Hibrù 12:28 - Mokpwe: Bakwery (New Testament)

²⁸ Kanatɛ irzɔ ima ŋgbàhwe lìkànèyà ema lì rza nyiŋgirzɛhwɛ. Inyɛ̀ irzɔ i ŋgbe Lohwɛ̀ jeka na lì mo kanɛ̀ nyayi ema e mo lìŋgirzɛ. Inyɛ̀ je e gbeye na wɔ̀ŋgɔ̀ na èluhwe ya arzɛ.

Hibrù 12:28 ပူးပေါင်းရင်းမြစ်များ

Matiyò 25:34

È Kiŋgɛ a òhweyà e hwaa lìya la mòme nanù ema, ‘È jèe inyɔ ema e nàmìrzɛ̀hwɛ̀yi na e Tatɛ̀ wa ami! È jèe e wòwe mònàmɛ̀ mò lìkànèyà la ama Lohwɛ̀ ema mò ma màa lì e rzekahwɛlɛ natɛ̀ɛ na e hvònda ema mɔ̀ à mà wèkè e rze.

Lukàrzɛ̀ 1:33

A ò kàneya lìtumba la ama Jèkɔ̀bù, natɛ̀ɛ nà ò mòlìkɛ̀, ò èŋgànɛ̀lɛ̀, lìkànèyà la eni lì rzà ò hwɛnɛ lìrzukù.”

Ròmànì 11:20

Àŋga mɔ̀ e hwèlì ndi e jɔ̀kɛ̀. Hwe ma rzenjòwahwa èhwanja hwe rzi lòkɛ̀. Inyɔ e ma ikahwa aŋga èhwanja inyɔ e lòkɛ̀yi. Ndi e rzi òhva kumba. Ndi inyɛ inyɔ e òke wɔ̀ŋgɔ̀.

Ɛ̀hvìrzìyà 1:6

À jò gbèyi ema i hwɛ hwàànà wà eni aŋga nanù irzɔ i mò eka ò hweyà hwe gbamù ema à mà gbeyɛ. À jò ŋgbèlì è ndèli yà eni ndɛnɛ ò ŋgundu. Irzɔ i lù eŋge ndèli ehwànja ì hwèlì ndi mɔ̀kɔ nà è ŋmanà wà eni wà munyanà ema mɔ̀ à lìŋgàni rzayi-rzayi.

Ɛ̀hvìrzìyà 5:10

O èŋgànɛ̀lɛ̀ e keke lì hwiya mamɛ ema e lìŋgìrzɛ e Rzàŋgo.

Hvìlipìyà 4:18

O nàŋgɛ rzɔ, nà mà luwa hwèèmà hwe arzɛ ema e ma no òmeya ndeŋgànɛlɛ na hwe lu hvèyi lì aka tɔ̀ nanù. Èpàhvrɔ̀dìtùrzì à mà no jàneya hwèèmà ema e ma no òmeya. È gbèyi ndi nàa o a ɛnɛ oma inyɔ e ŋgbelì ndi Lohwɛ̀ màhwèyà emà mà ohvi erzunju ya gbamù. Lohwɛ̀ à mà luwa iŋgi jàhwèyà ndèŋgànɛ̀lɛ̀ i mo lìŋgirzɛ.

Hibrù 10:19

Ò eŋgànɛ̀lɛ̀ ìi wònyamòwè, jo òhvi e wònja o lì kpèeyà o eŋge Èki ema e Rzàŋgi lì Akà na Lìmɛ̀nì la Wòrzàŋgì.

Hibrù 13:15

Inyɛ̀ ì kanɛ̀ Lohwɛ̀ nanù mɛnɛ, lì akeyà nà Yerzù. Inyɛ̀ lì kanɛ̀ la arzu lì hwɛ nàa jàhwèyà ema i ŋgbà Lohwɛ̀. Inyɛ̀ je ɛndɛ rzìi ja a ohwa nanù ema mɔ̀ ndi à hwèlì e Rzàŋgo.

Hibrù 13:21

Imba nà kanɛ̀ nanù ema Lohwɛ̀ à yè gbèèyè ò lì wòŋgìrzɛ̀nɛ̀ ò lì gbeyà hweyà hwe arzɛ ema mɔ̀ à arza nanù ema è gbèèyè ndeŋgànɛ̀lɛ̀ è ohve è nyɔ̀ŋgi yà lì gbeyà hweyà ema hwe hvomɛ̀nɛ̀. Yerzù à hwèlì à è oŋgowàna ò lì gbeyà hweyà ema hwe lìŋgìrzɛ Lohwɛ̀. Èluhwe è hwɛ nà Yerzù Krirztò ò gbìndèyà nà ò gbìndèyà. Inyɛ̀ wò lìya nanù.

