Hwègbèèlì 10:45 - Mokpwe: Bakwery (New Testament)

⁴⁵ Hwàtò hwa Yudà ema hwa mà lòkɛ̀ Yerzù ema hwa mà uwɛ̀lɛ̀lɛ̀yi ò Jopà nà Pètrò, hwa mà tàmà rzayi-rzayi ò lì ɛnɛ nanù ema Lohwɛ̀ à ŋgbelì hvɛ hwatò ema hwa rza enje wònyà Yudà jàhwèyà jà eni jà Èlìŋgɛ̀ yà Wòtani.

Hwègbèèlì 10:45 ပူးပေါင်းရင်းမြစ်များ

Hwègbèèlì 10:23

Pètrò à mà kpɛlɛ hwaŋga hwatò ò ndawò. A hwa talɛlɛ mànɔ̀ŋgɔ̀ ema hwà mà akɛlɛlɛ wuu. O wònɛyi wùnyà, mɔ̀ à mà wòŋgirzɛnɛ rzìi a ɛndɛ na wɔ̀. Lòŋgò la hwàlòkèlì hwa e mbòwa ya Jopà hwà mà ɛndɛ na mɔ̀.

Hwègbèèlì 11:2

O èŋgànɛ̀lɛ̀ rzɔ, na òma Pètrò à mà timbe ò mbòwà ya Jèrurzalɛ̀mù, hwaŋga hwatò ema hwà mà hwɛ lì òhwa nanù ema, hwa hwɛni lì enda hwaŋga hwatò ema hwa rza enje wònyà Yudà, hwa wòteyà lì mò kikòwa nanù ema,

Hwègbèèlì 11:3

“Mamɛ ndeŋgatɛ ò ma ɛndɛ ò mandawò ma hwatò ema hwa rza enje wònyà Yudà ema hwa rza endàhwɛ̀ e? Nàtɛ̀ɛ ò wa na wɔ̀ e ma laalɛnɛ ò ekì yɔ̀kɔ.”

Hwègbèèlì 2:33

Lohwɛ̀ à mà mò ŋgba kònda yà èluhwe ò lìya là eni là mòmɛ̀. Ndeŋgànɛ̀lɛ̀ à mà mò ŋgba Èlìŋgɛ̀ yà Wòtani ema à mà òhwe nanù ema à ò mò ŋgba. Yerzù mɔ̀ hvɛ à mà jò ŋgba eŋge èlìŋgɛ̀ ndèŋgànɛ̀lɛ̀ yɔ̀ ndi è gbèyi ema inyɔ è ɛnɛ̀ nà lì hweyà tɔ̀ mamɛ ema è gbèyɛ̀nɛ̀ yàwònò.

Hwègbèèlì 2:38

Pètrò rzìi a hwa alàhwɛ̀ nanù ema, “Tɔ̀ ima mɔ̀ wa anyu a tikòwe ò hwɛ̀ɛ̀mɛ̀ hwe wòhwe a timbeya Lohwɛ̀ rzìi a lùhwìrzɛ̀hwɛ̀ ò lìna la ama Yerzù Krirztò, aŋga nanù Lohwɛ̀ a e làkirzɛ ò wòhwe wò anyu. Ndeŋgana Lohwɛ̀ a e ŋgba jàhwèyà ja eni ja Èlìŋgɛ̀ yà Wòtani.

Ròmànì 5:5

Jò òhvi tɛ lìhvìtà i rza timbana màa matò. Èhwanja Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, na òma a mà gbeyɛ e ndìŋgɛ ya eni ò lì kpèeyà ò mèèmà me arzu. À mà gbeyà ene na òma a jò ŋgbelì Èlìŋgɛ̀ yà eni yà Wòtani.

Gàletìyà 2:15

Irzɔ ema o hwèŋyàyèlì i hwèlì ndi wònyà Yudà, i rza enje ndi nàa hwatò ema hwa rza enje wònyà Yudà ema irzɔ i hwi nanù ema hwa rza hwi e mbenda ya ama Lohwɛ̀.

Ɛ̀hvìrzìyà 2:11

Inyɔ ema e rza enje hwatò hwa wònyà Yudà e ɔ̀ŋgɛ̀lɛ na oma o marzalɛ wònyà Yuda ema hwa ahwɛlɛ wɔ̀ hwiti nanù ema, “hwatò ema hwa endahwi,” hwà mà hwɛ lì e hwɛlɛ nanù ema, “hwatò ema hwa rza endàhwɛ̀.” (Ndi lì endàhwà la anyu la nyo lì hwèlì ndi mamɛ ema e mòtò hwa hwènàmà a gbeyàna lìya la eni).