Hvìlipìyà 2:4 - Mokpwe: Bakwery (New Testament)

⁴ È rzi gbeyà hweyà ema hwe e jàneyà ndi inyɔ hwìtì mɔ̀rzɛ̀ŋgì, ndi e a gbeyà hvɛ hweyà ema hwe oŋgowàna hwahvɛhvɛ hwatò.

Hvìlipìyà 2:4 ပူးပေါင်းရင်းမြစ်များ

Matiyò 18:6

Tɔ̀ njɛnɛ ema à gbèyi ema mɔ̀kɔ wà hwanù hwàrzàlì, ema à nò lòkɛ̀yì ò lì gbeyà wòhwe, ò lɔ̀wu nanù ema òŋgò mòtò à kakahwè lìŋyàyi lì ndɛnɛ ò lìwɔ là eni, rzìi hwa mò indirzɛ ò èki ema è rzɔ̀ŋgɔ̀ ò tenì yà ŋmànja.

Ròmànì 12:15

È òke mɔ̀nyɛ̀ŋgì na hwaŋga hwatò ema hwa hwèlì hwa òka mɔ̀nyɛ̀ŋgì. È ɛhwɛ na hwaŋga hwatò ema hwa ɛhwɛ.

Ròmànì 15:1

Irzɔ ema jò imbami ò lìlòkɛ̀ inyɛ jò òŋgòwane e wɔ̀ ema hwa rza imbamɛ ò màlòkɛ̀ ma awu. I rza alìŋgìrzɛ irzɔ hwiti.

1 Kɔ̀rintìyà 10:24

Tɔ̀ mɔ̀kɔ wà anyu à rzi keka ndi lì arzɛlɛ e hwe eni hweyà mɛnɛ. Ndi a ɔ̀ŋgɔ hwèèmà ema hwe lɔ̀ɔ̀nɔ̀ hwahvɛhvɛ hwatò.

2 Kɔ̀rintìyà 11:29

Mòtò a rza imbami tɛ o hweyà hwe ama Lohwɛ̀, imba hvɛ na hweyà ndi molemilemi na oma mɔ̀ hvɛ a hweyà. Hwa tonirzɛ tɛ mòtò o lì unda o wòhwe, e no tàkìrzɛ̀ rzayi-rzayi.

2 Kɔ̀rintìyà 6:3

Irzɔ i rza keka tɔ̀ mòtò e njiya ya eni aŋga nanù lùurzè lì rza ɛneya o èwòlò ema i hwèlì lì gbeyà.

Hvìlipìyà 2:21

Nà ohwa ndi ene eyà nanù ehwànja tɔ̀ ima mòtò a lùteyà ndi lì hvomɛ̀nɛ̀ mamɛ ema mɔ̀ à arza, hwa rza gbeyà na oma Yerzù Krirztò mɔ̀ à arza nanù ema hwa gbeye.

Jèmìrzì 2:8

Inyɔ yo ò gbeyà ndi eyà ya gbamù e hwèlì tɛ nanù ema e ikayi e mbenda ya lìkànèyà ema e hwèlì o tenì ya e kààti ya Lohwà ema e ohwa nanù ema, “O lìŋgàne ŋmànyɔ̀ŋgɔ̀ wa aŋgɔ̀ na oma o alìŋgànɛ̀yi o wà witi.”