Hwègbèèlì 1:15 - Mokpwe: Bakwery (New Testament)

¹⁵ Ò eŋge hvònda, hwatò ema hwa mà lòkɛ̀ Yerzù hwa mà arzaŋganɛ ekì yɔ̀kɔ. Hwa mà hwɛ eyà ya hwègbe hwehwakɛ. Pètrò rzìi à tɛ̀mɛ̀ ò ŋmanyu ò ìtììtènì jà awu rzìi à òhwà nanù ema,

Hwègbèèlì 1:15 ပူးပေါင်းရင်းမြစ်များ

Matiyò 13:31

Yerzù à mà kpɛ̀ɛ̀yà eŋge ŋgindi mòhvɛhvɛ ŋmàna nanù ema, “Likànèyà là ŋmanyu lì hwèlì ndi nàa ŋmanà hvɔ̀ŋgɔ̀, ema mòtò a wòwi rzi a òni ò mòònda mò eni.

Lukàrzɛ̀ 22:32

Ndi nà ma ò Kanɛ̀lɛ̀lɛ̀ nanù ema lìlòkɛ̀ lì aŋgɔ̀ lì rzà kpa. È hvònda ema ò nò tìmbeyà hvɛ, ò ètirzɛ hvɛ wònyanyàŋgò hwa aŋgɔ̀.”

Yòwanìrzɛ̀ 14:12

Nà e òhweyà ndi e jɔ̀kɛ̀. Tɔ̀ ima mɔ̀ ema a nò lòkɛ̀yì, a ò gbeyà hweyà ema na gbeyà. Mɔ̀ a ò gbeyà tɔ̀ hweyà ema hwe akayi hwenè hweyà. Èhwanja imba na ɛ̀ndɛ òma Tatɛ̀.

Yòwanìrzɛ̀ 21:23

Àŋga ndì è mà òhwàhwè ò ìtììtènì jà hwatò ema hwa mà hwɛ lì nɔŋgɔ Yerzù èki yà arzɛ nanù ema òŋgò Mòòkòwèlì wà eni à rza ŋwa tɔ̀ nɛ Yerzù à rzi òhwe nanù ema à rza ŋwa. À mà òhwa ndì nanù ema, “Nà àrzi tɛ ema à hwɛ lòŋgɛ natɛ̀ɛ nà jà mamɛ eŋge yè è ɔ̀ŋgɔ e?”

Hwègbèèlì 10:23

Pètrò à mà kpɛlɛ hwaŋga hwatò ò ndawò. A hwa talɛlɛ mànɔ̀ŋgɔ̀ ema hwà mà akɛlɛlɛ wuu. O wònɛyi wùnyà, mɔ̀ à mà wòŋgirzɛnɛ rzìi a ɛndɛ na wɔ̀. Lòŋgò la hwàlòkèlì hwa e mbòwa ya Jopà hwà mà ɛndɛ na mɔ̀.

Hwègbèèlì 11:1

I àpɔ̀rzìtòlò na hwanɛyi hwàlòkèlì hwa erzòòkà ya arzɛ ya Jùdeyà hwà mà hweyà nanù ema hwaŋga hwatò ema hwa rza enje wònyà Yudà, wɔ̀ hvɛ hwà mà hweyà eyà ya Lohwà.

Hwègbèèlì 11:12

Èlìŋgɛ̀ yà wòtani è mà nò òhweyà ò lì ɛ̀ndɛ nà wɔ̀ è rzi hwɛ lì à kìkìyɛ̀. Mònò mòtòhwa mò hwàlòkèlì ema mò mà uwɛ̀lɛ̀lɛ̀yi ò mbòwà yà Jopà mò mà nò nɔŋgɔ ò lì ɛndɛ ò mbòwa yà Kàyìrzèrìyà ndèŋgànɛ̀lɛ̀ irzɔ hwa arzɛ, i mà kpèeyà ò tenì yà è ndawò yà ama Kɔ̀nɛ̀lìyùrzì.

