Hwègbèèlì 10:36 - Mokpwe: Bakwery (New Testament)

³⁶ Inyɔ e hwi ŋmɛ̀ndì ema Lohwɛ̀ à mà òmeya hwatò hwa Irzàyɛ̀lì. Mòŋgò ŋmɛ̀ndì, mò ma hwɛ ndi lì hvòmɛ̀nɛ̀ hweyòhwèlì hwe Ŋmɛ̀ndì mò Gbamù mò ɛ̀yɔ̀lɛ̀, ema mò ma jɛ̀ɛ̀ ò lì akeyà na Yerzù Krirztò. Mɔ̀ ndi à hwèlì Rzàŋgò ya hwatò hwa arzɛ.

Hwègbèèlì 10:36 ပူးပေါင်းရင်းမြစ်များ

Matiyò 10:6

Ndi e ɛ̀ndɛ ndi ò hwatò hwa Irzàyɛ̀lì. Hwa hwèlì ndì nàa mɛ̀lɛ̀ŋgù ema me ma wɔ̀ɔ.

Matiyò 11:27

“Tatɛ̀ wa ami a nò ŋgbelì hweyà hwe arzɛ ò màà mà ami. Tɔ̀ mòtò a rza hwi a hwiya e ŋmanà lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi a hwiya nɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.

Matiyò 28:18

Yerzù rzìi a tòmbeya lì hwa kòmbɛnɛ rzìi a hwa òhweyà nanù ema, “Nà ŋgbààhwi wònja ò lìkànèyà la ŋmanyu na e rze.

Lukàrzɛ̀ 1:79

Mònò mòrzɔnji-rzɔnji mò igbèyi, mò ò uŋmɛ̀lɛ̀ hwaŋga hwatò ema hwa hwèlì ò jìtìtì, nà è wɔ̀ hvɛ ema hwa kòmbɛ̀nɛ̀ è kpelì, ŋmàye. Ndèŋgàna irzɔ jò ò lùwa lìhwiyè ema lì jò uŋmɛ̀lɛ̀ è njiya ema e jànà lòŋgɛ la ɛ̀yɔ̀lɛ̀.”

Lukàrzɛ̀ 24:47

È tìlahwì nanù ema, hwatò hwa òhwe Ŋmɛ̀ndì mò Gbamù ò hwekòmɛ̀ hwe àrzɛ ema, hwatò hwa ayèŋgòwɛ̀ ò wòhwe wò awu ò lìinà la ama Yerzù, aŋga nanù Lohwɛ̀ a hwà làkìrzɛ̀ wòhwe wò awu. Hwa wòteya lì òhwa Ŋmɛ̀ndì mò Gbamù ò Jèrurzalɛ̀mù.

Hwègbèèlì 10:37

Ndeŋgànɛ̀lɛ̀ e hwi eyà ema e ma gbèyɛ̀nɛ ò hwèrzòòkà hwe arzɛ hwe Jùdeyà, lì wòteyà ò Gàlìlì. Ène eyà e ma hwɛ ndi ò mburza hvònda ema Yòwanìrzɛ̀ à mà òhweyà hwatò lì hvòmɛ̀nɛ̀ lì lùhwìrzɛ̀.

Hwègbèèlì 11:19

O èŋgànɛ̀lɛ̀ rzɔ ò naŋgɛ, hwaŋga hwàlòkèlì ema hwà mà bùweyà ò lìŋgi lìrzakò la e kanjɛ̀-kanjɛ̀ lìrzakò ema Rztèhvànì à mà òŋwahwe, hwà mà ɛ̀ndɛ yɔ̀ndɔ̀ ya hvòò natɛ̀ɛ na ò hwèkòmè hwe, Hvɔ̀yènìrzìyà, Rzàyìprɔ̀rzì, na ò mbòwà ya Antìyɔ̀kì. Wɔ̀ hwà mà hwɛ lì ɛndɛ nanù, hwà mà òhweyà ndi hwatò hwa Yudà mɛnɛ ŋmɛ̀ndì mò gbamù.

Hwègbèèlì 13:32

Nàŋgɛ rzɔ̀ mòŋgò Ŋmɛ̀ndì mò Gbamù mɔ̀ ndi ì mà è jàneyà. Mòŋgò ŋmɛ̀ndì mò hwèlì ndi nanù ema eyà ema Lohwɛ̀ à mà òhwe nanù ema à ŋgba irzàŋgo jà arzu mɔ̀ à mà è òndìrzɛ̀ lì akeyà nà irzɔ.

