Hwègbèèlì 12:17 - Mokpwe: Bakwery (New Testament)

¹⁷ Pètrò a hvɛ̀tɛ̀lɛ̀ lìya la eni lì hwa uŋmɛ̀lɛ̀ nanù ema hwa lìya ŋmɛ̀ɛ, rzìi a hwa òhweyà nɛ Rzàŋgò a mò timbi ò lì anjiya ò hwèwòwà. A hwa òhweyà nanù ema, “È òhweyà Jèmìrzì nà hwanɛ̀yi hwatò ema hwa lòkɛ̀ Krirztò mamɛ ema e ma gbèyɛ̀nɛ.” Rzìi à hwa hwɛmɛ, a ɛ̀ndɛ ò èhvɛhvɛ èki.

Hwègbèèlì 12:17 ပူးပေါင်းရင်းမြစ်များ

Matiyò 10:23

È ɛni tɛ ema hwa e tàkirzɛ tɛ ò mbòwa hvɔ̀kɔ, e hwaŋge, e ɛ̀ndɛ èhvɛhvɛ mbòwà. Nà e òhweyà ndi e jɔ̀kɛ̀ ema e rza ò kulɛ lì tàneya i mbòwà ja arzɛ ja èkòmè ya Irzàyɛ̀lì ndèŋgànà è Ŋmanà wà è mòtò wà Hwènàmà à è ja.

Makòrzì 6:3

Rzèke ònò mòtò à hwèlì ndi kaminda e? Rzeke e ŋmanà wà mà Màlìyɛ̀ ònò e? Rzeke wònyànyàŋgò hwa eni hwa hwèlì ndi Jèmìrzì, Jòrzɛ̀hvù, Jùdà na Rzìmɔ̀nì, e? Rzeke ì ndòmɛ ja eni ì hwèlì ò mbòwà na irzɔ e?” Rzìi hwa mò tatana.

Lukàrzɛ̀ 1:22

È hvònda a mà wurze, à rzi tanɛ̀ lì hwa òhwìrzɛ̀nɛ̀, rzìi hwa ayèmbɛ nanù ema à enì ndi jɛ̀nɛ̀ni ò Ndawò yà Lohwà, nà òmà a rzi tanɛ lì òhwà, à mà hwa uŋmɛ̀lɛ̀ ndi hwèmɛ̀nɛ̀nì nà màà mà eni.

Yòwanìrzɛ̀ 10:40

O mburza nanù, Yerzù à mà timba ò enɛyi èhvàrzù ya mòrzò mò Jɔdànì ò èki ema Yòwanìrzɛ̀ è Mòlùhwìrzèlì à mà hwɛ lì lùhwìrzɛ̀ hwatò. A ma lìiya aŋga.

Yòwanìrzɛ̀ 11:54

Ène eyà e ma gbeyà Yerzù a rzìi hwɛ lì wurza hvɛ ò ìtììtènì ja wònyà Yudà. Rzìi mɔ̀ na hwà-òkòwèlì hwa eni hwà mà anjiya rzìi hwa ɛ̀ndɛ ò èkòmè ema e ma hwɛ̀lɛ̀hwɛ̀ Èhvlèmì, rzìi hwa lìya aŋga. Èŋge mbòwa e ma kòmbɛnɛ mòrzanjɛ̀.

Yòwanìrzɛ̀ 13:24

Rzìmɔ̀nì Pètrò rzìi à mò hvɛ̀ŋgɛ̀ mììrzɔ̀ à òhwà nanù ema, “Ò mò ijòwe njɛnɛ à hwèlì è mòtò.”

Yòwanìrzɛ̀ 7:1

O mburzà hwenè hweyà, Yerzù à mà lìŋgòwa hweki nà hweki ò erzòòkà ya Galìlì. A rza arze lì ɛndɛ ò erzòòkà ya Jùdeyà èhwanja lìkànèyà la wònyà Yudà lì ma kàkɛ̀nɛ̀ lì mò òŋwa.

