Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hwègbèèlì 13:23 - Mokpwe: Bakwery (New Testament)

23 Yerzù mɔ̀ ema a uwɛ̀lɛ̀lɛ̀yi ò mòtende mò ama Dàhwitì, mɔ̀ ndi Lohwɛ̀ à mà gbeye e Mòrzùŋgèlì hwà hwatò hwa Irzàyɛ̀lì, na òma mɔ̀ à mà òhwe nanù ema a gbeyà.

အခန်းကိုကြည့်ပါ။ ကော်ပီ




Hwègbèèlì 13:23
41 ပူးပေါင်းရင်းမြစ်များ  

Nanù ndi mòtende mò imbamba jà ama Yerzù Krirztò mò hwèlì. Yerzù à mà uhwɛ̀lɛ̀lɛ ndi ò mòtende mò ama kiŋgɛ̀ Dàhwitì. Dàhwitì mɔ̀ hvɛ à mà uhwɛ̀lɛ̀lɛ ndi ò mòtende mò ama Abràhamù.


À ò ŋya ŋmanà wà mùnyanà, o ò mò kpɛ̀ ndi lìinà Yerzù, èhwanja à ò òŋgirzɛ hwatò wà eni ò wòhwe wò awu.”


È ŋgìndì ema è mà hwɛ lì ɛ̀ndɛ ò wòrzò wà ama Yerzù, nà è yɔ̀ ema è mà hwɛ lì mò nɔ̀ŋgɔ ò mburzà, hwa mà hwɛ lì tɛ̀ɛ̀ nanù ema, “Hòrzana, nà jèka hvɛ ì hwɛ nà è Ŋmanà wà è nyɔ̀ŋgɔ̀nì yà ama Dàhwitì. Mònàmɛ̀ mò hwèlì nà òŋgò ema à jelì ò lìnà là ama è Rzàŋgò. Hòrzana, jèka ì hwɛ nà Lohwà ema mɔ̀ ndi à kàrzamì lì aka hwa arzɛ!”


“Mamɛ inyɔ e ɔ̀ŋgɛ̀lɛ̀ lì hvòmɛ̀nɛ̀ è Mɔ̀ ema à Ɔ̀kirzɛ̀hwɛ̀yi e? Ima nyɔ̀ŋgɔ̀nì ema mɔ̀ à uhwɛlɛlɛyi e?” Hwà mà mò alàhwɛ̀ nanù ema, “A uwɛ̀lɛ̀lɛ̀yi ndi ò e nyɔ̀ŋgɔ̀nì ya ama kiŋgɛ Dàhwitì.”


À è ò kòkìrzɛ̀lɛ̀lɛ̀ mòtò mɔ̀kɔ wà ŋginyà, ò ndawò yà àma è mògbèèlì wà èni Dàhwitì, mɔ̀ ndì à hwèlì è mɔ̀ ema a e ò e rzùŋgà.


Wɔ̀ hwa mà òhweyà òŋgò mòlanà nanù ema, “Rzeketɛ ò hweyà mɛnɛ ema ò jò òhwèlì ɔ̀ndeŋgàtɛ̀ ì lòkɛ̀ Yerzù, ndi ì rzɔ hwiti hvɛ ì mà hweyàna nà màtò mà arzu, ndèŋgànɛ̀lɛ̀ hvɛ, ì hwi nanù ema mɔ̀ ndi à hwèlì è Mòrzùŋgèlì wà ene rze yà mɔ̀nyɛ̀.”


È tìlahwì ò Kaàti ya Lohwà ema, è Mɔ̀ ema à Ɔ̀kirzɛ̀hwɛ̀yi a hwɛnì ndi lì ŋyaahwɛlɛ ò mòtende mò òma Dàhwitì, ò mbòwa ya Bɛtlɛ̀hɛmù ema Dàhwitì a mà uwɛ̀lɛ̀lɛ̀yi.”


