Hwègbèèlì 11:20 - Mokpwe: Bakwery (New Testament)

²⁰ Ndi tɔ̀ nanù, lòŋgò la hwàlòkèlì ema hwà mà uwɛ̀lɛ̀lɛ̀yi ò mbòwa ya Rzàyìprɔ̀rzì na Rzìlènè, hwà mà ɛ̀ndɛ ò mbòwà ya Antìyɔ̀kì, hwà mà hwɛ lì òhweyà hvɛ hwatò hwa Grìki, na ò lì hwa òhweyà ŋmɛ̀ndì mò gbamù lì hvòmɛ̀nɛ̀ e Rzàŋgò Yerzù.

Hwègbèèlì 11:20 ပူးပေါင်းရင်းမြစ်များ

Matiyò 27:32

Nà òma hwà mà wurze lì ɛ̀ndɛ rzìi hwa taneya mòtò mɔ̀kɔ ema à mà uhwɛlɛlɛ ò mbòwa ya Rzilenì ema à ma hwɛ̀lɛ̀hwɛ̀ Rzìmɔ̀nì. Hwà mà mò tìnɛlɛ ò lì hwanɛ̀ è mbarza ya ama Yerzù na lì mò nɔ̀ŋgɔ ò mburza.

Yòwanìrzɛ̀ 7:35

Èŋge eyà è mà gbeyà hwatimbelì hwa wònyà Yudà hwa ijòwànɛ̀ mɔ̀kɔ nà ɔ̀nɛyi nanù ema, “One ònò mòtò à arza lì ɛndɛ ema irzɔ ì rza ò tànɛyi lì mò ɛnɛ e? À arza ndi lì ɛndɛ ò èkòmè yà Grìki ema hwatò hwa arzu hwa hwèlì e? Ò lì òkòlɛ hwatò hwa Grìki e?

Hwègbèèlì 11:19

O èŋgànɛ̀lɛ̀ rzɔ ò naŋgɛ, hwaŋga hwàlòkèlì ema hwà mà bùweyà ò lìŋgi lìrzakò la e kanjɛ̀-kanjɛ̀ lìrzakò ema Rztèhvànì à mà òŋwahwe, hwà mà ɛ̀ndɛ yɔ̀ndɔ̀ ya hvòò natɛ̀ɛ na ò hwèkòmè hwe, Hvɔ̀yènìrzìyà, Rzàyìprɔ̀rzì, na ò mbòwà ya Antìyɔ̀kì. Wɔ̀ hwà mà hwɛ lì ɛndɛ nanù, hwà mà òhweyà ndi hwatò hwa Yudà mɛnɛ ŋmɛ̀ndì mò gbamù.

Hwègbèèlì 11:22

Mòŋgò mòndeŋga mò ma hweyàhwà ò ŋmèmba mò hwatò hwa Jèrurzalɛ̀mù. O eŋgànɛ̀lɛ̀ hwà mà òma Bànàbàrzì ò mbòwà ya Antìyɔ̀kì ò lì ɛndɛ lì hwa ɛnɛ.

Hwègbèèlì 11:26

Nà òma à mà mò luwe, rzi a mò tìmbana ò mbòwà ya Antìyɔ̀kì. Wɔ̀ hwahwàkɛ hwà mà lìya aŋga na ŋmèmba mò mitelì natɛ̀ɛ na ŋma mɔ̀kɔ mòrzurzu. Hwà mà hwɛ lì òkòlɛ̀ ŋgìndì ndɛnɛ ya hwatò. O mbòwà ya Antìyɔ̀kì aŋga ndi hwàlòkèlì hwà mà lòme ò lì hwɛ̀lɛ̀hwɛ̀ hwànɔ̀ŋgèlì hwa ama Krirztò.

Hwègbèèlì 11:27

O ene hvònda ndi lòŋgò la hwà-òhwèlì hwa hwèlìŋgɛ̀ hwà mà anjiye ò mbòwa ya Jèrurzalɛ̀mù lì ɛ̀ndɛ ò mbòwà ya Antìyɔ̀kì.

