Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hwègbèèlì 10:22 - Mokpwe: Bakwery (New Testament)

22 Hwà mà mò alàhwɛ̀ nanù ema, “È mòtìmbèlì wa hwàanà njùma Kɔ̀nɛlìyurzi mɔ̀ ndi à jò òmi. A hwèlì ndi mòtò wa gbamù ema a gbèeyà Lohwɛ̀. Ndeŋgànɛ̀lɛ̀ a ŋgbàahwì èluhwe na hwatò hwa arzɛ hwa wònyà Yudà. Aŋgèlì hvɔ̀kɔ ya ama Lohwɛ̀ e ma mò òhweyà nanù ema, a ò yòhwɛ ò ndawò ya eni, aŋga nanù ò ma à mà hweyà mamɛ ò hwɛni lì mò òhweyà.”

အခန်းကိုကြည့်ပါ။ ကော်ပီ




Hwègbèèlì 10:22
36 ပူးပေါင်းရင်းမြစ်များ  

Kànàtɛ̀ Jòrzɛ̀hvù è mùnyanà wà eni à mà hwɛ ndi mòtò wà gbamù, à rzi lìŋgàne lì jàneyà Màliyɛ̀ ìrzɔnì. O èŋgànɛ̀lɛ̀ à mà lùtèya ò ŋmèma ò lì hvaŋga ehwàndà ò jututa.


Nà òmà hwa mà kulɛ̀ lì ŋgbà è ŋmanà èluhwe, rzi hwa wòteyà lì tìmba ò èkòmè yà awu. Ndi hwa mà tìmbeya ndi èhvɛhvɛ njiya, èhwanja Lohwɛ̀ à mà hwa kòkòhwɛ̀lɛ̀ ò ndɔ̀tɔ̀, ema hwa rzi keka lì tìmba ò mà Hɛ̀rɔ̀dì hvɛ.


Hɛ̀rɔ̀dì à mà òka Yòwanìrzɛ̀ wɔ̀ŋgɔ̀. A ma hwiya hvɛ nanù ema Yòwanìrzɛ̀ à mà hwɛ ndì mòtò wà gbamù, à mà ònda nà wòtani. O èŋgànɛ̀lɛ̀ Hɛ̀rɔ̀dì à mà hwɛ lì mò àŋgòhweyà aŋga nanù eyà ya wòhwe e rza mò gbèyɛ̀nɛ̀. À mà lìŋgàna lì mò òkànèyà, tɔ̀ nɛ tɔ̀ ima lìrzakò ema à mò òkanelì, èŋge eyà e ma mò tàkirzɛ ò ŋmèma rzayì-rzayì.


È mɔ̀ ema à nò òkana imba nà Eyà yà Lohwà irzɔ̀ni, ò ene nyɔ̀ŋgɔ̀nì yà yàwònò ema è òŋgamà Lohwɛ̀ nà mèèmà mè hwàkɛ ema è hwèlì hvɛ ndi è nyɔ̀ŋgɔ̀nì yà wòhwe, è Ŋmanà wà è Mòtò wà Hwènàmà mɔ̀ hvɛ à mò òkana irzɔ̀ni è hvònda ema à jà nà i aŋgèlì jè eni jà wòtani nà èluhwe yà ama Tatɛ̀ wà eni.”


O èŋge hvònda, ò mà hwɛ mùnyanà ò Jèrurzalɛ̀mù, à ma hwɛ̀lɛ̀hwɛ̀ Rzimìyɔ̀nì. Ò nò mùnyanà à mà tɛ̀mɛ̀ ehve-ehve, nà lì òkà Lohwɛ̀ wɔ̀ŋgɔ̀. À mà ambɛlɛlɛ è hvònda ema Lohwɛ̀ à mà hwɛnɛ lì òŋgìrzɛ̀ hwatò hwa Irzàyɛ̀lì, Èlìŋgɛ̀ yà Wòtani e mà hwɛ nà mɔ̀.


