à mà òndìrzɛ̀ eyà ema à mà òhwe ò lì akeyà nà irzɔ ema ì hwèlì ò mòtende mò awu, nà òma à mà hvùmùlɛ̀ Yerzù ò kpelì. Nà òma è tìlahwì ò kààtì yà mɛ̀rzɔ̀kɔ̀ yà ama Lohwɛ̀ ò èhvàrzù ema è ùkirzɛ̀ hwehwakɛ nanù ema, ‘Ò wà ò hwèlì ndi è Ŋmanà wà ami, yawònò nà mà jà ndi è Tatɛ̀ yà aŋgɔ̀.’

Hwègbèèlì 13:33 ပူးပေါင်းရင်းမြစ်များ

Hibrù 5:5

Ɔ̀ndeŋgàtɛ̀ Krirztò mɔ̀ ŋmìti à rzi awòwɛ̀ ò ene èluhwe ò lì hwɛ è Pìlìrzì è Kàrzàmi. Mɔ̀ à mà hvɔ̀rzɔ̀wɔ̀ ndi nà Lohwɛ̀. Lohwɛ̀ à mà mò òhweyà nanù ema, “Ò hwèlì ndi è Ŋmanà wà ami wà munyanà. O lì wòteya yàwono na hwèlì ndi e Tatɛ̀ ya aŋgɔ.”

Yòwanìrzɛ̀ 2:22

O mburzà ya hvònda ema Yerzù à mà ŋwe rzi Lohwɛ̀ a mò hvùmùlɛ̀, ɔ̀ndi Hwà-òkòwèlì hwa eni hwa a ɔ̀ŋgɛ̀lɛ̀ mamɛ ema mɔ̀ à mà òhwe. Aŋga ndi wɔ̀ hwa lòkɛ̀ hwètìlèlì hwe eyà ya Lohwà na e mbɔrzi ema Yerzù à mà òhwe.

Hwègbèèlì 2:24

Ndi tɔ̀ nanù Lohwɛ̀ à mà mò hvùmùlɛ̀ ò kpelì, a mò rzòlohwà hvɛ ò mòrziyò mò kpelì èhwanja e ma ambana e kpelì ò lì mò lɛmbɛ nàa mòtò wa hwèwòwà.

Hwègbèèlì 2:32

Lohwɛ̀ a mà hvùmùlɛ̀ òŋgò Yerzù ò kpelì ndèŋgàna irzɔ hwa arzɛ i hwèlì mbòŋgi nanù ema à mà hvùmuwa.

Hwègbèèlì 9:20

O lìwòkimɛnɛ a wòteyà lì òhwa eyà ya Lohwà ò tenì ya i ndawò ja màkanɛ̀ nanù ema, Yerzù ndi à hwèlì è Ŋmanà wà ama Lohwɛ̀.

Hwègbèèlì 13:30

Ndi Lohwɛ̀ à mà mò hvùmùlɛ̀ ò kpèelì. Ò mburza nanù,

Hwègbèèlì 13:34

Lohwɛ̀ à mà mò hvùmùlɛ̀ ò kpèelì e rzi hwɛ mɔ̀ lì timba ò mɔ̀nyɛ̀ lì rzɔ̀mbɔ̀. Lohwɛ̀ à mà òhwa lì hvòmɛ̀nɛ̀ eŋge nanù ema, ‘Imba na ò ŋgba lì nàmìrzɛ̀hwɛ la wòtani ema lì rza ayèŋgòwɛ̀, ema nà mà òhwe nanù ema na ŋgba kiŋgɛ Dàhwitì.’

Hwègbèèlì 13:37

Ndi e mɔ̀ ema Lohwɛ̀ à mà hvùmùlɛ̀ ò kpelì a rzìi rzɔmbe.