Hwègbèèlì 13:1

O ŋmèmba ema mò hwèlì ò Antìyɔ̀kì lòŋgò la hwà-òhwèlì hwa hwèlìŋgɛ̀ na hwà-òkòlèlì hwà mà hwɛ aŋga. Hwàŋga hwatò hwà mà hwɛ ndi Bànàbàrzì, Rzimɔ̀nì (à mà hwɛ̀lɛ̀hwɛ̀ e Ŋmindò), Lùrzìyùrzì (ema à mà uwɛ̀lɛ̀lɛ̀yi ò Rzìlènè), Manayene (ema wɔ̀ na Hɛ̀rɔ̀dì e Gɔ̀winà hwà mà òŋgɛnɛ ekì yɔ̀kɔ), na Rzàwòlò.

Hwègbèèlì 14:26

Nà òma hwà mà uwɛ̀lɛ̀lɛ̀yi ò Atalìya hwà mà aka yulu, rzìi hwa tìmba ò Antìyɔ̀kì, èki ema hwà mà hwa kànɛlɛlɛ nanù ema e ndèli ya ama Lohwɛ̀ e hwa lìyɛlɛ ò èwòlò ema hwà mà kulɛ nàŋgɛ.

Hwègbèèlì 15:22

O èŋgànɛ̀lɛ̀ I àpɔ̀rzìtòlò na hwàtimbèlì hwa ŋmèmba na ŋmèmba mò arzɛ hwà mà kulɛ nanù ema, hwa hvɔ̀rzɔ̀ e hwa awu hwatò rzìi hwà hwa òma ò Antìyɔ̀kì mòndèŋge na Pàwolò na Bànàbàrzì. Wɔ̀ hwà mà hvɔ̀rzɔ̀ Jùdàrzì ema à mà hwɛ̀lɛ̀hwɛ̀ Bàrzabàrzì na Rzàyilàrzì, wunyanà ema hwà mà hwɛ hwàtimbèlì ò tenì ya hwàlòkèlì.

Hwègbèèlì 15:23

È kààtì ema hwà mà hwa òmane ò Antìyɔ̀kì e ma òhwa nanù ema, “Irzɔ I àpɔ̀rzìtòlò, na hwàtimbèlì hwa ŋmèmba, ema i hwèlì wònyànyàŋgò hwa anyu jò e òmelì inyɔ wònyànyàŋgò hwa arzu hwa arzɛ ema e rza enje wònyà Yudà iikɔ̀mi. Inyɔ ema e lìya ò mbòwà ndɛnɛ ya Antìyɔ̀kì ò erzòòkà ya Rzìrìyà na Rzìlirzìyà.

Hwègbèèlì 15:30

Nà òma hwà mà kulɛ lì tìla eŋge kààtì, hwà mà ɛndɛ lì lìyɛlɛ hwaŋga hwatò ò njiya ò yɔ̀ndɔ̀ ya awu ò Antìyɔ̀kì. Nà òma hwà mà uke aŋga, hwà mà rzaŋga hwàlòkèlì hwa arzɛ rzìi hwa hwà ŋgba eŋge kààtì.

Hwègbèèlì 17:18

Hwàtò ema hwà mà hwɛ ò ehvehva ema e ma hwɛ̀lɛ̀hwɛ̀ Èpìkòlìyànì na Rzìtɔ̀yìkì, wɔ hvɛ hwà mà wòteyà ò lì taa e hvenda na mɔ̀. Lòŋgò la awu hwà mà ijòwa nanù ema, “Mamɛ hvɛ ene ema tɔ̀ ònò hvɛ ema a rza òkòwɛ a arza ò lì òhwa e?” Hwahvɛhvɛ hwatò hwà mà òhwa nanù ema, “È gbèyi ndi nàa ò a ɛnɛ ema mɔ̀ à òhwa ndi ò lì hvòmɛ̀nɛ̀ mahvɛhvɛ mòhwà ma hwàyɛ̀nì.” Wɔ̀ hwà mà òhwa ndi nanù èhwanja Pàwolò à mà hwɛ lì òhwa lì hvòmɛ̀nɛ̀ ŋmɛ̀ndì mò gbamù mò ama Yerzù na hwèhvùmùwèlì.