Ò mà hwɛ mùnyanà mɔ̀kɔ ema à ma hwɛ̀lɛ̀hwɛ̀ Jòrzɛ̀hvù wà è mbòwà yà Àrìmàtìyà. À mà hwɛ ndi mɔ̀kɔ wà lìkànèyà lì kàrzàmi, là wònyà Yudà.


Mòtò à nò òkanì tɛ ìrzɔnì nà hweyòhwèlì hwe amì, È Ŋmanà wà è Mòtò wà hwènàmà mɔ̀ hvɛ à mò òkànà ìrzɔnì lìŋgi lìrzàkò ema à tìmba ònò nà wòtani wà eni, nà è wɔ̀ hwa ama è Rzàŋgò yà enì, nà i aŋgèlì ja wòrzaŋgi.


Nà è òhweyà ndi è jɔ̀kɛ̀, tɔ̀ njɛnɛ ema à emelì tɔ̀ ima mɔ̀ è mà na òmi, òma imba ndi à emelì. Ndèŋgànɛ̀lɛ̀ hvɛ e mɔ̀ ema a nò emelì, òma a emelì ndi e mɔ̀ ema à mà nò òma.”


“Nà rza kànɛlɛlɛ ndi hwà-òkòwèlì hwa ami mɛnɛ ndi na kànɛlɛlɛ hvɛ e wɔ̀ ema hwa nò lòkɛ̀yì èhwanja hweyà ema na òhwa hwà hwe hweyàna.


Nà hwa òhwèlì mamɛ ya arzɛ ò nò òhwèlì ò lì hwa òhweyà rzìi hwa lòkɛ̀yi hwene hweyà, hwa hwi na e tɛ̀ɛtɛ nanù ema na uwɛ̀lɛ̀lɛ̀yi ndi ò mba aŋgɔ ndèŋgàna hwa lòkɛ̀yi hvɛ nanù ema ò wa ndi ò nò òmi.


“Imba na e òhweyà e jɔ̀kɛ̀ nanù ema, hwaŋga hwatò ema hwa hweyi hwèyòkòlèlì hwe ami rzìi hwa lòkɛ̀ e mɔ̀ ema a nò òmi, hwa hwɛnì lòŋgɛ la gbìndèyà ndèŋgàna hwa rza ò kàyìrzɛ̀hwɛ. Hwa rza jà ò mòkòna ndi hwà mà akeyà e kpelì lì jà ò lòŋgɛ.


Èlìŋgɛ̀ yà ama Lohwɛ̀ yɔ ndi e hwèlì e yɔ ema e ŋgba lòŋgɛ. È nyàmà nyò e rza enje tɔ̀ eyà. Hweyà ema nà mà e òhweyà hwe hwèlì ndi èlìŋgɛ̀ na lòŋgɛ.


Rzimɔ̀ni Pètrò rzi a timbirzɛlɛlɛ ama, “Rzàŋgò e, òma njɛnɛ irzɔ jɛ̀ɛ ɛ̀ndɛ e? O wa ndi òhvi e mbɔrzi ema e ŋgbà lòŋgɛ la gbìndèyà.


Kɔ̀nɛlìyurzi à mà hwɛ̀ ndi mòtò ema à mà hwɛ lì òŋgama hweyà hwe ama Lohwɛ̀. Mɔ̀ na lìtumba la eni la arzɛ hwà mà gbèeyà Lohwɛ̀. A ma òŋgòwàna mèlìrza me hwatò me wònyà Yudà. A ma kanɛ̀ hvɛ Lohwɛ̀ ihvònda ja arzɛ.


Ò eŋgànɛ̀lɛ̀ rzɔ, Pètrò à mà rzihwa rzi à òhweyà hwaŋga hwatò nanù ema, “Imba ndi nà hwèlì è mòtò ema è hwèlì yà arza. Mamɛ ndeŋgatɛ è jelì e?”


