Hwègbèèlì 11:29 - Mokpwe: Bakwery (New Testament)

²⁹ O èŋgànɛ̀lɛ̀ hwà-òkòwèlì ò lì atanɛ la awu, wɔ̀ hwà mà tɛ̀yirzɛ̀ nanù ema tɔ̀ ima mɔ̀kɔ wa awu a ò òma lìwòŋgò ò hwatò ema hwa lòkɛ̀ Yerzù ò erzòòkà ya Jùdeyà.

Hwègbèèlì 11:29 ပူးပေါင်းရင်းမြစ်များ

Matiyò 25:17

Oŋgò mɔ̀ hvɛ wà hwekòlì hwehwakɛ hwe wòlì mɔ̀ hvɛ à mà gbeyà nyayi hvɔ̀kɔ nàa è wà wòrzò, rzìi à yàlɛ̀ mehvɛhvɛ hwekòlì hwehwakɛ hwe wòlì.

Yòwanìrzɛ̀ 2:2

Yerzù nà hwà-òkòwèlì hwa enì, wɔ̀ hvɛ hwa mà yòwɛ̀hwɛ ò lìŋgi lìhwa.

Hwègbèèlì 1:15

Ò eŋge hvònda, hwatò ema hwa mà lòkɛ̀ Yerzù hwa mà arzaŋganɛ ekì yɔ̀kɔ. Hwa mà hwɛ eyà ya hwègbe hwehwakɛ. Pètrò rzìi à tɛ̀mɛ̀ ò ŋmanyu ò ìtììtènì jà awu rzìi à òhwà nanù ema,

Hwègbèèlì 11:1

I àpɔ̀rzìtòlò na hwanɛyi hwàlòkèlì hwa erzòòkà ya arzɛ ya Jùdeyà hwà mà hweyà nanù ema hwaŋga hwatò ema hwa rza enje wònyà Yudà, wɔ̀ hvɛ hwà mà hweyà eyà ya Lohwà.

Hwègbèèlì 11:26

Nà òma à mà mò luwe, rzi a mò tìmbana ò mbòwà ya Antìyɔ̀kì. Wɔ̀ hwahwàkɛ hwà mà lìya aŋga na ŋmèmba mò mitelì natɛ̀ɛ na ŋma mɔ̀kɔ mòrzurzu. Hwà mà hwɛ lì òkòlɛ̀ ŋgìndì ndɛnɛ ya hwatò. O mbòwà ya Antìyɔ̀kì aŋga ndi hwàlòkèlì hwà mà lòme ò lì hwɛ̀lɛ̀hwɛ̀ hwànɔ̀ŋgèlì hwa ama Krirztò.

Hwègbèèlì 13:52

Hwàtò ema hwà mà lòkɛ̀ Yerzù ò mbòwa ya Antìyɔ̀kì hwà mà ònda na mɔ̀nyɛ̀ŋgì na Èlìŋgɛ̀ yà Wòtani.

Hwègbèèlì 14:20

Ndi ò mburza hvònda ema hwàlòkèlì hwa mà mò tòŋge, à tɛ̀mɛ̀nɛ̀ ò ŋmanyu rzìi à tìmba ò lì kpèeyà ò tenì yà eŋge mbòwà ndɛnɛ. Nà òma wùnyà wò mà yahwe, mɔ̀ nà Bànàbàrzì hwa mà ɛ̀ndɛ ò mbòwa ndɛnɛ yà Dɛ̀bì.

Hwègbèèlì 14:22

Tɔ ima èki ema hwà mà uke, hwà mà hwɛ lì òkòlɛ hwatò ema hwà mà lòkɛ̀ Yerzù na lì etìrzɛ mèèmà me awu aŋga nanù hwa ò alɛ̀mbɛ̀nɛ lì lòkɛ̀ la awu. Hwà mà hwɛ lì hwa òkòlɛ nanù ema, “I hwɛni lì akeyà rzayi-rzayi ja mètàkà ndèŋgàna je e kpèeyà ò lìkànèyà la ama Lohwɛ̀.”

Hwègbèèlì 24:17

O mburzà rzàyi-rzàyi ja meya ema imba na rza ɛndɛ ò Jèrurzalɛ̀mù nà mà ɛndɛ aŋga. Nà ma ɛndɛneya hwatò wa ami ŋmanà wòlì na ò lì ŋgbàà Lohwɛ̀ màhwèyà.

Hwègbèèlì 4:34

Tɔ̀ mɔ̀kɔ wà awu à rzi tàkeyà tɔ̀ yòma ò ìtììtènì jà awu. Ò hvònda nà hvònda tɛ, hwaŋga ema hwa mà òhva hwètò tɔ̀ màwòŋgì hwà ma mà àhwirzɛ̀, rzìi hwa jànà wòŋgò wòlì ema hwa mà àhwirzɛ̀ eŋge erzaŋgò,

Hwègbèèlì 6:1

O mburzà hvònda, na òma Mɔ̀rzɔ̀ŋgi mò hwàlòkèlì mò ma hwɛ lì òŋga, ò ma hwɛ lì arzarzòwɛ ò ìtììtènì ja wònyà Yudà ema hwà mà hwɛ lì òhwa e mbɔrzi ya Grìki na hwaŋga ema hwà mà òhwa e mbɔrzi ya e mbòwa. Hwàŋga ema hwà mà hwɛ lì òhwa e mbɔrzi ya Grìki, hwà mà hwɛ lì òhwa nanù ema, mekurze me awu me hwalana, me ndindahwa ò lì kàyi la wùnyà tɛ la wòlì.

Hwègbèèlì 9:19

O mburza ya hvònda ema mɔ̀ à mà lèè mòlèlì rzi e ŋginyà ya eni e timba. Rzàwòlò à mà lìya na hwàlòkèlì hwa ama Yerzù ŋgùrzu ja mèènyà ò mbòwa ya Dàmàrzkɔ̀rzì.

Hwègbèèlì 9:25

Ndi wùu wɔ̀kɔ, hwaŋga hwatò ema hwà mà òŋgama Rzàwòlò rzìi hwa mò wòwa hwa mò ika ò tenì ya mòrzayi, hwa mò rzìhwìrzɛ̀lɛ̀lɛ̀ ò hvòko ema è mà hwɛ ò èrzu ya kɔ̀tɔ̀ ema e ma lìŋga e mbòwa.

1 Kɔ̀rintìyà 13:5

È mòtò ema a uŋmɛ̀lɛ̀ e ndìŋgɛ a rza ambirzɛnɛ, a rza enje wɔ̀, a rza tata, a rza uta mawurze o ŋmèma mo eni.

Gàletìyà 2:10

Ndi hwà mà jo òhweyà nanù ema i rzi hvoŋga o lì oŋgowàna mèlìrza me hwatò. Ndeŋgànɛ̀lɛ̀ eyà eŋge ema imba nà mà lìŋgane o lì gbeyà rzayi-rzayi.