Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hwègbèèlì 13:26 - Mokpwe: Bakwery (New Testament)

26 Pàwolò à mà hwatɛ hvɛ ò lì òhwa nanù ema, “Ìi wònyàmòwe kòkò, ò mòtèndè mò ama Abràhamù, na hwatò ema hwa gbèeyà Lohwɛ̀ naŋgɛ nanù, irzɔ ndi hwa òmelì mònò ŋmɛ̀ndì mò gbamù mò lì rzùŋgàhwa.

အခန်းကိုကြည့်ပါ။ ကော်ပီ




Hwègbèèlì 13:26
28 ပူးပေါင်းရင်းမြစ်များ  

Ndi e ɛ̀ndɛ ndi ò hwatò hwa Irzàyɛ̀lì. Hwa hwèlì ndì nàa mɛ̀lɛ̀ŋgù ema me ma wɔ̀ɔ.


È rzi ɔ̀ŋgɛlɛ hvɛ̀ èma è tànɛyi lì hwaŋga hwèkɔ̀kìrzèlì hwe ama Lohwɛ̀ ò lì àwòhwànɛ̀lɛ̀ inyɔ hwiti nanù ema, è hwèlì ndi hwàànà hwa ama Abràhamù. Ndi nà è òhwèyà ema Lohwɛ̀ à tanɛ̀yi lì gbèya na manù màŋyàyi ò lì mà gbèya ema mà hwɛ hwàànà hwa ama Abràhamù.


À è ò kòkìrzɛ̀lɛ̀lɛ̀ mòtò mɔ̀kɔ wà ŋginyà, ò ndawò yà àma è mògbèèlì wà èni Dàhwitì, mɔ̀ ndì à hwèlì è mɔ̀ ema a e ò e rzùŋgà.


O ò gbeyà hwatò hwa aŋgɔ̀ ò lì hwiyà ema, Lohwɛ̀ ama hwa òŋgìrzɛ̀ èhwanja à mà làkìrzɛ̀ wòhwe wò awu.


È tìlahwì nanù ema, hwatò hwa òhwe Ŋmɛ̀ndì mò Gbamù ò hwekòmɛ̀ hwe àrzɛ ema, hwatò hwa ayèŋgòwɛ̀ ò wòhwe wò awu ò lìinà la ama Yerzù, aŋga nanù Lohwɛ̀ a hwà làkìrzɛ̀ wòhwe wò awu. Hwa wòteya lì òhwa Ŋmɛ̀ndì mò Gbamù ò Jèrurzalɛ̀mù.


Rzimɔ̀ni Pètrò rzi a timbirzɛlɛlɛ ama, “Rzàŋgò e, òma njɛnɛ irzɔ jɛ̀ɛ ɛ̀ndɛ e? O wa ndi òhvi e mbɔrzi ema e ŋgbà lòŋgɛ la gbìndèyà.


Kɔ̀nɛlìyurzi à mà hwɛ̀ ndi mòtò ema à mà hwɛ lì òŋgama hweyà hwe ama Lohwɛ̀. Mɔ̀ na lìtumba la eni la arzɛ hwà mà gbèeyà Lohwɛ̀. A ma òŋgòwàna mèlìrza me hwatò me wònyà Yudà. A ma kanɛ̀ hvɛ Lohwɛ̀ ihvònda ja arzɛ.


Ndi mɔ̀ à emeyà ò tɔ̀ ima èkòmè mòtò ema a mò ŋgba èluhwe rzìi a gbeyà hvɛ mamɛ ema e hvòmɛ̀nɛ̀yi.


È hvònda ema hwaŋga hwatò hwà mà wurze ò màkanɛ̀, rzayì-rzayì ja wònyà Yudà na hwaŋga hwatò ema hwa rza enje wònyà Yudà ema hwà mà tikòwahwɛ ò lì lòkɛ̀ la wònyà Yudà, hwà mà òŋgamà Pàwolò na Bànàbàrzì. Pàwolò na Bànàbàrzì hwà mà hwa òhwìrzɛ̀nɛ̀ rzìi hwa hwà kɔ̀mɛlɛ nanù ema hwa hwɛ ndi ò lì lòkɛ̀ e ndèli ya ama Lohwɛ̀.


Ndi Pàwolò na Bànàbàrzì hwà mà hwɛ ndi lì òhwa nanù mɛnɛ e rzi hwɛ lì òka wɔ̀ŋgɔ̀. Hwà mà hwɛ lì òhwa nanù ema, “Inyɔ wònyà Yudà, inyɔ ndi e ma àŋgàmɛ̀nɛ̀ lì lòma lì òhwa eyà ya ama Lohwɛ̀. Kanatɛ inyɔ ye e rzɔ̀rzi, ndèŋgànɛlɛ na òma inyɔ hvɛ e rza awòwɛ̀ nàa hwatò ema hwa àŋgàmɛ̀nɛ̀yi lì òhva lòŋgɛ la gbìndèyà, ò naŋgɛ nanù, irzɔ je e hwɛmɛ ò lì àyiŋgòwɛ̀lɛ̀lɛ̀ hwaŋga hwatò ema hwa rza enje wònyà Yudà.