Nàŋgɛ rzɔ̀ mòŋgò Ŋmɛ̀ndì mò Gbamù mɔ̀ ndi ì mà è jàneyà. Mòŋgò ŋmɛ̀ndì mò hwèlì ndi nanù ema eyà ema Lohwɛ̀ à mà òhwe nanù ema à ŋgba irzàŋgo jà arzu mɔ̀ à mà è òndìrzɛ̀ lì akeyà nà irzɔ.


Dàhwitì à mà hwɛ ndi mòòhwèlì wà èlìŋgɛ̀ ndèŋgànà mɔ̀ à mà hwiya yòòma ema Lohwɛ̀ à mà òhwe nanù ema a mò ŋgba. Lohwɛ̀ à mà aàtɛ yòmbò nanù ema, a ò wòwa ŋmanà ò mòtende mò ama Dàhwitì a ò mò lìirzɛ kiŋgɛ nyayi hvɔ̀kɔ na òma Dàhwitì hvɛ à mà hwɛ kiŋgɛ.


Nànù rzɔ ndi Lohwɛ̀ à mà hvɔ̀rzè e Mògbèèlì wa eni rzìi a lòma lì e òmeya e mɔ̀ ò lì e nàmìrzɛ̀, ò lì eŋgòwa inyɔ hwa arzɛ ò lì anjiya ò hwègbèèlì hwe anyu hwe wòhwe.”


“Lì òŋgirzɛhwɛ lì rza uwɛ̀lɛ̀lɛ̀yi na ohvɛhvɛ mòtò lì aka tɛ Yerzù, èhwanja ò rza enje tɔ̀ lì hvɛhvɛ lìnà ò tenì ya ene rze ema Lohwɛ̀ à mà ŋgbe hwatò hwa hwènàmà ema lì àŋgàmɛ̀nɛyi lì jò rzùŋgà.”


Mònò Ŋmɛ̀ndì mò Gbamù, mò hwèlì ndi lì hvòmɛ̀nɛ̀ è Ŋmanà wà eni. O hwehwɛ̀ɛlì hwe e mòtò wà hwènàmà òŋgò Ŋmanà à mà ŋyàahwɛlɛ ndi ò lìhwende la ama kiŋgɛ̀ Dàhwitì.


Ène eyà e ò gbèyɛ̀nɛ aŋga nanù hwatò hwa arzɛ hwa Irzàyɛ̀lì hwa ò rzùŋgàhwa. È tìlahwì ò e kààtì ya Lohwà nanù ema, “È mɔ̀kɔtèlì a ò uwɛ̀lɛ̀lɛ̀yi ndi ò Rzàyɔ̀nì. Ndeŋgànɛ̀lɛ̀ mɔ̀ à ò ulɛ wòhwe wò arzɛ ema wò hwèlì ò e nyɔ̀ŋgɔ̀nì ya ama Jèkɔ̀bù.


Ò wà Tàyìtùrzì ndi nà tìlèlì ene kààtì. Ò hwèlì ndi nàa è ŋmanà wà ami wà jɔ̀kɛ̀ ò lìlòkɛ̀ ema irzɔ hwa arzɛ jo ohvi. È ndèli nà ɛ̀yɔ̀lɛ̀ ema è uwɛ̀lɛ̀lɛ̀ ò mà Lohwɛ̀ è Tatɛ̀ nà Yerzù Krirztò è Mòrzùŋgèlì hwa arzu è hwɛ nà ò wà.


Imba Rzimɔ̀ni Pètro ema nà hwèlì è mògbèèlì nà è àpɔ̀rzìtòlò yà ama Yerzù Krirztò, nà è tìleyà ndi inyɔ hwatò ema è lòkɛ̀ Yerzù Krirztò nyayi hvɔ̀kɔ hvɛ nà oma irzɔ hvɛ ì mò lòkɛ̀. Yerzù Krirztò ndi à hwèlì Lòohwà nà Mòrzùŋgèlì hwa arzu. Mɔ̀ à tɛ̀mì ehve-ehve. Ndeŋgànɛ̀lɛ̀ mɔ̀ ndi à gbèyi ndèŋgànà irzɔ hwa arzɛ jè è mò lòkɛ̀.


