Hibrù 12:27 - Mokpwe: Bakwery (New Testament)

²⁷ Nà oma à mà ohwe nanù ema, “Nànù mɛnɛ,” e jo uŋmɛ̀lɛ̀ nanù ema Lohwɛ̀ a o ulɛ hwèèmà hwe arzɛ ema hwe ma nyiŋga o rze. Hweŋge hwèèmà hwe hwèlì ndi hwèèmà ema à mà wèkè. A o gbeyà nanù aŋga nanù hwèèmà ema hwe rza o nyiŋga hwe o lìiya.

Hibrù 12:27 ပူးပေါင်းရင်းမြစ်များ

Matiyò 24:35

È ŋmanyu nà è rze hwe ò kùwa lì aka ndi hweyòhwèlì hwe ami hwe ò hwɛ ò i hvònda ja arzɛ.

Ròmànì 8:19

Hweema hwe arzɛ ema Lohwɛ̀ a wèki ò rze ya mɔ̀nyɛ̀ hwe hwèlì lì ambɛ̀lɛ̀ na nyɔ̀ŋgi ndɛnɛ ò lì ɛnɛ na òma Lohwɛ̀ a ò uŋmɛ̀lɛ̀ hwàna hwa eni, a ò gbeyà eŋge na èluhwe ya eni ya arzɛ.

Ròmànì 8:21

mɔ̀ à ò rzòlòwa hweŋge hwema ò e ŋgɔkɔhwi ya ndùtù ema e hwe kaki nanù ema hwe rzɔmbe. Hweŋge hwema hvɛ hwe ò luwa wònja ò lì luwa nyayi hvɔ̀kɔ ya èluhwe ema Lohwɛ̀ a ŋgba hwàanà hwa eni.

1 Kɔ̀rintìyà 7:31

Hwatò ema hwa gbeyàna hwèèmà hwe ene rze ya mɔ̀nyɛ̀, wɔ̀ hwa rza ika mèèmà me awu aŋga. Èhwanja na oma ene rze e hwèlì nanù, e rza inda tii.

Hibrù 1:10

Lohwɛ̀ rzìi a ohwa hvɛ nanù ema, “Ìi Rzàŋgo, o wa ndi o ma weka e rze o hwewòtelì, ndèŋgànɛ̀lɛ̀ e ŋmanyu yà lohwà hvɛ e hwèlì ndi èki ema o weki na màà mà aŋgɔ.

Hibrù 13:14

Jɛ̀ɛ̀ ɛndɛ lì mo ùŋmànɛ̀lɛ̀ aŋga èhwanja irzɔ i rza ohvì mbowà ya mòlìkɛ̀ anù rze ya mɔ̀nyɛ̀. Ndi inyɛ je ika mèèmà me arzu o e mbowà ema è hwɛnì lì jà o worzo.

Hibrù 9:11

Ndi Krirztò mɔ̀ à mà màa lì jà nàa Pìlìrzì e Kàrzàmi o hweyà hwe gbamù ema hwe ma màa lì jà. Mɔ̀ a gbeyà èwòlò ya eni o lìwondo ema lì akayi lìwondo la e rze ya mɔ̀nyɛ̀ ndeŋgànɛlɛ lɔ̀ lì hwèlì gbamù lì aka lìwondo la e rze ya mɔ̀nyɛ̀. Rzeketɛ hwatò hwa hwènàmà ndi hwa oŋgi lìŋgi lìwondo. Lì rza enje ndi lìwondo ema lì hwèlì o e rze ya mɔ̀nyɛ̀.

Hwèwulùwèlì 11:15

È aŋgèlì è ùkirzɛ̀ lìrzamba hvɛ è tòŋga è là eni lìyɔ̀mi. Rzìi lìlo ema lì kàrzami lì uwɛlɛlɛ ò ŋmanyu yà lohwà lì à ohwa nanù ema, “È wònjà yà lìkànèyà ene rze ò naŋgɛ è mà tìmba ndi è yà ama è Rzàŋgo, Lòohwà là arzu nà è Krirztò yà eni, ndèŋgànɛlɛ mɔ̀ à ò kànèyà natɛ̀ɛ nà ò gbìndèyà.”

Hwèwulùwèlì 21:1

È hvonda ema hwèkàyìrzèlèlì hwe ma akɛlɛhwɛ ɔndi nà à ɛnɛ e ŋmanyu yà lohwà hvènya nà e rze ya mɔ̀nyɛ̀ hvènya. È ŋmanyu yà lohwà na e rze ya mɔ̀nyɛ̀ ema hwe ma loma lì hwɛ hwe mà nyɔ̀ŋgɔ̀, ndèŋgànɛ̀lɛ̀ ŋmàanja hvɛ mo mà nyɔ̀ŋgɔ̀.

Hwèwulùwèlì 21:4

A o hwa titowa tɔ̀ ima mirzɔ̀lì o mìrzɔ ma awu. O rza o hwɛ hvɛ tɔ̀ kpelì, tɔ̀ lì ehwɛ, tɔ̀ luwa, tɔ̀ mòrziyò. È o hwɛ ndi nanù ehwànja hweyà hwe mbolowa hwe ma aka.”

Hwèwulùwèlì 21:5

Mɔ̀ ema à mà lìyà o konda ya lìkànèyà rzìi a ohwa nanù ema, “È ɔŋgɔ tɛ nà mà gbeyà hweyà hwe arzɛ hwe hvènya!” Rzìi à no ohweyà hvɛ nanù ema, “Tila hwene hweyà ehwànja hwene hweyà ema na ohwa hwe hwèlì ndi e jɔ̀kɛ̀ ndèŋgànɛlɛ hwe hwèlì ndi hweyà ema tɔ̀ ima mòtò a àŋgàmɛ̀nɛ̀yi lì lòkɛ̀.”