Hwègbèèlì 10:23 - Mokpwe: Bakwery (New Testament)

²³ Pètrò à mà kpɛlɛ hwaŋga hwatò ò ndawò. A hwa talɛlɛ mànɔ̀ŋgɔ̀ ema hwà mà akɛlɛlɛ wuu. O wònɛyi wùnyà, mɔ̀ à mà wòŋgirzɛnɛ rzìi a ɛndɛ na wɔ̀. Lòŋgò la hwàlòkèlì hwa e mbòwa ya Jopà hwà mà ɛndɛ na mɔ̀.

Hwègbèèlì 10:23 ပူးပေါင်းရင်းမြစ်များ

Hwègbèèlì 1:15

Ò eŋge hvònda, hwatò ema hwa mà lòkɛ̀ Yerzù hwa mà arzaŋganɛ ekì yɔ̀kɔ. Hwa mà hwɛ eyà ya hwègbe hwehwakɛ. Pètrò rzìi à tɛ̀mɛ̀ ò ŋmanyu ò ìtììtènì jà awu rzìi à òhwà nanù ema,

Hwègbèèlì 10:29

O eŋgànɛ̀lɛ̀ rzɔ, na òma ò ma nò yòhwɛ, nà mà tɛ̀mɛ̀nɛ̀ ŋgelì hvɔ̀kɔ ndèŋgànɛ̀lɛ̀ na rzi òhve tɔ̀ lìtiŋga ò lì rzɔ̀rzɔ̀ nanù ema na rza jà. Nà ò ijòwa rzɔ nanù ema, mamɛ ndeŋgatɛ ò ma nò yòhwɛ rzɔ e?”

Hwègbèèlì 10:33

Ɔ̀ndeŋgàtɛ̀ nà mà ò yòhwɛ ŋgelì hvɔ̀kɔ, ndeŋgànɛ̀lɛ̀ ò gbèyi gbamù ò lì jà. O naŋgɛ nanù, irzɔ hwa arzɛ i hwèlì anu ndèŋgànà Lohwɛ̀ a hwèlì na irzɔ. I hwèlì ò lì ambɛ̀lɛ̀ lì hweyà tɔ̀ mamɛ ema Rzàŋgò Lohwɛ̀ a ò òhwèlì nanù ema ò jò òhweyà.”

Hwègbèèlì 10:45

Hwàtò hwa Yudà ema hwa mà lòkɛ̀ Yerzù ema hwa mà uwɛ̀lɛ̀lɛ̀yi ò Jopà nà Pètrò, hwa mà tàmà rzayi-rzayi ò lì ɛnɛ nanù ema Lohwɛ̀ à ŋgbelì hvɛ hwatò ema hwa rza enje wònyà Yudà jàhwèyà jà eni jà Èlìŋgɛ̀ yà Wòtani.

Hwègbèèlì 11:12

Èlìŋgɛ̀ yà wòtani è mà nò òhweyà ò lì ɛ̀ndɛ nà wɔ̀ è rzi hwɛ lì à kìkìyɛ̀. Mònò mòtòhwa mò hwàlòkèlì ema mò mà uwɛ̀lɛ̀lɛ̀yi ò mbòwà yà Jopà mò mà nò nɔŋgɔ ò lì ɛndɛ ò mbòwa yà Kàyìrzèrìyà ndèŋgànɛ̀lɛ̀ irzɔ hwa arzɛ, i mà kpèeyà ò tenì yà è ndawò yà ama Kɔ̀nɛ̀lìyùrzì.

Hwègbèèlì 28:15

Wònyamòwè hwa Krirztò hwà mà hweyà nanù ema i hwèlì i jà, ò eŋgànɛlɛ hwà mà uka natɛ̀ɛ na ò èki ema e hwɛ̀lɛ̀hwɛ̀ èlùwà ya ama Apìyùrzì hwahvɛhvɛ hwà mà jò ambɛlɛlɛ ò èki ema e hwɛ̀lɛ̀hwɛ̀ e Ndawò ya Hwàyɛ̀ni Hwàyàwò. Nà òma Pàwolò à mà hwa ɛnɛ, à mà eka Lohwɛ̀ rzìi a ètìrzɛ̀ mèèmà mò eni.

Hwègbèèlì 9:36

O mbòwa ya Jopà ò ma hwɛ mòlòkèlì wa mòlanà ema à mà hwɛ̀lɛ̀hwɛ̀ Tàbità. (jànda ja lìinà la eni ò mbɔrzi ya Grìki lì hwèlì ndi Dɔ̀kàrzì eŋge ŋgàna e hwèlì ndi ìrzɛ̀wù). Onò mòlanà, à mà akɛlɛ e hvònda ya eni ya arzɛ ò lì gbeyà hweyà hwe gbamù na ò lì òŋgòwànà mèlìrza me hwatò.

Hwègbèèlì 9:38

È mbòwa ya Jopà e rzi rzɔlɛnɛ na e mbòwa ya Lida. O èŋgànɛ̀lɛ̀ na òma hwàlòkèlì hwa Jopà hwà mà hweye nanù ema Pètrò a hwèlì ò mbòwa ya Lida, wɔ̀ hwà mà mò òmeya wunyanà hwahwakɛ ò lì mò rzòrzòmeya nanù ema, “Jò ò atɛ̀kɛ̀yi nanù ema ò hvinjɛ̀lɛ ò jò jèeya.”

Hwègbèèlì 9:42

Mònò ŋmɛ̀ndì, mò ma hweyàhwà ò e mbòwa ya arzɛ ya Jopà, ò èŋgànɛ̀lɛ̀ rzayi-rzayi ja hwatò hwà mà lòkɛ̀ Rzàŋgò Yerzù.

2 Kɔ̀rintìyà 8:21

Irzɔ i keka o lì gbeyà mamɛ e ma e lɔ̀wu, o worzò wo ama e Rzàŋgo, na o marzò ma hwatò hwa hwènàmà.

Hibrù 13:2

È rzì hwɛmɛ o lì karzɛ hwàyɛ̀nì o màndà ma anyu o i hvonda ja arzɛ. Nànù ndi lòŋgo la hwatò hwà mà gbeye hwà mà karzɛnɛ i aŋgèlì o màndà ma awu e rzi hwɛ lì hwiya.

1 Pètrò 4:9

È akàrzɛ̀nɛ̀yi mɔ̀kɔ na ɔ̀nɛyi e rzìi hwɛ lì àyèŋgòwɛ̀.