Hwègbèèlì 11:26

Nà òma à mà mò luwe, rzi a mò tìmbana ò mbòwà ya Antìyɔ̀kì. Wɔ̀ hwahwàkɛ hwà mà lìya aŋga na ŋmèmba mò mitelì natɛ̀ɛ na ŋma mɔ̀kɔ mòrzurzu. Hwà mà hwɛ lì òkòlɛ̀ ŋgìndì ndɛnɛ ya hwatò. O mbòwà ya Antìyɔ̀kì aŋga ndi hwàlòkèlì hwà mà lòme ò lì hwɛ̀lɛ̀hwɛ̀ hwànɔ̀ŋgèlì hwa ama Krirztò.

Hwègbèèlì 11:29

O èŋgànɛ̀lɛ̀ hwà-òkòwèlì ò lì atanɛ la awu, wɔ̀ hwà mà tɛ̀yirzɛ̀ nanù ema tɔ̀ ima mɔ̀kɔ wa awu a ò òma lìwòŋgò ò hwatò ema hwa lòkɛ̀ Yerzù ò erzòòkà ya Jùdeyà.

Hwègbèèlì 12:17

Pètrò a hvɛ̀tɛ̀lɛ̀ lìya la eni lì hwa uŋmɛ̀lɛ̀ nanù ema hwa lìya ŋmɛ̀ɛ, rzìi a hwa òhweyà nɛ Rzàŋgò a mò timbi ò lì anjiya ò hwèwòwà. A hwa òhweyà nanù ema, “È òhweyà Jèmìrzì nà hwanɛ̀yi hwatò ema hwa lòkɛ̀ Krirztò mamɛ ema e ma gbèyɛ̀nɛ.” Rzìi à hwa hwɛmɛ, a ɛ̀ndɛ ò èhvɛhvɛ èki.

Hwègbèèlì 14:2

Ndi lòŋgò la wònyà Yudà ema hwà mà rzɔ̀rzɔ̀ ò lì lòkɛ̀, hwà mà hvuŋguwa hwaŋga hwatò ema hwa rza enje wònyà Yudà, rzìi hwa hwà hvaŋga mèèmà me awu ò lì teŋgɛ̀nɛ̀ hwàlòkèlì hwa ama Yerzù.

Hwègbèèlì 15:1

Lòŋgò la hwatò hwà mà uwɛ̀lɛ̀lɛ̀yi ò erzòòkà ya Jùdeyà rzìi hwa jà lì uka ò mbòwa ndɛnɛ ya Antìyɔ̀kì. Hwa wòteya lì òkòlɛ̀ hwàlòkèlì nanù ema, “Mòtò a rza endàhwi tɛ na òma e mbenda ya ama Mòrzè ya arza, a rza tanɛ a rzùŋgàhwà.”

Hwègbèèlì 15:3

Hwàtò hwa ŋmèmba hwà mà ɛndɛ lì hwa lìyɛlɛ ò njiya. Nà òma wɔ̀ hwà mà akeyà ò hwèrzòòkà hwe Hvɔ̀nìrzìyà na Rzàmarìyà hwà mà nɔ̀ŋgeyà hwatò nɛ hwaŋga hwatò ema hwa rza enje wònyà Yudà hwà mà tikòwahwɛ ò lì timbeya Lohwɛ̀. Mònò ŋmɛ̀ndì mò ma lìŋgirzɛ hwàlòkèlì hwa arzɛ.

Hwègbèèlì 16:2

Hwàlòkèlì hwa imbowà ndɛnɛ ja Lìrzìtìrà na Ikɔ̀nìyùmì hwà mà òhwa gbamù lì hvòmɛ̀nɛ̀ Tìmòtì.