Hwègbèèlì 13:46

Ndi Pàwolò na Bànàbàrzì hwà mà hwɛ ndi lì òhwa nanù mɛnɛ e rzi hwɛ lì òka wɔ̀ŋgɔ̀. Hwà mà hwɛ lì òhwa nanù ema, “Inyɔ wònyà Yudà, inyɔ ndi e ma àŋgàmɛ̀nɛ̀ lì lòma lì òhwa eyà ya ama Lohwɛ̀. Kanatɛ inyɔ ye e rzɔ̀rzi, ndèŋgànɛlɛ na òma inyɔ hvɛ e rza awòwɛ̀ nàa hwatò ema hwa àŋgàmɛ̀nɛ̀yi lì òhva lòŋgɛ la gbìndèyà, ò naŋgɛ nanù, irzɔ je e hwɛmɛ ò lì àyiŋgòwɛ̀lɛ̀lɛ̀ hwaŋga hwatò ema hwa rza enje wònyà Yudà.

Hwègbèèlì 2:36

Petrò rzìi a hwatɛ hvɛ ò lì òhwa nanù ema, “O eŋgànɛlɛ rzɔ inyɔ hwa arzɛ hwatò hwa Irzàyɛ̀lì e hwɛni lì hwiye na e jɔ̀kɛ̀ nanù ema, ò nò Yerzù ema inyɔ e ma wòmeyà ò mbarza mɔ̀ ndi à hwèlì e mɔ̀ ema Lohwɛ̀ à mà gbeyɛ, e Rzàŋgò ndèŋgànɛ̀lɛ̀ mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.”

Hwègbèèlì 5:31

Lohwɛ̀ à mà mò kàrzɛ, rzìi à mò ika ò lìya là eni là mòmɛ̀ nàa Mòtìmbèlì nà è Mòrzùŋgèlì. À mà gbeyà ndi nanù èhwanja, à uŋmɛ̀lɛ̀ hwatò hwa Irzàyɛ̀lì è njiya yà lì hwɛ̀mɛ̀ hwɛ̀ɛ̀mɛ̀ hwe awu hwe wòhwe aŋga nanù, Lohwɛ̀ à ò hwa làkìrzɛ̀ wòhwe wò awu.

Ròmànì 14:9

Lìtìŋga ndèŋgàtɛ̀ Krirztò à mà ŋwa, rzi a hvùmùwà, rzi a hwɛ ò lòŋgɛ, aŋga nanù mɔ̀ à hwɛ e Rzàŋgò ya hwatò ema hwà mà ŋwɛɛ na hwatò ema hwa hwèlì lòŋgɛ.

Ròmànì 5:1

O èŋgànɛ̀lɛ̀ rzɔ, na òma lìlòkɛ̀ la arzu lì ma gbeyɛ Lohwɛ̀ ò lì jò wòwa nàa hwatò ema hwa tɛmi ehve-ehve ò wòrzò wò eni, i lu ɛ̀yɔ̀lɛ̀ na Lohwɛ̀. È Rzàŋgò ya arzu Yerzù Krirztò yɔ ndi e gbèyi ndèŋgàna Lohwɛ̀ a e jò ŋgba ɛ̀yɔ̀lɛ̀.

1 Kɔ̀rintìyà 15:27

È tìlàhwì ò kààtì yà Lohwà nanù ema, “Lohwɛ̀ à ikayi hwèèmà hwe arzɛ ò rze yà màtàŋgà mà eni.” Ndi nà è jɔ̀kɛ̀ è òhwàhwì nanù ema, hweyà hwe arzɛ ema Lohwɛ̀ à ohwi ema à ika ò rze yà ama Krirztò, Mɔ̀ ŋmìti à rza enje aŋga.

1 Kɔ̀rintìyà 15:47

Adàmu e mòtò wa worzò, à mà wèkahwà ndi na mɔ̀nyɛ̀ mo rze, à mà uwɛ̀lɛ̀lɛ̀yi ndi o mɔ̀nyɛ̀. È Adàmu ema e ma jà hvɛ ema uwɛ̀lɛ̀lɛ̀yi ndi o ŋmanyu a Lohwà.

Hvìlipìyà 2:11

Hwàto hwa arzɛ hwa o ohwa nanù ema Yerzù Krirztò ndi à hwèlì e Rzàŋgo. Aŋga nanù Lohwɛ̀ ema a hwèlì e Tatɛ̀ a o luwa èluhwe.