Oŋgò ŋmanà ŋgɔ̀ndɔ̀ à mà wòteyà lì òŋgama Pàwolò na irzɔ rzi a tɛ ò ŋmanyu nanù ema, “Hwanù wunyanà hwa hwèlì ndi hwàgbèèlì hwa ama Lohwɛ̀ ema lì karzami. Wɔ̀ hwa jèelì ndi ò lì e òhweyà nɛ inyɔ e tànɛyi lì rzùŋgàhwà.”


È pìlìrzì è karzamì nà hwàmbàkì hwa arzɛ hwa lìkànèyà là mbòwà, hwa tanɛyi lì imànɛlɛ nanù ema nà òhwa ndi è jɔ̀kɛ̀. Nà mà hwa wòwànà hwètìtà ema hwa mà tìleya wònyanyàŋgò hwa ami hwa wònyà Yudà ema hwa hwèlì ò mbòwa ndɛnɛ yà Dàmàrzkɔ̀rzì. Ò eŋgànɛlɛ rzɔ imba nà mà ɛndɛ aŋga ò lì ŋgbaŋgɛ hwaŋga hwatò, lì hwa kàka, rzìi nà hwa tìmbànà ò Jèrurzalɛ̀mù aŋga nanù hwa kɔ̀kìrzɛ̀hwɛ.”


Pàwolò rzìi a kulɛ na eŋge mbɔrzi nanù ema, “Inyɔ e hwɛni lì hwiya nanù ema ŋmɛ̀ndì mò lì rzùŋgàhwa ema Lohwɛ̀ à mà òmɛ, ò nàŋgɛ à mà mò òmeya hwatò ema hwa rza enje wònyà Yudà ndèŋganɛlɛ hwa ò mò òkànèyà.”


Nànù rzɔ ndi Lohwɛ̀ à mà hvɔ̀rzè e Mògbèèlì wa eni rzìi a lòma lì e òmeya e mɔ̀ ò lì e nàmìrzɛ̀, ò lì eŋgòwa inyɔ hwa arzɛ ò lì anjiya ò hwègbèèlì hwe anyu hwe wòhwe.”


“Lì òŋgirzɛhwɛ lì rza uwɛ̀lɛ̀lɛ̀yi na ohvɛhvɛ mòtò lì aka tɛ Yerzù, èhwanja ò rza enje tɔ̀ lì hvɛhvɛ lìnà ò tenì ya ene rze ema Lohwɛ̀ à mà ŋgbe hwatò hwa hwènàmà ema lì àŋgàmɛ̀nɛyi lì jò rzùŋgà.”


“È ɛ̀ndɛ e tɛ̀mɛ̀ ò Ndawò yà Lohwà e òhweyà hwatò hweyà hwe arzɛ lì hvòmɛ̀nɛ̀ lòŋgɛ̀ la anyu lì hvènya.”


Imba nà rza òka ìrzɔnì ò lì òhwa Ŋmɛ̀ndì mò Gbamù, èhwanja mɔ̀ ndi mò hwèlì màyìmbì mà ama Lohwɛ̀ ema mò mà jànà lì rzùŋgàhwa ò hwatò hwa arzɛ ema hwa mò lòkɛ̀ lìwòteyà ò hwaŋga hwatò ema hwa hwèlì wònyà Yudà nà hwaŋga ema hwa rza enje wònyà Yudà.


Inyɔ hvɛ è mà hweyà ŋmɛ̀ndì mò jɔ̀kɛ̀. Mòŋgo ŋmɛ̀ndì mò jɔ̀kɛ̀ mɔ̀ ndi mò hwèlì Ŋmɛ̀ndì mò Gbamù ema mò è jànelì lì kɔ̀tɔ̀wɔ̀. Inyɔ è lòkɛ̀ Yerzù ndèŋgànà è ma hwɛ ndi mòtò mɔ̀kɔ nà mɔ̀. Ène eyà è mà gbeyà Lohwɛ̀ à mà è ŋgbà Èlìŋgɛ̀ yà Wòtani ema à mà ohwe nanù ema à ŋgba hwatò hwa eni. Èŋge Èlìŋgɛ̀ yà Wòtani è hwèlì ndi nàa embànèlì ema è uŋmɛ̀lɛ̀ nanù ema inyɔ è hwèlì ndi hwatò hwa ama Lohwɛ̀.


I hwi nanù ema inyɔ è gbeyà ndi nanù ehwànja è mà rzèkeyà mèèmà mè anyu nanù ema è ò lùwa mònàmɛ̀ ema Lohwɛ̀ à mà è ùteya ò ŋmanyu yà lohwà. Inyɔ è mà màa lì hweya hweyà lì hvomɛ̀nɛ̀ moŋgo mònàmɛ̀, è hvonda ema hwa mà lòme lì è ohweyà ŋmɛ̀ndì mò gbamù.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