Hwègbèèlì 18:22

È hvònda ema à mà ùke ò mbòwa ndɛnɛ ya Kàyìrzèrìyà, à mà agba ò mbòwà ndɛɛndɛ ya Jèrurzalɛ̀mù, ò lì kɔmɔ hwatò hwa ŋmèmba, rzìi a ɛndɛ ò mbòwa ndɛnɛ ya Antìyɔ̀kì.

Hwègbèèlì 2:10

ò hwèkòmè hwe Hvrìgìyà na Pàmhvilìya, ò èkòmè ya Ìjiptò na lòŋgò la hwèhvàrzù ò èkòmè ya Lìbiya, ò tòŋgòŋgò ya Rzirènè, lòŋgò la hwa irzɔ jò uwɛ̀lɛ̀lɛ̀yi ndi ò mbòwa ya Ròmànì.

Hwègbèèlì 4:36

Nànù ndi Jòrzɛ̀hvù mòtò wa lìtumba la ama Lɛ̀hvì, ema à mà uwɛ̀lɛ̀lɛ̀yi ò èkòmè ya Rzàyìprɔ̀rzì à mà gbeye. I àpɔ̀rzìtòlò i ma mò hwɛlɛ ndi Bànàbàrzì (jànda ja lìni lìna lì hwèlì ndi “Mòtò ema, a Kɔ̀mɛlɛ”).

Hwègbèèlì 5:42

Wùnyà na wùnyà tɛ hwà mà hwɛ lì ɛndɛ ò Ndawò yà Lohwà na ò indawò ja hwatò, hwà mà hwɛ lì òkòlɛ̀ hwatò na lì hwa òhwèyà ŋmɛ̀ndì mò gbamù mò ama Yerzù, è Mɔ̀ ema à Ɔ̀kirzɛ̀hwɛ̀yi.

Hwègbèèlì 6:1

O mburzà hvònda, na òma Mɔ̀rzɔ̀ŋgi mò hwàlòkèlì mò ma hwɛ lì òŋga, ò ma hwɛ lì arzarzòwɛ ò ìtììtènì ja wònyà Yudà ema hwà mà hwɛ lì òhwa e mbɔrzi ya Grìki na hwaŋga ema hwà mà òhwa e mbɔrzi ya e mbòwa. Hwàŋga ema hwà mà hwɛ lì òhwa e mbɔrzi ya Grìki, hwà mà hwɛ lì òhwa nanù ema, mekurze me awu me hwalana, me ndindahwa ò lì kàyi la wùnyà tɛ la wòlì.

Hwègbèèlì 6:5

Ène eyà ema I àpɔ̀rzìtòlò i ma òhwe e ma lìŋgìrzɛ e ŋgìndì ya arzɛ. Aŋga ndi hwa a hvɔ̀rzɔ̀ Rzìtehvànɛ mɔ̀kɔ ema à mà òhva lìlòkɛ̀ la ŋginyà à mà ònda hvɛ na Èlìŋgɛ̀ yà Wòtani, hwà mà hvɔ̀rzɔ̀ hvɛ Hvìlìpì, Pròkòrùrzì, Nìkanò, Tìmɔ̀nɛ̀, Pàmɛ̀nàrzì na Nìkòlàrzì. Nìkòlàrzì à mà uwɛ̀lɛ̀lɛ̀yi ndi ò mbòwa ya Antìyɔ̀kì a rzi hwɛ ndi mòtò wà Yudà, ndi à mà òŋgama lìlòkɛ̀ la wònyà Yudà.

