Hwègbèèlì 13:31 - Mokpwe: Bakwery (New Testament)

³¹ ndèŋgànɛ̀lɛ̀ ò tenì yà rzayi-rzayi jà mèenyà mɔ̀ à mà à uŋmɛ̀lɛ̀ mɔ̀ ŋmìti ò hwatò ema wɔ̀ nà mɔ̀ hwa mà ɛ̀ndɛ̀lɛ̀nɛ̀ lì wòteyà ò Galìlì natɛ̀ɛ nà ò Jèrurzalɛ̀mù. Ò naŋgɛ nanù hwaŋga hwatò ndi hwa òhweyà hwatò hwa Irzàyɛ̀lì mamɛ ema hwa mà ɛnɛ.

Hwègbèèlì 13:31 ပူးပေါင်းရင်းမြစ်များ

Matiyò 28:16

Rzìi lìŋgi Lìyòmɛ̀ la eni la Hwà-òkòwèlì na mɔ̀kɔ hwa ama Yerzù hwa ɛ̀ndɛ ò mòòlì ò Galìlì ema à mà hwa òmeya ŋmɛ̀ndì ema hwa ɛndɛ.

Lukàrzɛ̀ 24:48

È hwèlì ndi mbòŋgi ò hwenè hweyà hwe àrzɛ.

Yòwanìrzɛ̀ 15:27

Rzìi inyɔ hvɛ e ò òhwa hweyà lì nò hvòmɛ̀nɛ̀, èhwanja e ma hwɛ na imba natɛ̀ɛ na ò hwewòtelì.

Hwègbèèlì 1:11

Hwàŋga wunyanà hwa ahwakɛ rzìi hwa ijòwa hwà-òkòwèlì nanù ema, “Ìi hwatò hwa Galìlì, mamɛ è tɛ̀mèlì anù è ɔŋgɔ̀ ò ŋmanyu e? Onò Yerzù ema Lohwɛ̀ à mà gbeyɛ nanù ema à è akakòwɛ, ndèŋgànà à mà ɛndɛ ò ŋmanyu yà Lohwà, à ò tìmba hvɛ nyayi hvɔ̀kɔ nà òma inyɔ è ɛni à agba ò ŋmanyu.”

Hwègbèèlì 1:22

lìwòteyà e hvònda ema Yòwanìrzɛ̀ à mà hwɛ lì lùhwìrzɛ̀ hwatò lì uka e hvònda ema Lohwɛ̀ à mà gbeye Yerzù a ɛndɛ ò ŋmanyu ya Lohwà. Mɔ̀ hvɛ a hwɛni ndi lì hwɛ mòtò ema à mà tɛ̀mɛ̀ mbòŋgi ò hwèhvùmùwèlì hwe ama Yerzù.”

Hwègbèèlì 1:3

Lìwòteyà e hvònda ema Yerzù à mà ŋwe, ò lì uka meni menii me mèenyà à mà àwuŋmɛ̀lɛ̀ i àpɔ̀rzìtòlò ja eni mɔ̀ ŋmìti ŋgèlì rzayì-rzayì, ò lì uŋmɛ̀lɛ̀ nanù ema ò jɔ̀kɛ̀ a hwèlì lòŋgɛ. Hwà mà mò ɛnɛ a òhwa lì hvòmɛ̀nɛ̀ lìkànèyà là ama Lohwɛ̀.

Hwègbèèlì 1:8

Ndi inyɔ e ò luwa màyìmbì e hvònda ema Èlìŋgɛ̀ yà Wòtani ye e rzihweyà, eŋge hvònda ɔ̀ndi hweyà hwe arzɛ ema e ma nò ɛnɛnɛ e ò hwe òhweyà hwatò ò e mbòwa ya Jèrurzalɛ̀mù, ò hwèrzòòkà hwe Jùdeyà na Rzàmàrìyà na ò màrzuku ma e rze ya arzɛ.”

Hwègbèèlì 10:39

Irzɔ hwa arzɛ i hwèlì ndi mbòŋgi ò hweyà hwe arzɛ ema mɔ̀ à mà gbeye ò èkòmè ya hwatò hwa Yudà na ò e mbòwa ya Jèrurzalɛ̀mù. Nà òma hwà mà mò wòmeyà ò mbarza à mà ŋwa.

Hwègbèèlì 10:41

Rzeketɛ hwatò hwa arzɛ ndi hwà mà mò ɛnɛ. Hwàtò ema Lohwɛ̀ à mà lòme lì hvɔ̀rzɔ̀ wɔ̀ ndi hwà mà mò ɛnɛ. Èŋge ŋgàna e hwèlì ndi nanù ema, irzɔ ema i ma làlɛnɛ̀ na lì nyɔlɛnɛ na mɔ̀ ò mburza hwèhvùmùwèlì hwe eni hwe kpelì.

Hwègbèèlì 2:32

Lohwɛ̀ a mà hvùmùlɛ̀ òŋgò Yerzù ò kpelì ndèŋgàna irzɔ hwa arzɛ i hwèlì mbòŋgi nanù ema à mà hvùmuwa.

Hwègbèèlì 3:15

O eŋgànɛ̀lɛ̀ rzɔ inyɔ e ma gbeyà e mòtò ema a jànà hwatò lòŋgɛ la jɔ̀kɛ̀ à mà òŋwahwa ndi Lohwɛ̀ à mà mò hvùmùlɛ̀ ò kpelì. Irzɔ hwiti i ma ɛnɛnɛ hweŋge hweyà na mìirzɔ̀ ma arzu.

Hwègbèèlì 5:32

Irzɔ ì hwèlì ndi mbòŋgi ò hwenè hweyà hwe arzɛ ema hwe mà gbèyɛ̀nɛ̀. Èlìŋgɛ̀ yà Wòtani yɔ̀ hvɛ è hwèlì ndi mbòŋgi. Ndeŋgànɛ̀lɛ̀ yɔ̀ ndi è hwèlì làhweyà ema Lohwɛ̀ à ŋgba hwatò ema hwa mò hweyàna.”