Hwègbèèlì 16:40

Pàwolò na Rzàyìlàrzì hwà mà anjiya ò hwèwòwà, rzìi hwa ɛ̀ndɛ lì kpèeyà ò ndawò ya ama Lideya. Nà òma hwà mà uke aŋga hwà mà ùŋmanɛlɛ hwàlòkèlì, Pàwolò na Rzàyilarzi rzìi hwa òhweyà hwaŋga hwàlòkèlì mbɔrzi ya lì hwa embɛ rzìi hwa ɛndɛ e ya awu.

Hwègbèèlì 17:10

Nà òma wùnyà wò ma kɔ, hwàlòkèlì hwa ama Yerzù hwà mà òma Pàwolò na Rzàyìlàrzì ò lì ɛndɛ ò mbòwa ndɛnɛ ya Bèrìyà. Nà òma wɔ hwà mà uke aŋga, rzìi hwa ɛndɛ lì kpèeyà ò tenì ya e ndawò ya màkànɛ ya wònyà Yudà.

Hwègbèèlì 17:14

O lìwòkimɛnɛ hwaŋga hwàlòkèlì hwà mà òma Pàwolò ò rzàawà ya ŋmànja, ndi Rzàyilarzi na Tìmòtì hwà mà lìiya ò Bèrìyà.

Hwègbèèlì 17:6

Ndi na òma hwà mà arze Pàwolò na Rzàyilarzi rzìi hwa rzi hwa luwe, hwà mà kòòwà Jèrzɔ̀nì na hwahvɛhvɛ hwatò ema hwà mà lòkɛ̀ Yerzù rzìi hwa hwà jànà ò wòrzò wò hwàtimbelì hwa e mbòwa ndɛnɛ. Hwàŋga hwatò hwà mà hwɛ lì tɛ nanù ema, “Hwanu hwatò ema hwà mà gbèèyɛ̀ kàyɛ ò e èki ya arzɛ, hwàanù nàŋgɛ hwà mà jò jàneya irzɔ hvɛ lùwànje ò mbòwa ndɛnɛ ya arzu.

Hwègbèèlì 18:18

Pàwolò ama lìya na hwàlòkèlì ò mbòwa ndɛnɛ ya Kɔ̀rintò rzayì-rzayì ja mèenyà, rzìi a hwɛmɛ hwàlòkèlì a kpèeyà ò melì me ŋmànja, rzìi a aka ŋmànja ò lì uka ò erzòòkà ya Rzìrìyà. O yɔ̀ndɔ ya eni, à mà ɛ̀ndɛ̀nɛ̀ Prìrzìlà na Akwìlà. Ndèŋgànà a e anjiya ò mbòwa ndɛnɛ ya Rzɛ̀nkreyà, à mà rzòòwa lìhvumbu la eni la mòhvò èhwanja ò ma hwɛ hweyi ema à mà aàtɛ.

Hwègbèèlì 18:27

Nà òma Apòlòrzì à mà arze lì ɛ̀ndɛ ò èkòmè ya Àkayiyà, hwàlòkèlì hwa e mbòwa ndɛnɛ ya Ɛ̀hvɛ̀rzɔ̀rzì hwà mà mò òŋgòwàna rzìi hwa tìleya hwàlòkèlì ò eŋge erzòòkà ò lì mò kàrzɛ. Nà òma mɔ̀ à mà uke aŋga, à mà òŋgòwàna hwaŋga hwatò ema hwà mà lòkɛ̀ lì akeyà na e ndèli ya ama Lohwɛ̀ ema hwà mà luwe.

Hwègbèèlì 21:17

È hvònda ema irzɔ i ma uke ò Jèrurzalɛ̀mù, hwàlòkèlì hwa ama Krirztò ema hwa hwèlì aŋga, hwà mà jò kàrzɛ na mɔ̀nyɛ̀ŋgi.