Hibrù 3:6

Ndi Krirztò nàa è Ŋmanà wà munyanà wa ama Lohwɛ̀, à mà hwɛ lì kànèyà e ndawò yà Lohwà na ŋmèma mɔ̀kɔ. Irzɔ hvɛ i hwèlì ndì hwatò hwa lìtumba la e ndawò ya ama Lohwɛ̀, e hwèlì tɛ nanù ema jo ohvi etembe, ndèŋgànɛ̀lɛ̀ ji ikayi mèèmà me arzu na eyà ema ja àyèkìrzɛ̀nɛ̀ ema ji ikayi màhvìtà mà arzu.

Hibrù 4:16

Ò eŋgànɛ̀lɛ̀ rzɔ̀, inyɛ ì hwɛnɛ lìhvìtà, inyɛ je ɛndɛ o e konda ya lìkànèyà la ama Lohwɛ̀, ema e ŋgbàà e ndelì. Inyɛ̀ je ɛndɛ aŋga e rzi hwɛ tɔ̀ wɔ̀ŋgɔ̀. Inyɛ̀ i gbeye nanù aŋga nanù Lohwɛ̀ a jo uŋmɛ̀lɛ̀ ììlì, rzìi a jo ŋgbà e ndèli ya eni ema e jo oŋgowàna tɔ̀ ima hvonda ema ja arza lì oŋgowanɛ.

Hibrù 5:7

È hvonda ema Yerzù à mà hwɛ ò è rze yà mɔ̀nyɛ̀, à mà hwɛ lì kànɛ, lì atɛkɛ Lohwɛ̀, à mà hwɛ lì eeya lùwa lì ndɛnɛ, ndèŋgànɛ̀lɛ̀ mììrzɔ̀lì ma mà hwɛ lì mò wurza. À mà hwɛ lì kànɛ̀lɛ̀lɛ̀ Lohwɛ̀ ema à tanɛyi lì rzùŋga lòŋgɛ là eni. Lohwɛ̀ à mà hweyàna lìkanɛ̀ là eni, èhwanja mɔ̀ à hwɛni wɔ̀ɔ̀ŋgɔ̀ wo ama Lohwɛ̀ o tenì ya eni.

1 Pètrò 1:17

Lohwɛ̀ a kàyìrzɛ̀ hwatò hwa arzɛ nyayi hvɔ̀kɔ, mo a rza timbana tɔ mòtò mburza. Ndèŋgànɛ̀lɛ̀, inyɔ e mo kànɛ tɛ, e a mo hwɛlɛ nanù ema Tatɛ̀. O èŋgànɛ̀lɛ̀ rzɔ e ohve wɔ̀ɔ̀ŋgɔ̀ wa ama Lohwɛ̀ o tenì ya mòŋgɛ ma anyu ma arzɛ o tenì ya ene rze, ema inyɔ e hwèlì ndi hwàyɛ̀nì.

1 Pètrò 2:20

O gbèyi tɛ wòhwe rzìi o kakana ŋmèma o e njuma ema hwa o anàni o nyòla woŋgo wòhwe, ima mɔ̀rzɛ̀ŋgì o luwa e? Ndi o ajùlɛ̀nɛ̀ tɛ mòtàkà o tɔ̀ ima eyà ya gbamù ema o gbèyi, aŋga nanù Lohwɛ̀ a o òkana mɔ̀nyɛ̀ŋgi.

1 Pètrò 2:5

Inyɔ e jèe e hwɛ ndi nàa màŋyàyi ema mà hwèlì lòŋgɛ ema Lohwɛ̀ a gbeyàna o lì oŋga e ndawò ya eni ya èlìŋgɛ̀. Ndeŋgànɛlɛ o tenì ya eŋge ndawò ɔndi inyɔ e o mo gbèeyà. È o hwɛ ndi pìlìrzì ja wòtani, ema e o mo ŋgbɛ màhwèyà ma wòtani ema mɔ̀ à o emeyà lì akeyà na Yerzù Krirztò.

Hwèwulùwèlì 1:6

À jò gbèyi ì hwèlì ndi nàa Ipilìrzi ema i gbèeyà Lohwɛ̀ è Tatɛ̀ yà eni ema è hwa kànèyà. Inyɛ̀ èluhwe nà lìkànèyà là eni lì hwɛ ò gbìndèyà nà ò gbìndèyà. Inyɛ̀ wò lìya nanù.

Hwèwulùwèlì 15:4

Ìi Rzàŋgo, njɛnɛ a rza o oka wɔ̀ŋgɔ̀ e? Njɛnɛ a rza o ŋgba èluhwe e? O wà witi mɛnɛ ndi o hwèlì wòtani. Hwàto hwa hwèkòmè hwe arzɛ hwe e rze ya mɔ̀nyɛ̀ hwa o jà o lì o kànɛ. Èhwànja hwègbèèlì hwe aŋgɔ hwe ehve-ehve hwe ma wulùwahwà.”

Hwèwulùwèlì 5:10

À mà hwa gbeyà ò lì hwɛ ipilìrzi ema ì gbèeyà Lòohwà là arzu, ndèŋgànɛ̀lɛ̀ wɔ̀ hwa ò kànèyà è rze yà mɔ̀nyɛ̀.”