Hwègbèèlì 11:28 - Mokpwe: Bakwery (New Testament)

²⁸ Mɔ̀kɔ hwa hwaŋga hwà-òhwèlì hwa hwèlìŋgɛ̀ ema à mà hwɛ̀lɛ̀hwɛ̀ Agàbùrzì à mà tɛ̀mɛ̀ ò ŋmanyu. Nà e ŋginyà ya Èlìŋgɛ̀ yà Wòtani rzìi mɔ̀ à tɛ̀mɛ̀nɛ̀ ò ŋmanyu rzìi a òhwa nanù ema, “Njawò ndɛnɛ e hwɛnì lì jèeyà e rze ya arzɛ.” Ène eyà e ma gbèyɛ̀nɛ e hvònda ema Klàwɔ̀dìyùrzì à mà hwɛ e mòkànèlì.

Hwègbèèlì 11:28 ပူးပေါင်းရင်းမြစ်များ

Matiyò 24:14

Mònò ŋmɛ̀ndì mò gbamù lì hvòmɛ̀nɛ̀ lìkànèyà la ama Lohwà mò òhwahwa ò marzuku ma e rze ya arzɛ nàa mbòŋgi ò hwèkòmè, ndèŋgàna lìrzukù lì e ja.

Matiyò 24:7

Èkòmè yɔ̀kɔ e ò anana ehvɛhvɛ èkòmè, màkànèyà hvɛ mà ò ateŋgɛ̀nɛ̀. O ò hwɛ njawu na mònyìŋgìrzɛ̀nɛ̀ ò hwèki hwe arzɛ.

Lukàrzɛ̀ 2:1

O hwèŋge hwèyu, ema Àgurzitùrzì, Kayirzà yà Ròmànì à mà akɛlɛ e njàmbɛ̀, à ma hwatò hwa arzɛ ema hwa hwèlì ò rze yà lìkànèyà la eni, hwa ɛ̀ndɛ hwa tìle mìinà me awu.

Lukàrzɛ̀ 3:1

È hvònda ema è mòkànèlì Tìbɛ̀rìyàrzì a mà hwɛ è Kàyìrzà yà Ròmànì, ò hvòkà yà lìyòmɛ̀ la meya nà meta me lìkànèyà la eni, Eyà ya Lohwà e mà jèeya Yòwanìrzɛ̀, è ŋmanà wà ma Rzàkàriyà è hvònda ema a mà hwɛ ò mòrzanjɛ̀. Èŋge hvònda ndi Pòntìyùrzì Pìlatò a mà hwɛ è mòkànèlì hwà Jùdeyà. Hɛ̀rɔ̀dì mɔ̀ hvɛ ndi à ma hwɛ è mòkànèlì wà èkòmè ya Galìlì, ndèŋgà ŋmanyàŋgò Hvìlìpì hvɛ è mòkànèlì hwà èkòmè ya Ìturèyà nà èkòmè ya Tràkònitìrzì. Lìrzànìyàrzì hvɛ è mòkànèlì wa èkòmè ya Àbilɛ̀nì. Èŋge hvònda mɛnɛ ndi Anàrzì nà Kàyìhvàrzì hwa mà hwɛ Ipìlìrzì ì Karzamì.

Hwègbèèlì 18:2

Nà òma à mà uke aŋga à mà ùŋmanɛlɛ mòtò wa wònyà Yudà ema à mà hwɛ̀lɛ̀hwɛ̀ Akwìlà. Akwìlà à mà ŋyàhwɛlɛ ndi ò mbòwà ndɛnɛ ya Pòntìyùrzì. Mɔ̀ à mà uwɛ̀lɛ̀lɛ̀yi ndi mòhvènya ò èkòmè ya Itàlì na e jòjìyɛ̀ ya eni Prìrzìlà. Wɔ̀ hwà mà anjiya ò Itàlì ehwànja e Kàyirza ya Ròmànì, Klàwùdìyùrzì à mà akɛlɛ njàmbɛ̀ ama hwatò hwa arzɛ ema hwa hwèlì wònyà Yudà, hwa anjiye ò èkòmè ya Ròme. Pàwolò à mà ɛ̀ndɛ lì ɛnɛ Akwìlà na jòjìyɛ̀ wa eni.

Hwègbèèlì 21:10

O mburza hvònda ema irzɔ i ma akɛlɛ ŋgurzu ja mèenyà aŋga, mòòhwèlì mɔ̀kɔ wa èlìŋgɛ̀ ema à mà hwɛ̀lɛ̀hwɛ̀ Agàbùrzì rzìi a ɔ̀ndɔ̀ yɔ̀ndɔ̀ lì anjiya ò erzòòkà ya Jùdeyà ò lì jò jèeya.