Hwègbèèlì 12:1 - Mokpwe: Bakwery (New Testament)

¹ O ene hvònda ɔ̀ndi kiŋgɛ̀ Hɛ̀rɔ̀dì à mà wòteya lì tàkìrzɛ̀ lòŋgò la hwatò hwa ŋmèmba.

Hwègbèèlì 12:1 ပူးပေါင်းရင်းမြစ်များ

Matiyò 14:1

O eŋge hvònda mɛnɛ Hɛ̀rɔ̀dì ema mɔ̀ ndi à mà hwɛ e mòkànèlì hwa èkòmè ya Gàlìlì, à mà hwèya lì hvòmɛ̀nɛ̀ hweyà ema Yerzù à mà hwɛ lì gbeyà.

Matiyò 14:3

Hɛ̀rɔ̀dì à ma òhwa ndi nanù èhwanja mɔ̀ à mà òma hwatò ema hwa lɛ̀mbɛ̀ Yòwanìrzɛ̀, hwa ma mò kake e ŋgɔ̀kɔ̀hwi rzìi a mò aŋgɛ ò hwèwòwà. A ma gbeyà ndi nanù lì hvòmɛ̀nɛ̀ e jòjìyɛ̀ ya eni Hɛ̀ròdìyàrzì, ema à mà lòma lì hwɛ e jòjìyɛ̀ ya ama ŋmanyàŋgò wa enì Hvìlìpì.

Matiyò 14:6

O wùnyà wò lì ɔ̀ŋgɛ̀lɛ̀ wùùnya wò hwèŋyàyèlì hwe ama Hɛ̀rɔ̀dì wò ma ùke, Hɛ̀rɔ̀dìyàrzì e ŋmanà wa eni wa mòlanà à mà rza ŋgɔ̀mɔ̀ ò wòrzò wò hwatò hwa arzɛ ema hwa ma yòhwɛ̀hwɛ̀. Hɛ̀rɔ̀dì à mà òka mɔ̀nyɛ̀ŋgì rzayì-rzayì.

Matiyò 24:9

O eŋge hvònda, e ò ŋgbàŋgɛ̀hwɛ̀ na lì ŋgbahwa ò màà ma hwatò ema hwa e kɔ̀kìrzɛ̀ rzii hwa e òŋwa. O nyòla lìinà la amì e ò kɔ̀ɔ̀wɔ̀ nà hwèkòmè hwe arzɛ.

Lukàrzɛ̀ 22:53

Mamɛ ndeŋgàtɛ è rzi nò ŋgbàŋgɛ̀ ò Ndawò yà Lohwà e? Ì mà hwɛ ò Ndawò yà Lohwà wùnyà tɛ, ndi è rzi nò lɛ̀mbɛ̀, ndi lìrzàkò là anyu lì mà uka naŋgɛ. Jììtìtì ndi ì kànèyà naŋgɛ.”

Yòwanìrzɛ̀ 15:20

È ɔ̀ŋgɛ̀lɛ̀ kɔ̀yi-kɔ̀yi mamɛ nà mà è òhweyà nanù ema, ‘Ò rza enje mògbèèlì ema à akayi rzaŋgɛ.’ Hwatò hwa nò tàkìrzɛ̀ tɛ eŋge ŋgàna è hwèlì ndi nanù ema hwa è ò tàkìrzɛ̀ inyɔ hvɛ, hwa mà ika tɛ hwèyòkòlelì hwe ami, nanù òma hwa ò ika hvɛ hwèyòkòlelì hwe anyu.

Yòwanìrzɛ̀ 16:2

Wɔ̀ hwa ò e hvaya ò tenì ya e ndawò ya màkanɛ̀. Ò jɔ̀kɛ̀, o ò ja hvònda ema tɔ̀ ima mɔ̀ ema a ò e òŋwɛ, a ò ɔ̀ŋgɛ̀lɛ̀ ndi ema a gbèeyà ndi Lohwɛ̀ èwòlò.

Hwègbèèlì 11:30

Nànù ndi wɔ̀ hwà mà gbèye. Hwà mà rzàŋga wòlì, rzìi hwa wò òmana Bànàbàrzì na Rzàwòlò ò lì ŋgba hwàtìmbèlì hwa ŋmèmba.

Hwègbèèlì 12:2

A ma gbeyà ema hwà mà ŋgbaŋgɛ Jèmìrzì, Yòwanìrzɛ̀ ŋmanyàŋgò wa eni, rzìi hwà mà òŋwàna na e rzɔ̀lɔ̀.

Hwègbèèlì 4:30

O uŋmɛ̀lɛ̀ e ŋginyà ya aŋgɔ̀ ò lì wɔ̀wìrzɛ̀ hwatò. Ndeŋgana ò jò gbeye irzɔ ò lì tanɛ lì gbeyà hwembànèlì na hweyà hwe mànyakà lì akeyà na lìinà la ama Yerzù, e mògbèèlì wa aŋgɔ̀ wa Wòtani.”

Hwègbèèlì 9:31

O èŋgànɛ̀lɛ̀ rzɔ, ò eŋge hvònda ya arzɛ hwatò ema hwà mà lòkɛ̀ Yerzù ò hwèrzòòkà hwe arzɛ hwe Yùdeyà, Galìlì na Rzàmàrìyà hwe ma luwa ɛ̀yɔ̀lɛ̀. Ndeŋgànɛ̀lɛ̀ hwà mà òhva wɔ̀ɔŋgɔ̀ wò ama Lohwɛ̀ na wɔ̀, ndèŋgànɛ̀lɛ̀ Èlìŋgɛ̀ yà Wòtani e ma gbeyà hwà mà imbama.