Hwègbèèlì 10:19 - Mokpwe: Bakwery (New Testament)

¹⁹ Pètrò mɔ̀ à mà hwɛ ò lì kèka ò lì rzɔ̀ŋgìtɛ̀nɛ̀ mamɛ iŋgi jɛ̀nɛ̀nì ì hwèlì, ɔ̀ndi Èlìŋgɛ̀ yà wòtani è à mò òhweyà nanù ema, “Rzimɔ̀ni, ò hwèlì hwatò hwàyàwò anu ema hwa ò arza.

Hwègbèèlì 10:19 ပူးပေါင်းရင်းမြစ်များ

Yòwanìrzɛ̀ 16:13

Ndi e Èlìŋgɛ̀ ya jɔ̀kɛ̀ e jelì tɛ, ye e tìmba ò lì hwiya e jɔ̀kɛ̀ ya arzɛ. Mɔ̀ a rza ò òhwa lì hvòmɛ̀nɛ̀ lìkànèyà la eni. Eyà ema hwa mò òhweyà yɔ ndi à ò òhwa, ndèŋgàna a ò e òhweyà hvɛ hweyà ema hwe ò gbèyɛ̀nɛ.

Hwègbèèlì 10:18

Wɔ̀ hwà mà kàrzɛ malò ma awu, ò lì ijòwa nanù ema, “O hwèlì ŋmɛ̀nì anu ema a hwɛ̀lɛ̀hwɛ̀ Rzimɔ̀ni Pètrò e?”

Hwègbèèlì 10:3

Ò lìrzakò là ŋgɛ̀ŋgi iyàwò ŋmèrze mɔ̀kɔ, rzìi mɔ̀ à ɛnɛ jɛ̀nɛ̀nì. Ò iŋgi jɛ̀nɛ̀nì, mɔ̀ à mà ɛnɛ è aŋgèlì yà ama Lohwɛ̀. Èŋge aŋgèlì è mà hwɛlɛ nanù ema, “Ìi Kɔ̀nɛlìyurzi.”

Hwègbèèlì 11:12

Èlìŋgɛ̀ yà wòtani è mà nò òhweyà ò lì ɛ̀ndɛ nà wɔ̀ è rzi hwɛ lì à kìkìyɛ̀. Mònò mòtòhwa mò hwàlòkèlì ema mò mà uwɛ̀lɛ̀lɛ̀yi ò mbòwà yà Jopà mò mà nò nɔŋgɔ ò lì ɛndɛ ò mbòwa yà Kàyìrzèrìyà ndèŋgànɛ̀lɛ̀ irzɔ hwa arzɛ, i mà kpèeyà ò tenì yà è ndawò yà ama Kɔ̀nɛ̀lìyùrzì.

Hwègbèèlì 13:2

Nà òma hwà mà hwɛ lì gbèeyà Rzàŋgò na lì hwɛ hvɛ ò mòkìyà njàwò, Èlìŋgɛ̀ yà Wòtani rzìi e hwa òhweyà nanù ema, “È nò tindeya Bànàbàrzì na Rzàwòlò ò lì nò gbèeyà èwòlò ema imba nà mà hwa hwɛlɛnɛ.”

Hwègbèèlì 15:7

O mburzà lì chakumɛlɛ ema lì ma wawa, Pètrò rzìi a tɛ̀mɛ̀ ò ŋmanyu rzìi a hwa òhweyà nanù ema, “Ìi wònyànyàŋgò ami kòkò, e hwi nanù ema Lohwɛ̀ à mà nò hvɔ̀rzɔ̀ ò ìtììtènì ja anyu, ò lì òhweyà hwatò ema hwa rza enje wònyà Yudà Ŋmɛ̀ndì mò Gbamù aŋga nanù wɔ̀ hwa mò hweyà rzìi hwa mò lòkɛ̀.

Hwègbèèlì 21:4

I ma a ahvùlùhwɛ lòŋgò la hwàlòkèlì aŋga. Rzi i lìya na wɔ ò mèenyà lìrzàmba. O e ŋginyà ya Èlìŋgɛ̀ yà Wòtani, wɔ hwà mà òhweyà Pàwolò nanù ema a rzi keka lì ɛndɛ ò Jèrurzalɛ̀mù.

Hwègbèèlì 8:29

Èlìŋgɛ̀ yà Wòtani rzi e òhweyà Hvìlìpì nanù ema, “Ɛndɛ ò tòŋgòŋgò ya eŋge ehwàmbanì, ò e kòmbɛnɛ.”

1 Kɔ̀rintìyà 12:11

Èlìŋgɛ̀ yɔ̀kɔ mɛnɛ ndi e gbeyà hwenè hwèwòlò hwe arzɛ, o màlùtèyà ma eni a lìŋgàna lì ŋgbàà tɔ̀ njɛnɛ è la eni lì ahweyà.

1 Tìmotì 4:1

Èlìŋgɛ̀ yà Wòtani e telɛlɛyi nanù ema o mene mèenyà me lìrzùkù, lòŋgo la hwatò hwa o hwɛmɛ lì lòkɛ̀ la awu la jɔ̀kɛ̀ ndèŋgàna hwa o lòkɛ̀ ndi hwatò ema hwa okolɛ hwèyòkòlèlì hwe mòlàŋga. Hweyokowelì hwene ema èlìŋgɛ̀ ya wòhwe e arza nanù ema hwa lòkɛ̀.