Yòwanìrzɛ̀ 8:59

Nà òma à mà òhwe nanù, rzi hwa kòma màŋyàyi ò lì mò aŋgba, ndi Yerzù à mà àwutɛ̀ mɔ̀ ŋmìti, rzìi a nyɔ̀lɔ̀lɔ̀ èŋge ŋgìndì ò tenì ya èwòka ya e ndawò yà màkanɛ̀.

Hwègbèèlì 1:15

Ò eŋge hvònda, hwatò ema hwa mà lòkɛ̀ Yerzù hwa mà arzaŋganɛ ekì yɔ̀kɔ. Hwa mà hwɛ eyà ya hwègbe hwehwakɛ. Pètrò rzìi à tɛ̀mɛ̀ ò ŋmanyu ò ìtììtènì jà awu rzìi à òhwà nanù ema,

Hwègbèèlì 12:16

Ndi Pètrò mɔ̀ à mà lìmeya ndi ò lì kumba nanù mɛnɛ natɛ̀ɛ hwa mò lìhvòweya lìyòhva. Nà òma hwà mà lìhvòhwè lìyòhva rzìi hwa mò ɛnɛ, hwà mà tàmà.

Hwègbèèlì 12:18

Nà òma wùùnya wò ma yahwe, hwaŋga hwàànà njuma ema hwà mà hwɛ lì ɔŋgeya Pètrò hwà mà tàmà ò màlùtèyà ma awu èhwanja hwa rzi hwiye mamɛ ema e ma gbèyɛ̀nɛ Pètrò.

Hwègbèèlì 13:16

Pàwolò à mà tɛ̀mɛ̀ ò ŋmanyu, a rzekɛlɛ hwatò lìya ò lì hwɛmɛ mɔtɔwu mò awu, rzìi a wòteya lì òhwa eyà. A ma òhwa nanù ema, “Wònyàmòwe hwa Irzàyɛ̀lì na inyɔ hwatò ema e rza enje wònyà Yudà ema e gbèeyà Lohwɛ̀, e nò òkànèyà.

Hwègbèèlì 15:13

Lirzakò ema hwà mà kulɛ lì òhwa, Jèmìrzì rzìi a òhwa nanù ema, “Wònyànyàŋgò hwa ami e nò òkànèyà tɛ!

Hwègbèèlì 16:40

Pàwolò na Rzàyìlàrzì hwà mà anjiya ò hwèwòwà, rzìi hwa ɛ̀ndɛ lì kpèeyà ò ndawò ya ama Lideya. Nà òma hwà mà uke aŋga hwà mà ùŋmanɛlɛ hwàlòkèlì, Pàwolò na Rzàyilarzi rzìi hwa òhweyà hwaŋga hwàlòkèlì mbɔrzi ya lì hwa embɛ rzìi hwa ɛndɛ e ya awu.

Hwègbèèlì 19:33

Lòŋgò la hwatò hwà mà kulɛ ndi nanù ema, Alɛ̀rzàndrìyà ndi à mà hwɛnɛ e njɔ̀mì. Kanatɛ mɔndi hwatò hwa wònyà Yudà hwà mà òme ò lì hvuŋgana. Alɛ̀rzàndrìyà rzi a karzɛ lìya la eni ò ŋmanyu ò lì arza lì òhwa eyà ò lì arzùŋgɛ̀ ò marzò ma hwaŋga hwatò.

Hwègbèèlì 21:18

O wònɛyi wùnyà Pàwolò à mà ɛndɛ na irzɔ ò lì ɛnɛ Jèmìrzì. Hwàtimbèlì hwa arzɛ hwà mitèlì, hwà mà ukeya aŋga.

Hwègbèèlì 21:40

Oŋgò mòkànèlì wa hwàanà njuma à mà mò ŋgbàà e wònja ò lì òhwa eyà. O eŋgànɛ̀lɛ̀ Pàwolò à mà tɛ̀mɛ̀ ò ŋmèna-ŋmèna mò eŋge ndawò ya ŋguhwa, rzìi a hvɛhvɛ lìya la eni ò e ŋgindi nanù ema hwa hwɛmɛ mɔ̀tɔ̀wù. Nà òma hwà mà lìya ŋmɛɛ Pàwolò rzìi a hwa òhwirzɛnɛ na e mbɔrzi ya Hibrù.

