Hwègbèèlì 13:32 - Mokpwe: Bakwery (New Testament)

³² Nàŋgɛ rzɔ̀ mòŋgò Ŋmɛ̀ndì mò Gbamù mɔ̀ ndi ì mà è jàneyà. Mòŋgò ŋmɛ̀ndì mò hwèlì ndi nanù ema eyà ema Lohwɛ̀ à mà òhwe nanù ema à ŋgba irzàŋgo jà arzu mɔ̀ à mà è òndìrzɛ̀ lì akeyà nà irzɔ.

Hwègbèèlì 13:32 ပူးပေါင်းရင်းမြစ်များ

Lukàrzɛ̀ 1:19

È aŋgèlì è mà mò alàhwɛ̀ nanù ema, “Ìmba ndi nà hwèlì Gàbìleyà, e rzùhwɛlɛ ema e gbèeyà Lohwɛ̀. Mɔ̀ ndi à nò òmi ò lì ò hwilɛ̀ ene eyà ya gbamù.

Lukàrzɛ̀ 2:10

È aŋgèlì rzìi e hwa òhweyà nanù ema, “È rza òka wɔ̀ŋgɔ̀, nà è jànelì ndi Ŋmɛ̀ndì mò Gbamù ema mò jàneyà hwatò hwa arzɛ mɔ̀nyɛ̀ŋgì mò ndɛnɛ̀.

Hwègbèèlì 10:36

Inyɔ e hwi ŋmɛ̀ndì ema Lohwɛ̀ à mà òmeya hwatò hwa Irzàyɛ̀lì. Mòŋgò ŋmɛ̀ndì, mò ma hwɛ ndi lì hvòmɛ̀nɛ̀ hweyòhwèlì hwe Ŋmɛ̀ndì mò Gbamù mò ɛ̀yɔ̀lɛ̀, ema mò ma jɛ̀ɛ̀ ò lì akeyà na Yerzù Krirztò. Mɔ̀ ndi à hwèlì Rzàŋgò ya hwatò hwa arzɛ.

Hwègbèèlì 13:23

Yerzù mɔ̀ ema a uwɛ̀lɛ̀lɛ̀yi ò mòtende mò ama Dàhwitì, mɔ̀ ndi Lohwɛ̀ à mà gbeye e Mòrzùŋgèlì hwà hwatò hwa Irzàyɛ̀lì, na òma mɔ̀ à mà òhwe nanù ema a gbeyà.

Hwègbèèlì 13:38

O èŋgànɛ̀lɛ̀, wònyàmòwe imba na arza ema inyɔ e hwiye nanù ema, Yerzù ndi à gbèyi ndèŋgànà hwa e òhweyà nanù ema, Lohwɛ̀ a làkìrzɛ hwatò wòhwe wò awu.

Hwègbèèlì 14:15

“Mamɛ ndèŋgàtɛ è gbeyà nanù e? Irzɔ hvɛ ì hwèlì ndi hwatò hwa hwènàmà nà òma è hwèlì. Irzɔ ì mà jà anu ò lì è òhweyà ŋmɛ̀ndì mò gbamù mò ama Yerzù, aŋga nanù è hwɛ̀mɛ̀ hwenè hweyà ema hwe hwèlì ŋgundu, aŋga nanù è òŋgama Lohwɛ̀ là lòŋgɛ ema mɔ̀ ndi à hwèki è ŋmanyu nà è rze nà ŋmàànjà nà hwèèmà hwe arzɛ ema hwe hwèlì ò tènì yà awu.

Hwègbèèlì 26:6

O yàwònò imba na tɛmi ndi anù ò lì kàyìrzɛ̀hwɛ na ò wa ehwànja na lòkɛ̀ nanù ema Lohwɛ̀ a òndìrzɛ lì kàkɛ̀nɛ la eni ema à mà kàkɛ̀nɛ imbamba ja arzu.

Hwègbèèlì 3:19

È àyèŋgòwɛ̀ rzɔ nàŋgɛ̀, ò wòhwe wò anyu e tìmbèyà Lohwɛ̀, aŋga nanù à è làkirzɛ̀ wòhwe wò anyu.

Hwègbèèlì 5:42

Wùnyà na wùnyà tɛ hwà mà hwɛ lì ɛndɛ ò Ndawò yà Lohwà na ò indawò ja hwatò, hwà mà hwɛ lì òkòlɛ̀ hwatò na lì hwa òhwèyà ŋmɛ̀ndì mò gbamù mò ama Yerzù, è Mɔ̀ ema à Ɔ̀kirzɛ̀hwɛ̀yi.

Ròmànì 1:2

Mòŋgò Ŋmɛ̀ndì mò Gbamù mɔ̀ ndi Lohwɛ̀ à mà òhwe ndèŋgànà e hvònda nanù ema a ò ŋgba hwatò hwa eni. À mà òhweyà hwà-òhwèlì hwa hwèlìŋgɛ̀ hweyà lì hvòmɛ̀nɛ̀ mòŋgò Ŋmɛ̀ndì mò Gbamù na òma mò tìlahwì ò tenì ya e kààtì ya wòtani.

Ròmànì 10:15

Nɛ rzɔ mònò ŋmɛ̀ndì mò tànɛyi lì òhwahwa e hwèlì tɛ ema irzuhwɛlɛ i rza òmahwi e? È tìlahwì ò e kààtì ya Lohwà nanù ema, “Mòtò a jàni tɛ ŋmɛ̀ndì mò gbamù, mò jànà màlìŋgò.”

Ròmànì 4:13

Mamɛ ema i hwi e hwèlì ndi nanù ema, natɛ̀ɛ na e kòhwa Lohwɛ̀ a mà òhweyà Abràhamù nà e nyɔ̀ŋgɔ̀nì ya eni nanù ema a hwa ŋgba è rze ò màà mà awu. Lohwɛ̀ a rza òhwe ndi nanù èhwanja Abràhamù à mà ika e mbenda, Lohwɛ̀ à mà òhwa ndi nanù èhwanja Abràhamù à mà mò lòkɛ̀ ndèŋgàna Lohwɛ̀ à mà mò wòwa ndi nàa mòtò ema à tɛmi ehve-ehve nà Lohwɛ̀.

Ròmànì 9:4

Hwàtò hwa ami hwa hwèlì ndi hwatò hwa Irzàyɛ̀lì. Lohwɛ̀ à mà òhwa nanù ema mɔ̀ à mà hwa wòwa nàa hwàanà hwa eni, rzi a hwa wuluweya hvɛ ŋmàye mò eni. Lohwɛ̀ à mà gbeyà hwèyòmbò hwe eni na wɔ̀, rzi a hwa ŋgba e mbenda. A ma hwa uŋmɛ̀lɛ̀ nɛ hwa hwɛni lì mò ŋgba èluhwe, ndèŋgànɛ̀lɛ̀ à mà hwa òhweyà nanù ema a gbeyà mamɛ ema à mà òhwe nanù ema a gbeyà.