Hwègbèèlì 13:13 - Mokpwe: Bakwery (New Testament)

¹³ Pàwolò na imbunda ja eni hwà mà kpèeyà ò wɔ̀lɔ̀ ò Pàhvɔ̀rzì hwa lùuka natɛ̀ɛ hwa uka e mbòwa ya Pɛ̀ga, ò erzòòkà ya Pàmhvilìyà. Ndi Yòwanìrzɛ̀ Màkòrzì à mà hwa lìya aŋga a tìmba e ye eni ò Jèrurzalɛ̀mù.

Hwègbèèlì 13:13 ပူးပေါင်းရင်းမြစ်များ

Hwègbèèlì 12:12

Nà òma Pètrò à mà àyɛ̀mbɛ̀ mamɛ ema e ma mò gbèyɛ̀nɛ, rzìi a ɛ̀ndɛ ò màandà mà ama Màlìyɛ̀, e nyàŋgò ya ama Yòwanìrzɛ̀ ema à mà hwɛ̀lɛ̀hwɛ̀ hvɛ Màkòrzì. Anù ndi rzayì-rzayì ja hwatò hwà mà arzàŋgànɛ ò màkanɛ̀.

Hwègbèèlì 15:36

O mburza hvònda, Pàwolò rzìi a òhweyà Bànàbàrzì nanù ema, “Inyɛ̀ i timbe, ò tenì ya maŋga mambòwà ma ndɛnɛ ma arzɛ ema i ma lòmè lì òhwa eyà ya ama Rzàŋgò, ò lì hvɛ̀hvɛ hwàlòkèlì na ò lì ɛnɛ nɛ hwa hwèlì.”

Hwègbèèlì 15:38

Ndi Pàwolò à mà rzɔ̀rzɔ̀ na ŋginyà èhwanja Yòwanìrzɛ̀ Màkòrzì à mà lòma lì hwa kìnyɛ̀lɛ̀ ò mbòwa ndɛnɛ ya Pàmhvilìya ndèŋgànà hwa e kulɛ èwòlò.

Hwègbèèlì 2:10

ò hwèkòmè hwe Hvrìgìyà na Pàmhvilìya, ò èkòmè ya Ìjiptò na lòŋgò la hwèhvàrzù ò èkòmè ya Lìbiya, ò tòŋgòŋgò ya Rzirènè, lòŋgò la hwa irzɔ jò uwɛ̀lɛ̀lɛ̀yi ndi ò mbòwa ya Ròmànì.

Hwègbèèlì 27:13

Ŋmanà mbɛ̀hvɛ̀nì ema e ma uwɛ̀lɛ̀lɛ̀yi mbɛŋgɛ e ma wòteyà lì aka. Rzìi hwaŋga hwatò hwa lùtèyà nanù ema hwa tànɛyi hwa ɛndɛ ò wòrzò na ŋmànò mò awu. O eŋgànɛlɛ wɔ̀ hwà mà rzìima mìiyò ma awu ò tenì ya melì me ŋmànja rzìi hwa ɛ̀ndɛ̀nɛ̀ yɔ̀ndɔ̀ ya awu ya màlìhwa lì akeyà ò tòŋgòŋgò ò lì uka ò erzòòkà ya Klɛti.

Hwègbèèlì 27:5

Rzìi i hwɛmɛ e rzàawà ya hwèrzòòkà hwe Rzìlirzìyà na Pàmhvilìyà rzìi ja aka ŋmàanja ndèŋgànà irzɔ je uka e mbòwa ndɛnɛ ya Mila ò erzòòkà ya Lìrzìyà.

Kòlòrzìyà 4:10

Arìrztàkùrzì, ema mɔ̀ hvɛ a hwèlì o hwèwòwà na imba, a e omelì ikɔ̀mi. Màkòrzì, ema a hwèlì Bànàbàrzì ŋmanyàŋgò wa eni mɔ̀ hvɛ a e omelì ikɔ̀mi. Nà ma màa lì e ohweyà lì hvomɛ̀nɛ̀ Màkòrzì mɔ̀ à jelì tɛ e mo kàrzɛ.

2 Tìmotì 4:11

Lukàrzɛ̀ mɛnɛ ndi à hwèlì na imba. O jà tɛ o jàne Màkòrzì, èhwanja à ò nò oŋgòwànà o èwòlò ema na hwɛni.