Kɔ̀nɛ̀lìyùrzì rzìi à tìmbìrzɛ̀lɛ̀lɛ̀ nanù ema, “Mèènyà mè iyàwò ema mè mà aka, nà mà hwɛ lì kanɛ̀ ò ndawò yà ami, ò lìni lìrzàkò là ŋgɛ̀ŋgi iyàwò jà ŋmèrze, lìwòkimɛnɛ mòtò ema à mà wɔtɔ̀ lìwɔtì là kɛ̀ŋgɛ̀ŋgɛ̀ rzìi à nò tɛ̀meyà ò wòrzò,


Ɔ̀ndeŋgàtɛ̀ nà mà ò yòhwɛ ŋgelì hvɔ̀kɔ, ndeŋgànɛ̀lɛ̀ ò gbèyi gbamù ò lì jà. O naŋgɛ nanù, irzɔ hwa arzɛ i hwèlì anu ndèŋgànà Lohwɛ̀ a hwèlì na irzɔ. I hwèlì ò lì ambɛ̀lɛ̀ lì hweyà tɔ̀ mamɛ ema Rzàŋgò Lohwɛ̀ a ò òhwèlì nanù ema ò jò òhweyà.”


A hwèlì ndi ŋmɛ̀nì ò ndawò ya ama e mòtò ema èwòlò ya eni e hwèlì ndi ò lì rzèeyà mèyòwò me nyàmà, lìinà la eni lì hwèlì ndi Rzìmɔ̀nì, a lìya ndi ò rzààwà ya ŋmanjà.”


Mɔ̀ à jèlì tɛ à è òhweyà mòndeŋga ema mò gbeyà Lohwɛ̀ à ò rzùŋgà lòŋgɛ là aŋgɔ̀ nà lìtumba là aŋgɔ̀.’


“O ma hwɛ munyanà mɔ̀kɔ ò eŋge mbòwa ndɛnɛ ya Dàmàrzkɔ̀rzì ema à mà hwɛ̀lɛ̀hwɛ̀ Ànàniyarzì. A ma hwɛ ndi mòtò ema à mà òŋgama Lohwɛ̀ ehve-ehve, ema à mà ika imbenda ja arzu ja wònyà Yudà. Ndeŋgànɛ̀lɛ̀ à mà ŋgbààhwà èluhwe rzayi-rzayi na hwatò hwa arzɛ hwa wònyà Yudà ema hwà mà hwɛ lì lìya ò eŋge mbòwa.


Nà òhvi lìhvìtà na Lohwɛ̀ nyayi hvɔ̀kɔ hvɛ mɛnɛ na òma hwanù hwatò wɔhvɛ hwa òhvi. Nà àhvìtɛ̀ nanù ema hwatò hwa arzɛ hwa ò hvùmùwà ò kpelì, e wɔ̀ ema hwa tɛmi ehve-ehve na e hwaa wòhwe.


O èŋgànɛ̀lɛ̀ rzɔ wònyàmòwe kòkò, e hvɔ̀rzè lìrzamba la wunyanà ò ìtììtènì ja anyu ema hwa hwɛnì lì lòkɛ̀ hwa òndi hvɛ na Èlìŋgɛ̀ yà Wòtani, ndèŋgànà hwa òhvi hvɛ lìhwiyè. Wɔ̀ ndi irzɔ i ŋgbàà ene èwòlò.


Èhwanja Ŋmɛ̀ndì mò Gbamù, mò wùluwà nɛ Lohwɛ̀ à tɛ̀yirzɛ̀ hwatò ehve-ehve ò wòrzò wà eni. Hwatò hwa èmàyɛ̀lɛ̀hwɛ̀ ò lì hwɛ ehve-ehve ò wòrzò wò ama Lohwɛ̀ èhwanja hwa lòkɛ̀yi. Lìŋgi lìlòkɛ̀ ndi lì gbèeyà hwatò lì emàyɛ̀lɛ̀hwɛ̀ ò wòrzò wò ama Lohwɛ̀ nàa hwatò ema hwa tɛ̀mì ehve-ehve. Ène eyà è hwèlì ndi nanù, nà òma è tìlahwì ò tenì yà è kààtì yà ama Lohwɛ̀ nanù ema, “È mòtò ema à emàyɛ̀lɛ̀hwɛ̀ ò wòrzò wò ama Lohwɛ̀ nàa mòtò ema à tɛ̀mì ehve-ehve èhwanja à lòkɛ̀yi à ò hwɛ lòŋgɛ.”


