Hwègbèèlì 10:32 - Mokpwe: Bakwery (New Testament)

³² Oma mòtò mɔ̀kɔ ò mbòwà ya Jopà, ò ma mòtò mɔ̀kɔ ema lìinà la eni lì hwèlì ndi Rzìmɔ̀nì Pètrò. A hwèlì ndi ŋmɛ̀nì ò ndawò ya ama Rzìmɔ̀nì ema èwòlò ya eni e hwèlì ndi ò lì rzèeyà mèyòwò me nyàmà. A lìya ndi ò rzààwà ya ŋmanjà.’

Hwègbèèlì 10:32 ပူးပေါင်းရင်းမြစ်များ

Yòwanìrzɛ̀ 18:28

Nàŋgɛ rzɔ hwatò hwa Yudà rzi hwa tìmba Yerzù hwa mò anjiyana ò ndawò ya ama Kàyìhvàrzì natɛ̀ɛ na ò màandà mà ama e Gɔhwina ya Ròmànì. Ènè, e ma hwɛ ndi ò ekpà ya arzɛ. Wɔ̀ hwà mà òka wɔ̀ŋgɔ̀ ò lì kpèeyà ò ndawò èhwanja hwa rzì arze nanù ema hwa ɛneya kɔ̀wu-kɔ̀wu ò wòrzò wò ama Lohwɛ̀ ò lì arza nanù ema hwa le mòlelì mò Ndèma yà lì Akà Ɔnɛ̀yi.

Yòwanìrzɛ̀ 4:9

Oŋgò mòlanà wa Rzàmàrìyà rzìi a mò alàhwɛ̀ nanù ema, “O hwèlì ndi mòtò wà Yudà, imba hvɛ mòlanà wa Rzàmàrìyà. Nɛ rzɔ ò wa ò tànɛyi lì nò ijòwa ema na ò ŋgbee malìhwà mà lì nyɔ e?” (Èhwanja hwatò hwa Yudà hwa rzi lɛ̀ŋgɛ na hwatò hwa Rzàmàrìyà).

Hwègbèèlì 10:31

òŋgò mòtò rzìi à òhwa nanù ema, ‘Kɔ̀nɛlìyùrzì, Lohwɛ̀ à mà hweyà lì kanɛ̀ là aŋgɔ̀. Ndeŋgànɛ̀lɛ̀ à mà ɔ̀ŋgɛ̀lɛ̀ hwèwòlò hwe aŋgɔ̀ hwe lì òŋgòwàna la mèlìrza me hwatò.

Hwègbèèlì 10:33

Ɔ̀ndeŋgàtɛ̀ nà mà ò yòhwɛ ŋgelì hvɔ̀kɔ, ndeŋgànɛ̀lɛ̀ ò gbèyi gbamù ò lì jà. O naŋgɛ nanù, irzɔ hwa arzɛ i hwèlì anu ndèŋgànà Lohwɛ̀ a hwèlì na irzɔ. I hwèlì ò lì ambɛ̀lɛ̀ lì hweyà tɔ̀ mamɛ ema Rzàŋgò Lohwɛ̀ a ò òhwèlì nanù ema ò jò òhweyà.”

Hwègbèèlì 10:5

O naŋgɛ nanù, òma lòŋgò la hwatò ò mbòwà ya Jopà ò ma mòtò mɔ̀kɔ ema lìinà la eni lì hwèlì ndi Rzìmɔ̀nì Pètrò.

Hwègbèèlì 11:14

Mɔ̀ à jèlì tɛ à è òhweyà mòndeŋga ema mò gbeyà Lohwɛ̀ à ò rzùŋgà lòŋgɛ là aŋgɔ̀ nà lìtumba là aŋgɔ̀.’

Hwègbèèlì 11:3

“Mamɛ ndeŋgatɛ ò ma ɛndɛ ò mandawò ma hwatò ema hwa rza enje wònyà Yudà ema hwa rza endàhwɛ̀ e? Nàtɛ̀ɛ ò wa na wɔ̀ e ma laalɛnɛ ò ekì yɔ̀kɔ.”

Hwègbèèlì 15:7

O mburzà lì chakumɛlɛ ema lì ma wawa, Pètrò rzìi a tɛ̀mɛ̀ ò ŋmanyu rzìi a hwa òhweyà nanù ema, “Ìi wònyànyàŋgò ami kòkò, e hwi nanù ema Lohwɛ̀ à mà nò hvɔ̀rzɔ̀ ò ìtììtènì ja anyu, ò lì òhweyà hwatò ema hwa rza enje wònyà Yudà Ŋmɛ̀ndì mò Gbamù aŋga nanù wɔ̀ hwa mò hweyà rzìi hwa mò lòkɛ̀.

Hwègbèèlì 16:9

O wòŋgò wuu, Pàwolò à mà ɛnɛ jɛ̀nɛni. O iŋgi jɛ̀nɛ̀nì à mà ɛnɛ munyanà wa erzòòkà ya Màrzèdonìyà ema à mà tɛ̀mɛ̀ rzìi a à mò rzòrzòmeya nanù ema, “Jà ò Màrzèdonìyà ò jò òŋgòwane.”

Hwègbèèlì 9:43

Pètrò à mà lìya ò mbòwa ya Jopà ŋgurzu ja mèenyà hvɛ. A ma lìya ò ndawò ya ama munyanà mɔ̀kɔ ema èwòlò ya eni e ma hwɛ ndi ò lì rzeeya meyòwò me nyàmà ema à mà hwɛ̀lɛ̀hwɛ̀ Rzimɔ̀ni.

Hwègbèèlì 9:6

Ò nàŋgɛ̀ rzɔ tɛ̀mɛ̀nɛ̀ ò ŋmanyu ò ɛndɛ ò kpèeyà ò eŋge mbòwà ndɛ̀ɛ̀ndɛ̀, ò òhwàhwɛlɛ mamɛ ema ò hwɛni lì gbeyà.”