Hwègbèèlì 10:28 - Mokpwe: Bakwery (New Testament)

²⁸ A ma òhweyà hwaŋga hwatò nanù ema, “È hwi na e jɔ̀kɛ̀ nanù ema, e teŋgɛ̀nɛ̀yi e mbenda ya arzu nanù ema, mòtò ema a hwèlì wa wònyà Yudà a rza kanɛ̀ lì lata na tɔ̀ ohvɛhvɛ mòtò ema a rza enje wònyà Yudà. Ndi Lohwɛ̀ à mà nò uŋmɛ̀lɛ̀ nanù ema na rza hwɛni lì hwɛlɛ tɔ̀ mòtò tɔ̀ mɔ̀kɔ ema a rza rzaŋgi tɔ̀ nanù ema a hwèlì mbìndò ò wòrzò wò ama Lohwɛ̀.

Hwègbèèlì 10:28 ပူးပေါင်းရင်းမြစ်များ

Makòrzì 7:2

Hwa mà ayèmbɛ nanù ema hwà-òkòwèlì hwà mà Yerzù hwà mà làa mòlelì na màà mà mbìndò ema mà rzi rzòrzahwɛ̀, e nyayi ema Ihvalìrzàyì hwà mà arze ema nàa ɛ̀ɛ̀mɛ̀ ya awu ma rzòrzahwe.

Lukàrzɛ̀ 18:11

“È Hvàlìrzàyì è ma tɛ̀mɛ̀ ò ŋmanyu rzìi e kànɛ ò ŋmèma mò eni nanù ema, ‘Ìi Lohwɛ̀ nà rzòmì, èhwanja nà rza enje nàa hwanɛ̀yi hwatò ema hwa hvùmànà hwatò hweemà, hwa lɔ̀kɔ̀ hwanɛ̀yi, è wɔ̀ hwa mòrzònje ò màhwa. Nà ò rzòmì èhwanja nà rza ènje nàa ò nò mòrzàŋgèlì wà è njàŋge yà lìkànèyà.

Yòwanìrzɛ̀ 18:28

Nàŋgɛ rzɔ hwatò hwa Yudà rzi hwa tìmba Yerzù hwa mò anjiyana ò ndawò ya ama Kàyìhvàrzì natɛ̀ɛ na ò màandà mà ama e Gɔhwina ya Ròmànì. Ènè, e ma hwɛ ndi ò ekpà ya arzɛ. Wɔ̀ hwà mà òka wɔ̀ŋgɔ̀ ò lì kpèeyà ò ndawò èhwanja hwa rzì arze nanù ema hwa ɛneya kɔ̀wu-kɔ̀wu ò wòrzò wò ama Lohwɛ̀ ò lì arza nanù ema hwa le mòlelì mò Ndèma yà lì Akà Ɔnɛ̀yi.

Yòwanìrzɛ̀ 4:27

Liŋgi lìrzakò mɛnɛ Hwà-òkòwèlì hwà mà Yerzù, rzìi hwa tìmba ò lì mò ùŋmanɛlɛ. Wɔ̀ hwà mà tàmà ò lì ùŋmanɛlɛ Yerzù mɔ̀ ndi à hwèlì a òhwìrzɛ̀nɛ̀ e mòlanà. Ndi tɔ̀ mɔ̀kɔ wa awu a rzi ijòwe nanù ema, “Mamɛ ò arza e?” Tɔ̀ “Mamɛ ndeŋgatɛ ò òhwìrzɛ̀nɛ̀ ònò mòlanà e?”

Yòwanìrzɛ̀ 4:9

Oŋgò mòlanà wa Rzàmàrìyà rzìi a mò alàhwɛ̀ nanù ema, “O hwèlì ndi mòtò wà Yudà, imba hvɛ mòlanà wa Rzàmàrìyà. Nɛ rzɔ ò wa ò tànɛyi lì nò ijòwa ema na ò ŋgbee malìhwà mà lì nyɔ e?” (Èhwanja hwatò hwa Yudà hwa rzi lɛ̀ŋgɛ na hwatò hwa Rzàmàrìyà).

Hwègbèèlì 10:29

O eŋgànɛ̀lɛ̀ rzɔ, na òma ò ma nò yòhwɛ, nà mà tɛ̀mɛ̀nɛ̀ ŋgelì hvɔ̀kɔ ndèŋgànɛ̀lɛ̀ na rzi òhve tɔ̀ lìtiŋga ò lì rzɔ̀rzɔ̀ nanù ema na rza jà. Nà ò ijòwa rzɔ nanù ema, mamɛ ndeŋgatɛ ò ma nò yòhwɛ rzɔ e?”

Hwègbèèlì 11:9

Lìŋgi lìlò lì mà òhwa ò ŋmanyu yà lohwà è ŋgelì ema è mà ùkirzɛ̀ ihwakɛ nanù ema, ‘Ò rzi wòwà tɔ̀ yòma tɔ̀ yɔ̀kɔ ema Lohwɛ̀ à òhwi nanù ema è rzàŋgì nanù ema è rza rzàŋgì.’