Hwègbèèlì 21:20

O mburza hvònda ema wɔ hwà mà hweyɛ mamɛ Pàwolò à mà òhwe, rzìi hwa eka Lohwɛ̀. Rzìi hwa òhweyà Pàwolò nanù ema, “Ŋmànyàŋgò wa arzu kòkò, ò wa ò tanɛyi lì ɛnɛ na òma ò hwèlì hwekòlì, na hwekòlì hwe hwatò hwa wònyà Yudà, ema hwe ma jɛ̀ɛ̀ hwàlòkèlì ndèŋgànɛ̀lɛ̀ wɔ hwa arzɛ hwa ikayi e mbenda ya ama Mòrzè na nyɔ̀ŋgi ndɛnɛ.

Hwègbèèlì 21:7

Irzɔ i ma ɛ̀ndɛ̀nɛ̀ yɔ̀ndɔ̀ ya arzu ya malìhwa ò wòrzò, ò lì anjiya ò mbòwa ya Tàyi rzi jò uka ò mbòwa ya Tòlɛmàyìrzì. Nà òma i ma uke aŋga, i ma kɔ̀mɔ hwàlòkèlì hwa ama Krirztò, i ma lìya na wɔ eyù yɔ̀kɔ.

Hwègbèèlì 22:5

È pìlìrzì è karzamì nà hwàmbàkì hwa arzɛ hwa lìkànèyà là mbòwà, hwa tanɛyi lì imànɛlɛ nanù ema nà òhwa ndi è jɔ̀kɛ̀. Nà mà hwa wòwànà hwètìtà ema hwa mà tìleya wònyanyàŋgò hwa ami hwa wònyà Yudà ema hwa hwèlì ò mbòwa ndɛnɛ yà Dàmàrzkɔ̀rzì. Ò eŋgànɛlɛ rzɔ imba nà mà ɛndɛ aŋga ò lì ŋgbaŋgɛ hwaŋga hwatò, lì hwa kàka, rzìi nà hwa tìmbànà ò Jèrurzalɛ̀mù aŋga nanù hwa kɔ̀kìrzɛ̀hwɛ.”

Hwègbèèlì 28:14

I ma awùlùwɛ hwatò aŋga ema hwa lòkɛ̀yì Krirztò. Hwà mà jò òhweyà nanù ema i lìye na wɔ̀ mèenyà lìrzamba. I ma anjiye aŋga rzìi jò uka ò e mbòwà ndɛnɛ ya Ròmànì.

1 Kɔ̀rintìyà 15:6

Rzìi à mà wurzeya hvɛ lì aka hwègbe hweta hwe hwatò ema hwà mà hwe lì mo nɔ̀ŋgɔ o ŋgelì hvɔ̀kɔ. Lòŋgò la hwaŋga hwatò hwe e hwèlì lòŋgɛ, lòŋgo hvɛ hwà mà ŋwa.

Hwèwulùwèlì 11:13

Ò lìŋgi lìrzàkò mɛnɛ ò mà hwɛ monyìŋgìrzɛ̀nɛ̀ mòndɛnɛ rzìi lòŋgò lɔ̀kɔ ò tenì yà lìyòmè là eŋge mbowà ndɛ̀ɛ̀ndɛ̀ è wuhweyà. Mɔ̀rzɔ̀ŋgi mò hwatò ema mò mà ŋwa ò moŋgo mònyìŋgìrzɛ̀nɛ̀ mò mà hwɛ hwèkolì lìrzamba. È wɔ̀ ema hwa mà kàrzowà hwa mà oka wɔ̀ŋgɔ̀ rzìi hwa eka Lohwɛ̀ là màyìmbì ema lì hwèlì ò ŋmanyu yà lohwà.

Hwèwulùwèlì 3:4

Ndi è hwɛni ŋgurzu jà hwatò ò è mbowà ndɛnɛ yà Rzàdirzi ema hwa rzi rzɔ̀ki mààtù mà awu. Hwa ò hwɛ nà imba, ndèŋgànɛ̀lɛ̀ wɔ̀ hwa ò wɔ̀tɔ̀ mèŋgòmbè mè mbɔ̀mi, ehwànja hwa kànɛyi.