Hwègbèèlì 6:9

Ndi lòŋgò la hwatò hwà mà wòteyà lì tɔ̀wɔ na mɔ̀. Hwàŋga hwatò hwà mà hwɛ ndi hwatò ema hwà mà uwɛ̀lɛ̀lɛ̀yi ò e ŋgindi ya hwatò ema hwɛ lì ɛndɛ ò e ndawò ya màkànɛ ŋgɛ̀lɛŋgɛlɛ ema e ma hwɛ̀lɛ̀hwɛ̀ ndi e ndawò ya màkanɛ̀ ya hwàkòmì ema hwa rza enje hwàkòmì hvɛ. Hwàŋga hwatò hwà mà hwɛ ndi hwa wònyà Yudà ema hwà mà uwɛ̀lɛ̀lɛ̀yi ò mambòwà mà Rzìrènè na Alɛ̀rzàndrìyà. Wɔ̀ na hwahvɛhvɛ hwatò hwa wònyà Yudà ema hwà mà uwɛ̀lɛ̀lɛ̀yi ò hwèrzòòkà hwe Rzìlirzìyà na Èrzìyà, wɔ̀ hwà mà wòteyà lì tɔ̀wɔ na Rzìtehvànɛ.

Hwègbèèlì 8:35

Hvìlìpì rzìi a wòteyà lì mò òhweyà Ŋmɛ̀ndì mò Gbamù mò ama Yerzù, rzìi a mò telɛlɛ hweyà hwe arzɛ ò lì wòteyà na ene èhvàrzù.

Hwègbèèlì 8:5

Hvìlìpì mɔ̀ à mà ɛndɛ ò mbòwa ndɛnɛ hvɔ̀kɔ yà erzòòkà yà Rzàmàrìyà, rzìi a à hwa òhweyà Ŋmɛ̀ndì mò Gbamù mò è Mɔ̀ ema à Ɔ̀kirzɛ̀hwɛ̀yi.

Hwègbèèlì 9:20

O lìwòkimɛnɛ a wòteyà lì òhwa eyà ya Lohwà ò tenì ya i ndawò ja màkanɛ̀ nanù ema, Yerzù ndi à hwèlì è Ŋmanà wà ama Lohwɛ̀.

Hwègbèèlì 9:29

Mɔ̀ à mà òhwa na lì kanja hvɛ hwatò hwa wònyà Yudà ema hwà mà hwɛ lì òhwa e mbɔrzi ya Grìki. Rzìi hwa wòteyà lì lùtèyà ŋmanò mò lì mò òŋwa.

1 Kɔ̀rintìyà 2:2

Nà omà nà mà hwɛ na inyɔ, nà mà àwòhwànɛ̀lɛ̀ na imba mbiti nanù ema na rza gbeyà hvɛ tɔ̀ eyà lì aka tɛ o lì ohwa lì hvomɛ̀nɛ̀ Yerzù Krirztò na e kpelì ema à mà ŋwèeyà o mbarza.

Gàletìyà 2:11

Ndi è hvonda ema Pètrò à mà jèe ò mbowà ya Antìyɔ̀kì, nà mà mò kanja ò mote èhwanja à mà hwɛ lì gbeyà hweyà ema hwe rzi lɔ̀wu.

Ɛ̀hvìrzìyà 3:8

Tɔ̀ nɛ nà rza hwɛnɛ wòlìto ò ìtììtènì ja hwatò hwa ama Lohwɛ̀, Lohwɛ̀ à mà nò ŋgbà è ndèli yà eni ò lì ohweyà hwaŋga hwatò ema hwa rza enje wònyà Yudà lì hvomɛ̀nɛ̀ mònàmɛ̀ ema Krirztò à ŋgbà. Tɔ̀ mòtò wà hwènàmà à rza tànɛyi lì hwiya nɛ̀ mono mònàmɛ̀ mò hwèlì.