Hwègbèèlì 13:25 - Mokpwe: Bakwery (New Testament)

²⁵ Nà òma Yòwanìrzɛ̀ à mà arze lì kùlɛ̀ èwòlò yà eni, rzìi à ijòwa hwatò nanù ema, ‘Njɛ̀nɛ inyɔ è ɔ̀ŋgɛ̀lɛ̀ nanù ema nà hwèlì e? Rzeketɛ imba ndi nà hwèlì è mɔ̀ ema ya ambɛ̀lɛ̀. È ɔŋgɔ̀ tɛ, mɔ̀ à ò jà ò mburza yà ami, imba nà rza uki hvɛ tɔ̀ mòtò ema à tànɛ̀yì lì rzòlohwà hwètàmbì hwe eni ò màtaŋga mà eni.’”

Hwègbèèlì 13:25 ပူးပေါင်းရင်းမြစ်များ

Matiyò 3:11

Imba nà è lùhwìrzɛ̀ nà malìhwa ò lì uŋmɛ̀lɛ̀ nanù ema è mà ayèŋgòwɛ̀ ò wòhwe wò anyu. Ndi òhvɛhvɛ mòtò à hwèlì à jà ema à nò akàyi. Ema imba nà rza ukɛ hvɛ tɔ̀ mòtò ema à tanɛ lì hwànɛ hwètàmbì hwe eni. Mɔ̀ à è lùhwìrzɛ̀ ndi nà Èlìŋgɛ̀ yà Wòtani nà mùùnya.

Makòrzì 1:7

È njàmbɛ yà eni è mà hwɛ ndi nanù ema, “O ò jà mɔ̀kɔ ò mburzà yà ami ema à nò akayi. È mà tɔ̀ mèèrzìŋgà mè eni mè hwètambi, imba nà rza ukì tɔ̀ mòtò ò lì ujama lì mè wulùwà.

Yòwanìrzɛ̀ 1:29

Ò wònɛ̀yi wùnyà Yòwanìrzɛ̀ rzìi à ɛnɛ Yerzù nà òma à mò jèeyà. Rzìi Yòwanìrzɛ̀ à òhwa nanù ema, “È ɔŋgɔ̀ tɛ, è Ŋgumà Mɔ̀lɛ̀ŋgù wà ama Lohwɛ̀ mɔ̀ òŋgò. Mɔ̀ ndi à wòwi wòhwe wò hwatò hwa è rze yà mɔ̀nyɛ̀ yà arzɛ.

Yòwanìrzɛ̀ 1:34

Nà mà ɛnɛ hwene hweyà hwe arzɛ, ò èŋgànɛ̀lɛ̀ nà tɛ̀mi mbòŋgi ò lì òhwa ema mɔ̀ ndi à hwèlì è Ŋmanà wà ama Lohwɛ̀.”

Yòwanìrzɛ̀ 1:36

Nà òma Yerzù à mà hwɛ lì aka, Yòwanìrzɛ̀ rzìi à mò ɔŋgɔ̀ kòò rzìi à òhwa nanù ema, “È ɔ̀ŋgɔ tɛ, è Ŋguma yà Mɔ̀lɛ̀ŋgù mò ama Lohwɛ̀ mɔ̀ ònò.”

Yòwanìrzɛ̀ 4:34

Yerzù rzìi à hwa òhweyà nanù ema, “Mòlèlì mò ami mò hwèlì ndi ò lì gbeyà hwètɛ̀yìrzèlèlì hwa ama è mɔ̀ ema à nò òmi.” Ndèŋgànɛ̀lɛ̀ nà hwɛnì lì kùlɛ̀ èwòlò yà eni.

Yòwanìrzɛ̀ 7:18

Tɔ̀ ima mòtò ema a òhwà na è wònjà ya eni a gbeyà ndi nanù ò lì arzɛlɛ èluhwe na mɔ̀ ŋmìti. Ndi e mɔ̀ ema a arza èluhwe ya e mɔ̀ ema a mò òmi, a hwèlì ehve-ehve a rza enje mòtò ema a kɔwu hweyà.

Hwègbèèlì 13:36

Irzɔ i hwi nanù ema e hvònda ema kiŋgɛ Dàhwitì a hwèlì lòŋgɛ, à mà gbèeya Lohwɛ̀ na òma Lohwɛ̀ à mà arze. O mburza nanù, à mà ŋwa, hwà mà mò imeya ò ekì ema hwà mà imeya imbamba ja eni ò eŋgànɛ̀lɛ̀ à mà rzɔ̀mbɔ̀.

Hwègbèèlì 19:4

Pàwolò rzìi a òhwa nanù ema, “È nyayi ya lì lùhwìrzɛ̀ ema Yòwanìrzɛ̀ à mà hwɛ lì òhwa, e ma hwɛ ndi ò hwatò ema hwà mà tikòwɛ ò wòhwe wò awu. Yòwanìrzɛ̀ à mà hwe lì òhweyà hwatò hwa Irzàyɛ̀lì ò lì lòkɛ̀ e mɔ̀ ema a ò jɛ̀ɛ̀ ò mburza ya eni, ema a hwèlì Yerzù.”

Hwègbèèlì 20:24

Ndi imba na rza wòwi lòŋgɛ la ami nàa tɔ̀ eyà. Aŋga nanù imba na kulɛ èwòlò ya ami, na èwòlò ema e Rzàŋgò Yerzù e ma nò ŋgbɛ. Èwòlò ya ami e hwèlì ndi ò lì òhwa Ŋmɛ̀ndì mò Gbamù lì hvòmɛ̀nɛ̀ e ndèli ema Lohwɛ̀ à mà uŋmɛ̀lɛ̀ hwatò hwa hwènàmà.

2 Kɔ̀rintìyà 4:5

Ɔ̀ndeŋgàtɛ̀ i rza ohwa ndi o lì ayèkirzɛ̀ irzɔ hwiti. Ndi irzɔ je e ohweyà nanù ema Yerzù ndi à hwèlì e Rzàŋgo. O nyòla ama Yerzù irzɔ i hwèlì ndi hwàgbèèlì hwa anyu.

2 Tìmotì 4:7

Nàa e mògbèèlì hwa ama Krirztò nà mà ana e njuma gbamù, nà mà kulɛ èwòlò ema Krirztò à mà no ŋgbe ema nà mò gbèeyà. Ndèŋgàna na nɔ̀ŋgɔ lì lòkɛ̀ hwènɔ̀ŋgèlì hwe gbamù.

Hwèwulùwèlì 11:7

È hvonda ema wɔ̀ hwa ò kulɛ ò lì ohwa hweyà ema hwa mà ohwahwɛlɛ ò lì ohwa, eŋge èembe ema è ò uwɛ̀lɛ̀lɛ̀yi ò tenì yà ehvɔ̀ndi ema è rza ohvɛ lìrzùkù è ò hwa urzùweyà. Èŋge èembè è ò hwa aka màyìmbì ndeŋgànɛlɛ è hwa oŋwa.