Hwene hwègbèèlì hwe hvènya hwe uwɛ̀lɛ̀lɛ̀yi ndi nà Lohwɛ̀. A jo gbèelì màrzèèlì nà Krirztò. A jo ŋgbelì èwòlò ya lì ohweyà hwatò nanù ema wɔ̀ hwa tànɛyi o lì hwɛ o ɛ̀yɔ̀lɛ̀ nà Lohwɛ̀.


O lì hwatɛ hvɛ, oŋgo mòtò a hwɛni ndi lì hwɛ mòtò hvɛ ema tɔ̀ hwaŋga hwatò ema hwa rza enje o ŋmèmba hwa mo ŋgba èluhwe. Ène e gbeyà a rza luwa ìrzɔnì ndeŋgànɛ̀lɛ̀ a rza unda o e ŋgùndèli ya ama mòkarzɛ̀.


Ndi hwatò hwa ami ema hwa hwèlì ehve-ehve, hwa hwɛnì lì hwɛ lòŋgɛ èhwanja hwa lòkɛ è mbɔrzi yà ami. Ndi tɔ̀ njɛnɛ ema à ò tìmbeyà ò mburza, nà rza ò òka mɔ̀nyɛ̀ŋgì nà mɔ̀.”


Lìlòkɛ̀ ema hwatò hwa kòhwàa, hwà mà lòkɛ̀ Lohwɛ̀ lɔ ndi lì ma gbeyà nanù ema Lohwɛ̀ à mà ohve mɔ̀nyɛ̀ŋgì na wɔ̀.


Inyɔ̀hvɛ e ma jà ndi o la arzàŋganɛ la hwàànà hwa worzò hwa ama Lohwɛ̀, wɔ̀ ema mìinà ma awu ma tìlahwì o ŋmanyu yà lohwà. È ma jà o ma Lohwɛ̀ ema mɔ̀ ndi à hwèlì e mòkayìrzèlì wa hwatò hwa arzɛ. Inyɔ e ma jà o ìtììtènì ja hwèlìŋgɛ̀ hwe hwatò hwa ehve-ehve ema Lohwɛ̀ a emelì.


Nà arza nanù ema e ɔ̀ŋgɛ̀lɛ̀ hweyà ema hwe ma ohwahwa, natɛ̀ɛ na e kohwaa na hwà-òhwèlì hwa hwèlìŋgɛ̀. Ndeŋgànɛlɛ inyɔ e àŋgàmɛ̀nɛ̀yi lì ɔ̀ŋgɛ̀lɛ̀ eyà ema e Rzàŋgo na e Mòrzùŋgèlì wa arzu à mà ohweyà i àpɔ̀rzìtòlò nanù ema hwa e ohweyà.


Tɔ̀ ima mòtò a ohwa nanù ema Dɛ̀mɛ̀trìyùrzì a hwèlì ndi mòtò wa gbamù. Lòŋgɛ la jɔ̀kɛ̀ ema mɔ̀ à lìya lì uŋmɛ̀lɛ̀ nanù ema a hwèlì ndi mòtò wa jɔ̀kɛ̀. Nà e ohweyà hvɛ nanù ema, mɔ̀ à hwèlì ndi mòtò wa gbamù, ndèŋgànɛlɛ e hwi nanù ema tɔ̀ mamɛ ema no òhwa e hwèlì ndi e jɔ̀kɛ̀.


mɔ̀ hvɛ à ò nyɔ̀ mììmbà ema mà hwèlì hwètàtò hwe ama Lohwɛ̀. Wɔ̀ hwa mà è rzɔ̀lɛ̀ ò lìwonde là hwètàtò là ama Lohwɛ̀ nà è ŋginyà ya awu ya arzɛ. Tɔ̀ ima mòtò ema à kanɛ̀ eŋge èembe oŋgo mòtò à ò lùwa mòtàkà mò mùnya ema mò ɔ̀kɔ̀ rzayi-rzayi, ò worzò wò i aŋgèlì jà wòtani nà è Ŋguma yà Mɔ̀lɛ̀ŋgù yà ama Lohwɛ̀.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