Hwègbèèlì 12:4 - Mokpwe: Bakwery (New Testament)

⁴ Nà òma à mà mò ŋgbaŋgɛ rzìi a mò aŋgba ò hwèwòwà. Rzìi à ika ŋgìndì inɛyi ja hwàanèlì hwa njuma ò lì mò ɔŋgeya. Ngìndì tɛ e ma hwɛnɛ hwàanèlì hwa njuma hwànìi. Hɛ̀rɔ̀dì à mà kima ò lì kàyìrzɛ̀ Pètrò ò mòte, ò mburzà ya è Ndèma yà lì Akà Ɔnɛ̀yi.

Hwègbèèlì 12:4 ပူးပေါင်းရင်းမြစ်များ

Matiyò 24:9

O eŋge hvònda, e ò ŋgbàŋgɛ̀hwɛ̀ na lì ŋgbahwa ò màà ma hwatò ema hwa e kɔ̀kìrzɛ̀ rzii hwa e òŋwa. O nyòla lìinà la amì e ò kɔ̀ɔ̀wɔ̀ nà hwèkòmè hwe arzɛ.

Matiyò 26:5

Hwà mà kaka nanù ema, “I rza hwɛni lì gbeyà nanù ò wùnyà wò e ndèma èhwanja hwatò hwa ò jana lùwànje.”

Makòrzì 14:1

Ò mà tɛɛnɛ mèenyà mehwàkɛ ò hvònda yà lì Akà Ɔnɛ̀yi nà ò e Ndèma yà Èhvòòtò ema è rza òhvɛ Èhwindi ò lì uka. Ipìlìrzì ndɛnɛ nà Hwà-òkòlèlì hwa mbenda hwa mà hwɛ lì arza ŋmànò mò lì ŋgbaŋgɛ Yerzù ò jùtuta ò lì mò òŋwà.

Lukàrzɛ̀ 21:12

Ndèŋgàna hwenè hweyà hwe àrzɛ hwe e hwiya lì gbèyɛnɛ, hwa è ŋgbaŋgɛ̀, rzìi hwa è takìrzɛ̀. Hwa è ɛ̀ndɛ̀nɛ̀ ò ndawò ja màkanɛ̀, hwa e kàyìrzɛ rzìi hwa e aŋgɛ̀ ò hwèwòwà. Hwa è jàna ò màrzò ma ìkiŋgɛ̀ nà hwàkànèlì ò nyòla ami.

Lukàrzɛ̀ 22:33

Pètrò à mà mò alàhwɛ̀ nanù ema, “Rzàŋgò nà wòŋgìrzɛ̀nɛ̀ ò lì òŋgama, tɔ̀ hwa ò ɛ̀ndɛnɛ ndi ò hwèwòwà, tɔ̀ hwa àrza ndi lì ò òŋwa.”

Yòwanìrzɛ̀ 19:23

Nà òma hwàanelì hwa njuma hwa mà kulɛ lì wòmeyà Yerzù ò mbarza hwa wòwa ì mbɔti jà eni hwa jì kahwa mòŋgò mànìì mòtò tɛ à wòwa lòŋgò lɔ̀kɔ. Hwa mà wòwa hvɛ è mbɔti ema à mà wɔ̀te ò tenì. Liŋgi lìhwatù lì rzi kɔlɔhwe tɔ̀ èki. Liŋgi lìhwatù lì rzi latahwe lì wòteyà ò ŋmanyu natɛ̀ɛ nà ò rze.

Yòwanìrzɛ̀ 21:18

“Nà ò òhweyà e jɔ̀kɛ̀ nanù ema e hvònda ema ò wa ò ma hwɛ erzɔmbɛ, ò ma yɔ̀kɔ lì àwòŋgìrzɛ̀nɛ̀ lì ɛ̀ndɛ tɔ̀ ima èki ema ò ma lìŋgàne lì ɛ̀ndɛ, ndi e hvònda uuna, ò enyòwa meyɔ me aŋgɔ̀ ò hvɛhvɛ mòtò a ò tìŋgɛ̀ e rzanja, a ò ɛ̀ndɛnɛ tɔ̀ ima èki ema ò wa ò rza lìŋgànɛ lì ɛ̀ndɛ.”

Hwègbèèlì 12:3

Nà òma kiŋgɛ̀ Hɛ̀rɔ̀dì à mà ɛnɛ na òma ene eyà e ma lìŋgìrzɛ hwatò hwa Yudà, àŋga ndi à ɛndɛ ò wòrzò hvɛ ò lì ŋgbaŋgɛ Pètrò. Ène eyà hvɛ e ma gbèyɛ̀nɛ ndi ò e hvònda ya è Ndèma yà Èhvòòtò ema e rza hwɛnɛ Èhwindi.

Hwègbèèlì 12:5

O èŋgànɛ̀lɛ̀ Pètrò à mà aŋgɛhwɛ ò hwèwòwà, ndi ŋmèmba mò hwatò hwa Krirztò mò ma hwɛ lì mò kanɛ̀lɛ̀lɛ̀.

Hwègbèèlì 4:28

Hwà mà òhva wòlìya ò lì gbeyà hweyà ema ò ma hwɛ ò ma tɛ̀yirzɛ na e ŋginyà ya aŋgɔ̀ ò e hvònda ema e ma aka.

Hwègbèèlì 4:3

Aŋga ndi hwa a ŋgbaŋgɛ Petrò na Yòwanìrzɛ̀ rzìi hwa hwà umbana ò hwèwòwà. Nà òma wùùnya wò ma hwɛ wò ma kɔ̀ɔ, hwà mà hwɛ̀ɛ aŋga natɛ̀ɛ na ò enɛyi eka ya elele.

Hwègbèèlì 5:18

Hwà mà ŋgbaŋgɛ I àpɔ̀rzìtòlò rzìi hwa hwà ika ò hwèwòwà ema e ma hwɛ ò mbòwa.

Hwègbèèlì 8:3

Ndi Rzàwòlò mɔ̀ à mà arza ndi ò lì hvaŋga ŋmèmba. À mà lìŋgòwa ndawò nà ndawò tɛ, rzìi a rzììmà hwàlòkèlì, è wɔ̀ hwa wunyanà nà è wɔ̀ hwa hwalanà. Rzìi à hwa aŋgɛ wɔ̀ hwa arzɛ ò hwèwòwà.