Hwègbèèlì 10:14 - Mokpwe: Bakwery (New Testament)

¹⁴ Ndi Pètrò mɔ̀ à mà òhwa nanù ema, “Ìi Rzàŋgò, ò jɔ̀kɛ̀, jàyɛ̀. Imba nà rzi lelì tɔ̀ yòma ema è mbenda è òhwa nanù ema hwa rza làa, tɔ̀ ema è rza rzàŋgɛ ò wòrzò wò ama Lohwɛ̀.”

Hwègbèèlì 10:14 ပူးပေါင်းရင်းမြစ်များ

Matiyò 15:11

Rzeketɛ e yɔ ema e kpèeyà ò tenì ya e wàna ya mòtò ndi e mò gbeyà a hwɛ ŋmiŋgò ò ma Lohwɛ̀, ndi mamɛ ema e wurza mòtò ò wàna ya eni yɔ̀ ndi e mò gbeyà ema a rza hwɛ wòrzàŋgì, ò wòrzò wò ama Lohwɛ̀.”

Matiyò 16:22

Pètrò à mà mò wòwa rzìi a mò ɛ̀ndɛnɛ ò tòŋgòŋgò, rzìi à mò kanja nanù ema, “Ìi Rzàŋgò Lohwà a rza tànɛyi lì emeyà ema e ò gbèyɛ̀nɛ!”

Matiyò 25:9

Hwàŋga hwa lìhwiyè rzìi hwa hwà alàhwɛ̀ nanù ema, ‘Jàyɛ̀! Mamɛ ema jò òhvi, è rza ò jò tànɛ, irzɔ nà inyɔ. È ɛ̀ndɛ ò ndawò jà nyòŋga, è andelɛ mànyàŋga màŋgele.’

Matiyò 8:2

Munyanà mɔ̀kɔ ema à mà ɔ̀kirzɛ̀ è nyàmbɛ yà mɔ̀lɔ̀ŋgɔ rzi à jà à rzùmeya Yerzù màwɔ̀ŋgɔ̀ŋgɔ̀ à mò òhweyà nanù ema, “Ìi Rzàŋgò ò lìŋgàni tɛ, ò gbèèye ema nà rzàŋge.”

Makòrzì 7:2

Hwa mà ayèmbɛ nanù ema hwà-òkòwèlì hwà mà Yerzù hwà mà làa mòlelì na màà mà mbìndò ema mà rzi rzòrzahwɛ̀, e nyayi ema Ihvalìrzàyì hwà mà arze ema nàa ɛ̀ɛ̀mɛ̀ ya awu ma rzòrzahwe.

Lukàrzɛ̀ 1:60

Ndi nyàŋgɛ à mà òhwa nanù ema, “Jàyɛ̀! À hwɛ̀lɛ̀hwɛ̀ ndi Yòwanìrzɛ̀.”

Yòwanìrzɛ̀ 4:11

Oŋgò mòlanà rzìi a òhwa nanù ema, “Ìi Rzàŋgò kòkò, ò rza òhvi tɔ̀ yòma ò lì tɔ̀ɔ̀lɛ̀nɛ̀ malìhwa, ndèŋgànɛ̀lɛ̀ hvɛ ehvɔ̀ndi ya malìhwa e rzɔ̀ŋgɔ̀wu. Ima èki rzɔ ò wa ò lùwa manù malìhwa ema mà ŋgba lòŋgɛ e?

Hwègbèèlì 10:13

Rzìi à hweyà lìlò lì mò òhweyà nanù ema, “Ìi Pètrò tɛ̀mɛ̀nɛ̀ ò ŋmanyu, òŋwa ini nyàmà ò lèè.”

Hwègbèèlì 10:28

A ma òhweyà hwaŋga hwatò nanù ema, “È hwi na e jɔ̀kɛ̀ nanù ema, e teŋgɛ̀nɛ̀yi e mbenda ya arzu nanù ema, mòtò ema a hwèlì wa wònyà Yudà a rza kanɛ̀ lì lata na tɔ̀ ohvɛhvɛ mòtò ema a rza enje wònyà Yudà. Ndi Lohwɛ̀ à mà nò uŋmɛ̀lɛ̀ nanù ema na rza hwɛni lì hwɛlɛ tɔ̀ mòtò tɔ̀ mɔ̀kɔ ema a rza rzaŋgi tɔ̀ nanù ema a hwèlì mbìndò ò wòrzò wò ama Lohwɛ̀.

Hwègbèèlì 22:8

Nà mà ijòwa nanù ema, ‘Ìi Rzàŋgò, ò wà ò hwèlì ndi njɛnɛ e?’ À mà nò alàhwɛ nanù ema, ‘Imba nà hwèlì ndi Yerzù wà Nàrzàrɛ̀tì ema ò tàkìrzɛ̀.’

Hwègbèèlì 9:5

Rzàwòlò à mà ijòwa nanù ema, “Ìi Rzàŋgò ò wà ò hwèlì ndi njɛ̀nɛ e?” Liŋgi lìlò rzìi lì mò alàhwɛ̀ nanù ema, “Imba ndì nà hwèlì Yerzù, ema ò tàkìrzɛ̀.