Hwègbèèlì 28:15

Wònyamòwè hwa Krirztò hwà mà hweyà nanù ema i hwèlì i jà, ò eŋgànɛlɛ hwà mà uka natɛ̀ɛ na ò èki ema e hwɛ̀lɛ̀hwɛ̀ èlùwà ya ama Apìyùrzì hwahvɛhvɛ hwà mà jò ambɛlɛlɛ ò èki ema e hwɛ̀lɛ̀hwɛ̀ e Ndawò ya Hwàyɛ̀ni Hwàyàwò. Nà òma Pàwolò à mà hwa ɛnɛ, à mà eka Lohwɛ̀ rzìi a ètìrzɛ̀ mèèmà mò eni.

1 Kɔ̀rintìyà 15:7

O mburzà ya hvonda à mà wurzeya Jèmìrzì, rzìi a wurzeya hvɛ inɛyi àpɔ̀rzìtòlò ja arzɛ.

Gàletìyà 1:19

Nà rzi ɛnɛ hvɛ tɔ̀ ehvɛhvɛ àpɔ̀rzìtòlò lì aka tɛ Jèmìrzì, e Rzàŋgo Yerzù ŋmanyàŋgò wa eni.

Gàletìyà 2:12

Nà oma mɔ̀ à mà lòme lì uka aŋga, à mà nyàmɛ̀lɛ ò lì làa nà hwatò ema hwa rza enje wònyà Yudà. Ndi nà oma loŋgo là hwatò hwa wònyà Yudà ema hwa mà uwɛ̀lɛ̀lɛ̀yi ò mà Jèmìrzì ò Jèrurzalɛ̀mù rzi hwa jà ò Antìyɔ̀kì, à mà wòteyà lì timbeya ò mburza. A rzi hwɛ hvɛ lì làa nà hwaŋga hwatò ema hwa rza enje wònyà Yudà. Mɔ̀ à mà hwɛ lì gbèeyà nanù èhwanja à mà hwɛ lì oka hwatò ema hwa mà hwɛ lì ohwa nanù ema hwa hwɛni lì enda hwatò ema hwa rza enje wònyà Yudà wɔ̀ŋgɔ̀.

Gàletìyà 2:9

Jèmìrzì, Pètrò nà Yòwanìrzɛ̀ ema hwatò hwà mà hwiye nàa màwòndì ma ŋmèmba, hwà mà ayèmbɛ nanù ema Lohwɛ̀ ndi à mà no ŋgba ene ndèli ya lì hwɛ e àpɔ̀rzìtòlò ya eni, o eŋgànɛ̀lɛ̀ wɔ̀ hwà mà jo hwatɛ irzɔ na Bànàbàrzì o lì uŋmɛ̀lɛ̀ nanù ema hwà mà emeyà nanù ema irzɔ na wɔ̀ i gbeyà ndi èwòlò yɔ̀kɔ. Irzɔ na wɔ̀ i ma tɛ̀yirzɛyi nanù ema i hwɛ o lì ohweyà hwatò ema hwa rza enje wònyà Yudà ŋmɛ̀ndì mò gbamù, na oma wɔ̀ hvɛ hwa lìmeya ndi o lì ohweyà wònyà Yudà ŋmɛ̀ndì mò gbamù.

Jèmìrzì 1:1

Imba Jèmìrzì e mògbèèlì wa ama Lohwɛ̀ na Rzàŋgo Yerzù Krirztò ndi na tilì ene kààtì. Nà e kɔ̀mi inyɔ hwa arzɛ lìyomɛ la matumba na mahwakɛ ma wonyà Irzàyɛ̀lì ema e bùhwèlì o e rze ya mɔ̀nyɛ̀ ya arzɛ.