Kòlòrzìyà 1:20

Lohwɛ̀ à mà gbeyà ndi nanù, aŋga nanù hwèèmà hwe arzɛ hwe ò mò jèeyà ò rze yà eni ò lì akeyà nà Krirztò. Hwene hwèmà hwe hwèlì ndi è hweyɔ hwe anu rze yà mɔ̀nyɛ̀ nà è hwè ŋmanyu yà lohwà, ehwànja è ŋmanà wà eni à mà kòma màyija mà eni ò mbàrza. Ò nàŋgɛ nanù hwèèmà hwe arzɛ hwe tànɛyi lì hwɛ ò ɛ̀yɔ̀lɛ̀ nà Lohwɛ̀.

Hibrù 1:2

Ndì ò mene mèènyà me lìrzùkù rzɔ, Lohwɛ̀ à jò òhwìrzɛ̀nɛ̀ ndi lì akeyà nà è Ŋmanà wà eni. Lì akeyà nà mɔ̀ ndi Lohwɛ̀ à mà wèke è ŋmanyu yà lohwà nà rze yà mɔ̀nyɛ̀. Ndeŋgànɛ̀lɛ̀ mɔ̀ ndi Lohwɛ̀ à hvɔ̀rzì nanù ema a hwɛni ewèkèlì ya arzɛ ema Lohwɛ̀ à mà wèkɛ.

Hibrù 13:20

O eŋgànɛ̀lɛ̀ rzɔ, Lohwɛ̀ ndi à ŋgba hwatò ɛ̀yɔ̀lɛ̀, ndeŋgànɛ̀lɛ̀ mɔ̀ ndi à hvùmùlɛ̀ Yerzù, e Rzàŋgo ya arzu. Yerzù mɔ̀ à hwèlì e Mɔ̀ŋgèlì ema e imbami wa Mɛ̀lɛ̀ŋgù ema hwà mà gbeyànɛ màyija ma eni o lì gbeyà lì emeyà la mòlìkɛ̀ o ìtììtènì ja ama Lohwɛ̀ na mɛ̀ɛlɛ̀ŋgù me eni.

1 Pètrò 3:22

Krirztò ema mɔ̀ à mà ɛndɛ ò ŋmanyu yà lohwà ndèŋganɛlɛ à lìyàyi ò ehvàrzu yà lìya là momɛ̀ là ama Lohwɛ̀, à kànèyà i aŋgèlì jà arzɛ, hwàkànèlì hwa arzɛ nà iŋginyà ja arzɛ ja ŋmanyu.

Hwèwulùwèlì 1:18

Imba ndi na hwèlì oŋgo ema a hwèlì lòŋgɛ. Nà ma ŋwa, ndi o naŋgɛ na hwèlì lòŋgɛ o gbìndèyà na o gbìndèyà. Ndeŋgànɛ̀lɛ̀ na kànèyà e mbowà ya e kpelì.

Hwèwulùwèlì 1:5

Yerzù Krirztò mɔ̀ hvɛ à è omelì è ndèli nà ɛ̀yɔ̀lɛ̀. Mɔ̀ ndi à hwèlì è mɔ̀ ema à ohwa è jɔ̀kɛ̀ lì hvomɛ̀nɛ Lohwɛ̀ nyayi ema ì hwi nanù ema è hwèlì è jɔ̀kɛ̀. Mɔ̀ ndi à hwèlì è mòtò wà worzo ema à lomi lì hvùmùlɛ, ndèŋgànɛ̀lɛ̀ mɔ̀ ndi à hwèlì è mòkànèlì hwa ikìŋgɛ jà ene rze. À jò lìŋgàni, ndèŋganɛlɛ mɔ̀ à mà gbeyà wòhwe wò rza jò kànèyà hvɛ nà oma mɔ̀ à jo ŋwèlɛ̀lɛ̀yì ò mèyohvo mè arzu.

Hwèwulùwèlì 17:14

Hwa ò teŋgɛ̀nɛ̀ ò lì anàna è Ŋguma yà Mɔ̀lɛ̀ŋgù njùma. Ndi è Ŋguma yà Mɔ̀lɛ̀ŋgù è ò hwa rzùùwanà ehwànja mɔ̀ ndi à hwèlì è Rzàŋgo yà hwatò hwa arzɛ ndèŋgànɛ̀lɛ̀ à hwèlì ndi è Kìŋgɛ yà ikìŋgɛ jà arzɛ. À hwèlì nà hwatò hwa eni ema Lohwɛ̀ à mà hwɛlɛ nà lì hvɔ̀rzɔ̀, ema hwa mò gbèeyà nà ŋmèmà mɔ̀kɔ.”

Hwèwulùwèlì 19:16

O mòŋgòmbè mo eni na o e rzorzo ya eni lìni lìnà lì tìlahwi aŋga nanù ema, “Kiŋgɛ wa ikiŋgɛ ja arzɛ na e Rzàŋgo ya irzaŋgo ja arzɛ.”