Hwègbèèlì 10:22 - Mokpwe: Bakwery (New Testament)22 Hwà mà mò alàhwɛ̀ nanù ema, “È mòtìmbèlì wa hwàanà njùma Kɔ̀nɛlìyurzi mɔ̀ ndi à jò òmi. A hwèlì ndi mòtò wa gbamù ema a gbèeyà Lohwɛ̀. Ndeŋgànɛ̀lɛ̀ a ŋgbàahwì èluhwe na hwatò hwa arzɛ hwa wònyà Yudà. Aŋgèlì hvɔ̀kɔ ya ama Lohwɛ̀ e ma mò òhweyà nanù ema, a ò yòhwɛ ò ndawò ya eni, aŋga nanù ò ma à mà hweyà mamɛ ò hwɛni lì mò òhweyà.” အခန်းကိုကြည့်ပါ။ |
Hɛ̀rɔ̀dì à mà òka Yòwanìrzɛ̀ wɔ̀ŋgɔ̀. A ma hwiya hvɛ nanù ema Yòwanìrzɛ̀ à mà hwɛ ndì mòtò wà gbamù, à mà ònda nà wòtani. O èŋgànɛ̀lɛ̀ Hɛ̀rɔ̀dì à mà hwɛ lì mò àŋgòhweyà aŋga nanù eyà ya wòhwe e rza mò gbèyɛ̀nɛ̀. À mà lìŋgàna lì mò òkànèyà, tɔ̀ nɛ tɔ̀ ima lìrzakò ema à mò òkanelì, èŋge eyà e ma mò tàkirzɛ ò ŋmèma rzayì-rzayì.
“O ma hwɛ munyanà mɔ̀kɔ ò eŋge mbòwa ndɛnɛ ya Dàmàrzkɔ̀rzì ema à mà hwɛ̀lɛ̀hwɛ̀ Ànàniyarzì. A ma hwɛ ndi mòtò ema à mà òŋgama Lohwɛ̀ ehve-ehve, ema à mà ika imbenda ja arzu ja wònyà Yudà. Ndeŋgànɛ̀lɛ̀ à mà ŋgbààhwà èluhwe rzayi-rzayi na hwatò hwa arzɛ hwa wònyà Yudà ema hwà mà hwɛ lì lìya ò eŋge mbòwa.
Èhwanja Ŋmɛ̀ndì mò Gbamù, mò wùluwà nɛ Lohwɛ̀ à tɛ̀yirzɛ̀ hwatò ehve-ehve ò wòrzò wà eni. Hwatò hwa èmàyɛ̀lɛ̀hwɛ̀ ò lì hwɛ ehve-ehve ò wòrzò wò ama Lohwɛ̀ èhwanja hwa lòkɛ̀yi. Lìŋgi lìlòkɛ̀ ndi lì gbèeyà hwatò lì emàyɛ̀lɛ̀hwɛ̀ ò wòrzò wò ama Lohwɛ̀ nàa hwatò ema hwa tɛ̀mì ehve-ehve. Ène eyà è hwèlì ndi nanù, nà òma è tìlahwì ò tenì yà è kààtì yà ama Lohwɛ̀ nanù ema, “È mòtò ema à emàyɛ̀lɛ̀hwɛ̀ ò wòrzò wò ama Lohwɛ̀ nàa mòtò ema à tɛ̀mì ehve-ehve èhwanja à lòkɛ̀yi à ò hwɛ lòŋgɛ.”
mɔ̀ hvɛ à ò nyɔ̀ mììmbà ema mà hwèlì hwètàtò hwe ama Lohwɛ̀. Wɔ̀ hwa mà è rzɔ̀lɛ̀ ò lìwonde là hwètàtò là ama Lohwɛ̀ nà è ŋginyà ya awu ya arzɛ. Tɔ̀ ima mòtò ema à kanɛ̀ eŋge èembe oŋgo mòtò à ò lùwa mòtàkà mò mùnya ema mò ɔ̀kɔ̀ rzayi-rzayi, ò worzò wò i aŋgèlì jà wòtani nà è Ŋguma yà Mɔ̀lɛ̀ŋgù yà ama Lohwɛ̀.