Hwègbèèlì 12:19 - Mokpwe: Bakwery (New Testament)

¹⁹ Kìŋgɛ̀ Hɛ̀rɔ̀dì ama òhwa à mà hwa tòòwè gbarzi wò kɔ̀yi-kɔ̀yi ò lì arza Pètrò. Nà òma hwa rzìi tanɛ lì mò ɛnɛ, Hɛ̀rɔ̀dì rzi a kàyìrzɛ̀ hwaŋga hwàanà njuma, a hwa akɛlɛlɛ e mbàkò ya kpelì. O mburzà hvònda Hɛ̀rɔ̀dì à mà anjiya ò Jùdeyà ò lì ɛ̀ndɛ lì lìya ŋmana hvònda ò mbòwà ya Kàyìrzèrìyà.

Hwègbèèlì 12:19 ပူးပေါင်းရင်းမြစ်များ

Matiyò 2:1

Nà òma Yerzù à mà ŋyahwe ò mbòwà yà Bɛ̀tlɛ̀hɛmù, ò erzòòkà yà Jùdèyà, ò eŋge hvòndà Hɛ̀rɔ̀dì ndi à mà hwɛ è Kiŋgɛ̀. Hwàlaŋgà rzòmbe hwa mà uhwèyà wate rzi hwa jà ò mbòwà yà Jèrurzalɛ̀mù.

Matiyò 2:13

È hvònda hwaŋga hwàlaŋga rzòmbe hwa mà ɛ̀ndɛ, aŋga ndi è aŋgèlì yà ama Tatɛ̀ è mà wurzeyà Jòrzɛ̀hvù ò ndɔ̀tɔ̀ nanù ema, “Imòwa, ò wòwè è ŋmanà nà nyàŋgɛ è ɛndɛ̀ ò Ìjiptò. È hwɛ aŋga natɛ̀ɛ nà lìrzàkò ema nà è òhwèyà ema è anjiye aŋga, èhwanja Hɛ̀rɔ̀dì à hwɛni lì òma hwatò lì jà ò lì arza ò nò ŋmanà ò lì mò òŋwa.”

Matiyò 2:16

Hɛ̀rɔ̀dì à mà ayèmbɛ̀ nanù ema hwàlaŋga rzòmbe hwa mò ɔ̀ɔ̀nji, à mà tàtà rzayì-rzayì. Rzìi à òma hwàànèlì hwa eni hwa njùma, ò Bɛ̀tlɛ̀hɛmù nà ò hwèrzòòkà hwe arzɛ ema hwe mà kòmbɛ̀nɛ̀, è mà hwa òŋwe hwànà hwa wunyanà hwa arzɛ ema hwa hwèlì meya mèhwàkɛ lì ɔ̀ndɔ̀. À mà gbèya ndi nanù, ò lì ɔ̀lɛ̀nɛ̀ è hvònda ema hwàlaŋga rzòmbe hwa mà mò òhwèyà ema hwa mà lòmà lì ɛnɛ è rzòmbe ema è mà uŋmɛ̀lɛ̀ hwèŋyàyèlì hwe ama Yerzù.

Hwègbèèlì 12:18

Nà òma wùùnya wò ma yahwe, hwaŋga hwàànà njuma ema hwà mà hwɛ lì ɔŋgeya Pètrò hwà mà tàmà ò màlùtèyà ma awu èhwanja hwa rzi hwiye mamɛ ema e ma gbèyɛ̀nɛ Pètrò.

Hwègbèèlì 12:4

Nà òma à mà mò ŋgbaŋgɛ rzìi a mò aŋgba ò hwèwòwà. Rzìi à ika ŋgìndì inɛyi ja hwàanèlì hwa njuma ò lì mò ɔŋgeya. Ngìndì tɛ e ma hwɛnɛ hwàanèlì hwa njuma hwànìi. Hɛ̀rɔ̀dì à mà kima ò lì kàyìrzɛ̀ Pètrò ò mòte, ò mburzà ya è Ndèma yà lì Akà Ɔnɛ̀yi.

Hwègbèèlì 12:6

Hɛ̀rɔ̀dì à mà arza lì jànà Pètrò elele ò marzò ma hwatò. O wòŋgò wuu mɛnɛ ema Hɛ̀rɔ̀dì à mà ika ò ŋmèma mò eni nanù ema a jàneyà hwatò Pètrò ò wònɛyi wùnyà, Pètrò à mà hwɛ ò ijɔ ò ìtììtènì ja hwàanà njuma hwahwakɛ. A ma kakahwa na ŋgɔ̀kɔ̀hwi ò hwèhvàrzù hwe eni hwe nyò hwe ahwakɛ, ndèŋgànɛ̀lɛ̀ hwahvɛhvɛ hwàanèlì hwa njuma hwà mà tɛ̀mɛ̀ ò lì ɔŋgeya hwèkpèèlì hwe e ndawò ya hwèwòwà.

Hwègbèèlì 16:27

È mɔ̀ɔ̀ŋgèlì wa hwèwòwà à mà imòwe ò ijɔ, rzìi a ɛnɛ mawòhvà mà hwèwòwà ma arzɛ na òma mà lìhvòwelì a ɔ̀ŋgɛ̀lɛ̀ ndi nanù ema hwatò hwa hwèwòwà hwa arzɛ hwà mà kùwa lì hwaŋga. Ène eyà e ma gbeyà a rzìima e rzɔ̀lɔ̀ ya eni ò lì àwòŋwɛ̀.

Hwègbèèlì 21:8

O wònɛyi wùnyà irzɔ i ma anjiya ò mbòwa ya Tòlɛmàyìrzì rzi jò uka ò mbòwa ya Kàyìrzèrìyà. Nà òma i ma uke aŋga, i ma kpèeyà ò e ndawò ya ama Hvìlìpì e mòòhwèlì wà ŋmɛ̀ndì mò gbamù, rzi i lìya na mɔ̀. Mɔ̀ à mà hwɛ ndi mɔ̀kɔ wà lìrzàmba la wunyanà ema hwà mà hvɔ̀rzɔ̀wɔ̀ nàa hwà-òŋgòwànèlì ò ŋmèmba mò Jèrurzalɛ̀mù.

Hwègbèèlì 25:13

O mburzà ŋgurzu ja mèenyà, Kìŋgɛ̀ Agrìpa na Bɛ̀nìrzì hwà mà jà ò erzòòkà ya Kàyìrzèrìyà ò lì kàrzɛ Hvɛ̀rzìtùrzì ema à mà hwɛ e mòkànèlì.

Hwègbèèlì 27:42

Irzònja rzìi i kaka wùndɛ̀ ò lì òŋwa hwatò hwa arzɛ hwa hwèwòwà ema hwà mà hwɛ ò tenì ya meŋge melì me ŋmànja, aŋga nanù wɔ hwa rza ò tanɛ lì nyɔ̀keyà ò lì uka ò rzàawà rzi hwa hwaŋga.

Hwègbèèlì 8:40

Hvìlìpì à mà ayèmbɛ mɔ̀ ŋmìti ò mbòwa ya Arzɔ̀tùrzì, tɔ̀ ima mbòwa ema à mà uke à mà hwɛ lì òhwa Ŋmɛ̀ndì mò Gbamù natɛ̀ɛ à mà uka ò mbòwa ya Kàyìrzèrìyà.