O ene ŋgànà rzɔ̀ Lohwɛ̀ a e ŋgba e wònja ya arzɛ, o lì kpèeyà na o lì hwɛ o lìkànèyà la eni la ŋmanyu èki ema e Rzàŋgo na e Mòrzùŋgèlì wa arzu Yerzù Krirztò a kànèyà nàa kìŋgɛ natɛ̀ɛ na o gbìndèyà.


È hwèlì tɛ nanù ema mòtò à lòkɛ̀yi e Rzàŋgo na e Mòrzùŋgèlì wa arzu Yerzù Krirztò, nanù oma mɔ̀ à mà màa lì anjiya o tenì ya lòŋgɛ la wòhwe la ene rze. Mɔ̀ à mà anjiya tɛ o tenì ya lìŋgi lòŋgɛ, rzìi a timba lì àyinɛ̀lɛ̀ o tenì hvɛ, rzìi lìŋgi lòŋgɛ lì mo wowa mòkòmì, e nyayi ema mɔ̀ à hwèlì nàŋgɛ, e hwèlì wòhwe lì aka e nyayi ema mɔ̀ à mà lome lì hwɛ.


Ndi tɔ̀ nanù, e hwɛnɛ ndi ɛ̀ɛ̀mɛ̀ mɛnɛ ya ama e Rzàŋgo na e Mòrzùŋgèlì wa arzu Yerzù Krirztò, a e ŋgba e ndèli ya eni nanù mɛnɛ. Èluhwe e hwɛ na mɔ̀ o nàŋgɛ natɛ̀ɛ na o mòlìkɛ̀. Inyɛ̀ wo lìya nanù.


Nà arza nanù ema e ɔ̀ŋgɛ̀lɛ̀ hweyà ema hwe ma ohwahwa, natɛ̀ɛ na e kohwaa na hwà-òhwèlì hwa hwèlìŋgɛ̀. Ndeŋgànɛlɛ inyɔ e àŋgàmɛ̀nɛ̀yi lì ɔ̀ŋgɛ̀lɛ̀ eyà ema e Rzàŋgo na e Mòrzùŋgèlì wa arzu à mà ohweyà i àpɔ̀rzìtòlò nanù ema hwa e ohweyà.


Ndèŋgànɛ̀lɛ̀ irzɔ ì mà ɛnɛ nà lì ohweyà hwahvɛhvɛ hwatò nanù ema Tatɛ̀ à mà oma è Ŋmanà wà eni ò lì hwɛ è Mòrzùŋgèlì hwa è rze.


Èluhwe ya arzɛ e hwɛ na mɔ̀. Mɔ̀ ŋmìti mɛnɛ ndi à hwèlì Lohwɛ̀, ema a jo rzùŋgà mòŋgɛ ma arzu o lì akeyà na hwègbèèlì hwe ama e Rzàŋgo ya arzu Yerzù Krirztò. Èluhwe, lì olowa, e ŋginyà, na màkànèyà ma arzɛ ma hwèlì ndi e ma eni, lì wòteyà o hwewotelì, o nàŋgɛ na o gbìndèyà. Inyɛ̀ wo lìya Nànù.


“Imba, Yerzù, imba ndi na omi e aŋgèlì ya ami o lì e ohweyà inyɔ ema e hwèlì o tenì ya ŋmèmba hwene hweyà. Imba ndi na hwèlì e mɔ̀ ema a uwɛlɛlɛyi o mòtendè mò ama kìŋgɛ Dàhwitì, e rzombe ya elele ema e hvàànyà.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