Hwègbèèlì 1:20 - Mokpwe: Bakwery (New Testament)

²⁰ Pètrò rzìi a tòmbana e mbɔrzi ya eni ò wòrzò, a òhwa nanù ema, “Ène eyà e gbèyɛ̀nɛ na òma e tìlahwì ò kààtì ya mɛ̀rzɔ̀kɔ̀ me ama Lohwɛ̀ nanù ema, ‘Inyɛ̀ e ndawò ya eni e timbe èkpàkpà, inyɛ tɔ̀ mòtò a rza òŋga ndawò aŋga.’ È tìlahwì hvɛ nanù ema, ‘Inyɛ̀ òhvɛhvɛ mòtò a wòwe ekì ya eni ya èwòlò.’

Hwègbèèlì 1:20 ပူးပေါင်းရင်းမြစ်များ

Lukàrzɛ̀ 20:42

Rzeke Kiŋgɛ Dàhwitì, ŋmitɛ-ŋmitɛ, à òhwi ò tenì ya e kaàtì yà Mɛ̀rzɔ̀kɔ̀ nanù ema, ‘Rzàŋgò Lohwɛ̀ a òhwèlì Rzàŋgò wa ami nanù ema, Lìya ò èhvàrzù ya ami yà lìya là mòmɛ̀,

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Hwègbèèlì 1:16

“Ìi wònyamòwè kòkò, hweyà ema hwe mà tìlahwa ò kààtì yà Lohwà hwe mà hwɛnɛ lì òndìrzɛ̀hwɛ. Èlìŋgɛ̀ yà wòtani è mà lòma lì òhwa ò wàna yà ama Dàhwitì lì hvòmɛ̀nɛ̀ Jùdàrzì ema à mà tìmba hwatò ò lì ɛndɛ lì ŋgbaŋgɛ Yerzù.

Hwègbèèlì 1:25

ò lì hwɛ̀ɛ e àpɔ̀rzìtòlò ò lì timbana èki ya ama Jùdàrzì, mɔ̀ ema à mà màa lì ɛndɛ ò èki ema e mò lɔ̀ɔnì.”

Hwègbèèlì 13:33

Mɔ̀ à mà òndìrzɛ̀ eyà ema à mà òhwe ò lì akeyà nà irzɔ ema ì hwèlì ò mòtende mò awu, nà òma à mà hvùmùlɛ̀ Yerzù ò kpelì. Nà òma è tìlahwì ò kààtì yà mɛ̀rzɔ̀kɔ̀ yà ama Lohwɛ̀ ò èhvàrzù ema è ùkirzɛ̀ hwehwakɛ nanù ema, ‘Ò wà ò hwèlì ndi è Ŋmanà wà ami, yawònò nà mà jà ndi è Tatɛ̀ yà aŋgɔ̀.’