Hwègbèèlì 10:15 - Mokpwe: Bakwery (New Testament)

¹⁵ Lìŋgi lìlò rzi lì mò òhweyà hvɛ nanù ema, “O rzi wòwà tɔ̀ yòma tɔ̀ yɔ̀kɔ ema Lohwɛ̀ a òhwi nanù ema e rzàŋgì nanù ema e rza rzàŋgì.”

Hwègbèèlì 10:15 ပူးပေါင်းရင်းမြစ်များ

Matiyò 15:11

Rzeketɛ e yɔ ema e kpèeyà ò tenì ya e wàna ya mòtò ndi e mò gbeyà a hwɛ ŋmiŋgò ò ma Lohwɛ̀, ndi mamɛ ema e wurza mòtò ò wàna ya eni yɔ̀ ndi e mò gbeyà ema a rza hwɛ wòrzàŋgì, ò wòrzò wò ama Lohwɛ̀.”

Makòrzì 7:19

Nà òmà e kpèeyà mòtò e rza uka ò ŋmèmà mò eni, e mò kpèeyà ndi ò lùùŋga rzìi e wurza.” (Yerzù à mà òhwa nanù ò lì uŋmɛ̀lɛ̀ nanù ema melelì mè arzɛ me lɔ̀wu ò lì làa).

Hwègbèèlì 10:16

Ène eyà è mà gbèyɛ̀nɛ̀ ŋgèlì iyàwò, rzìi eŋge erzanja è wòwàhwà ò ŋmanyu yà Lohwà.

Hwègbèèlì 10:28

A ma òhweyà hwaŋga hwatò nanù ema, “È hwi na e jɔ̀kɛ̀ nanù ema, e teŋgɛ̀nɛ̀yi e mbenda ya arzu nanù ema, mòtò ema a hwèlì wa wònyà Yudà a rza kanɛ̀ lì lata na tɔ̀ ohvɛhvɛ mòtò ema a rza enje wònyà Yudà. Ndi Lohwɛ̀ à mà nò uŋmɛ̀lɛ̀ nanù ema na rza hwɛni lì hwɛlɛ tɔ̀ mòtò tɔ̀ mɔ̀kɔ ema a rza rzaŋgi tɔ̀ nanù ema a hwèlì mbìndò ò wòrzò wò ama Lohwɛ̀.

Hwègbèèlì 11:9

Lìŋgi lìlò lì mà òhwa ò ŋmanyu yà lohwà è ŋgelì ema è mà ùkirzɛ̀ ihwakɛ nanù ema, ‘Ò rzi wòwà tɔ̀ yòma tɔ̀ yɔ̀kɔ ema Lohwɛ̀ à òhwi nanù ema è rzàŋgì nanù ema è rza rzàŋgì.’

Hwègbèèlì 15:20

Eyà ema irzɔ i hwɛni ò lì gbeyà e hwèlì ndi ò lì hwa tìleyà kààtì nanù ema, hwa rzi làa tɔ̀ mòlèlì ema mò ŋgbààhwà nàa màhwèyà ò hwèrzùmbù èhwanja mòŋgò mòlèlì mò rza rzàŋgi, hwa kiye mòrzònje, hwa kìye ò lì làa hwèembè ema hwe ŋwelì mòtìmà, ndèŋgànɛ̀lɛ̀ hwa rzi laa hvɛ màyija.

Hwègbèèlì 15:29

È rzi keka lì làa tɔ̀ mòlelì ema mò ma ŋgbààhwɛ̀ hwèrzùmbù. È rzi keka lì laa màyija, e kìye ò lì làa hwèembè ema hwe ŋwelì mòtìmà. È rzi gbeyà mòrzònje. È ò hwɛ gbamù e rza gbèyi tɛ hwene hweyà. Je ahvìtɛ̀ hwèlìyelì hwe gbamù.”

Hwègbèèlì 15:9

Lohwɛ̀ a rzi gbèye tɔ̀ ndandò ò wɔ̀ tɔ̀ irzɔ, èhwanja mɔ̀ à mà hwa làkirzɛ wòhwe wò awu lì akeyà na lìlòkɛ̀ la awu.

Ròmànì 14:14

Nà òma na hwèlì mɔ̀kɔ na e Rzàŋgò Yerzù, hwe nò òkòlɛ̀ ò lì hwiya kɔ̀yi-kɔ̀yi nanù ema ò rza enje tɔ̀ mòlelì ema ò mɔ̀ ŋmìti mò rza rzaŋgɛ ò wòrzò wò ama Lohwɛ̀. Ndi ò hwèlì tɛ mòtò ema a lutelì nanù ema ò hwèlì mòlelì ema mò rza rzaŋgɛ ò wòrzò wò ama Lohwɛ̀, a rzi mò laa.

Ròmànì 14:20

Ène eyà ya mòlelì e rzi gbeyà ema ò hvàŋge èwòlò ema Lohwɛ̀ à mà gbeyɛ. Melelì me arzɛ me rzaŋgi ò wòrzò wa ama Lohwɛ̀. Ndi e hwèlì ndi lùurzè lì laa tɔ̀ ima mòlelì ema mò gbeyà ò hvɛhvɛ mòtò a unde ò wòhwe.

1 Kɔ̀rintìyà 10:25

È hwɛnì wònja o lì làa tɔ̀ mamɛ ema ya ahwìrzɛ̀hwɛ o e lùwa e rzi hwɛ lì ijòwa mìijowelì ema me o jàneyà mètàkìrzɛ̀nɛ o ŋmèma, lì hvomɛ̀nɛ̀ mamɛ o andi.

Tàyìtùrzì 1:15

O hwatò ema hwa rzàŋgi, hwèèmà hwe arzɛ hwe rzàŋgi, ndi o hwaŋga hwatò ema hwa rza rzàŋgɛ, ndeŋgànɛlɛ hwa rza lòkɛ̀, tɔ̀ eyà o màlùtèyà mà awu nà ò mèèmà me awu e rza rzàŋgi.

Hwèwulùwèlì 14:20

Hweŋge hwehvùma hwe ma nyukahwa o èki ema hwà mà hwe nyùkeya o èki ema e rza enje o tenì ya e mbowà ndɛnɛ. Màyija ma mà wurza o èŋge èki ema hwa nyùkeyà hwehvùma, ma mà rzɔŋgɔ lìmɛni la meta mɔ̀kɔ na ehvàrzu, ndèŋgànɛ̀lɛ̀ ma mà wawa mɔ̀tɛ̀yi nàa hwègbe hwehwakɛ hwe màyilì.